Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മോദി ഛത്തീസ്ഗഡില്‍, നക്‌സലൈറ്റുകള്‍ റോഡ് തടഞ്ഞു, പാളം തകര്‍ത്തു
റായ്പൂര്‍: പ്രധാനമന്ത്രി നരേന്ദ്ര മോദി ഛത്തീസ്ഗഡ് സന്ദര്‍ശിക്കുന്നതില്‍ പ്രതിഷേധിച്ച് നക്‌സലൈറ്റുകളുടെ ബന്ദ്. രണ്ട് ദിവസത്തെ ബന്ദാണ് നക്‌സലൈറ്റുകള്‍ പ്രഖ്യാപിച്ചിരിക്കുന്നത്. റോഡുകള്‍ തടഞ്ഞും തീവണ്ടിപ്പാളങ്ങള്‍ തകര്‍ത്തും ജനജീവിതം ദുസ്സഹമാക്കുകയാണ് നക്‌സലൈറ്റുകള്‍ എന്നാണ് റിപ്പോര്‍ട്ടുകള്‍. പ്രധാനമന്ത്രിയായതിന് ശേഷം ഇതാദ്യമായിട്ടാണ് മോദി നക്‌സല്‍ ബാധിത സംസ്ഥാനമായ ഛത്തീസ്ഗഡ് സന്ദര്‍ശിക്കുന്നത്.
നേരത്തെ നക്‌സലൈറ്റുകള്‍ 400 ഗ്രാമവാസികളെ ബന്ദികളാക്കിയതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. നരേന്ദ്ര മോദി റാലി നടത്തുന്ന സ്ഥലത്ത് നിന്നും 80 കിലോമീറ്റര്‍ അകലെ മരേംഗ ഗ്രാമത്തിലാണ് ഈ സംഭവം എന്നായിരുന്നു റിപ്പോര്‍ട്ടുകള്‍. എന്നാല്‍ പോലീസ് അധികൃതര്‍ ഈ റിപ്പോര്‍ട്ടുകള്‍ നിഷേധിച്ചു. ഗ്രാമവാസികള്‍ക്ക് യാതൊരു പ്രശ്‌നവും ഇല്ല. എല്ലാവരും സുരക്ഷിതരാണ്.
നക്‌സലുകളുടെ സ്വാധീന കേന്ദ്രമാണ് മോദി സന്ദര്‍ശനം നടത്തുന്ന ദണ്ഡേവാഡ. സന്ദര്‍ശനം ബഹിഷ്‌കരിക്കാനാണ് നക്‌സലൈറ്റകളുടെ ആഹ്വാനം. വെള്ളിയാഴ്ച വൈകിട്ടാണ് മരങ്ങള്‍ മുറിച്ചിട്ട് നക്‌സലൈറ്റുകള്‍ റോഡ് ഗതാഗതം തടഞ്ഞത്. മോദിയുടേയും ഛത്തീസ്ഗഡ് മുഖ്യമന്ത്രി രമണ്‍ സിംഗിന്റേയും കോലം കത്തിക്കുകയും ചെയ്തു.
നേരത്തെ ദണ്ഡേവാഡയിലെത്തിയ മോദിയെ സംസ്ഥാന മുഖ്യമന്ത്രി രമണ്‍ സിംഗ് സ്വീകരിച്ചു. ദണ്ഡേവാഡയിലെത്തിയ പ്രധാനമന്ത്രി വിദ്യാര്‍ഥികളുമായി സംസാരിച്ചു. ഈ സന്ദര്‍ശനത്തില്‍ ദണ്ഡേവാഡയിലെ ദില്‍മിലി ജില്ലയില്‍ സ്റ്റീല്‍ പ്‌ളാന്റും റാവോഘട്ടില്‍ നിന്ന് ജഗ്ദല്‍പൂരിലേക്കുള്ള 140 കിലോമീറ്റര്‍ നീളുന്ന റെയില്‍വേയുടെ രണ്ടാം ഘട്ട ലൈനും പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും.
