Click it and Unblock the Notifications
Just In
Don't Miss
-
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ് -
ഐഫോൺ 16 കണ്ട് ഞെട്ടാൻ റെഡിയായിക്കോ! എഐക്കായി ഫോണുകളുടെ തലവര മാറ്റുന്ന നീക്കവുമായി ആപ്പിൾ -
സിട്രണിൻ്റെ ബ്രാൻഡ് അംബാസിഡറായി 'തല', ഇനി ഹെലികോപ്ടർ ഷോട്ടടിക്കാൻ സിട്രൺ -
ഉണക്കമുന്തിരിയും തൈരും ദിനവും ആരോഗ്യവും ആയുസ്സും നല്കും -
'പോകരുതെന്ന് ആര്യ പലവട്ടം പറഞ്ഞതാണ്... ആ ഉപദേശവും അനുഭവങ്ങളുമാകും സിബിനെ ക്വിറ്റ് ചെയ്യാൻ പ്രരിപ്പിച്ചത്' -
IPL 2024: മുംബൈ 3ന് 20, എന്തുകൊണ്ട് ഹാര്ദിക് നേരത്തെ ബാറ്റ് ചെയ്തില്ല? തുറന്നടിച്ച് ഇര്ഫാന് -
‘പോളിസി മാറ്റാം’; കടബാധ്യത കൈകാര്യം ചെയ്യാൻ ഇൻഷുറൻസ്, വിശദമായി അറിയാം
തുഷാര്‍ വെള്ളാപ്പള്ളിയെ പൂട്ടാനുറച്ച് കെസിആര്‍; ലുക്ക് ഔട്ട് നോട്ടീസ് പുറപ്പെടുവിച്ച് തെലങ്കാന പൊലീസ്
ഹൈദരാബാദ്: തെലങ്കാനയില്‍ ടി ആര്‍ എസ് എം എല്‍ എമാരെ ബി ജെ പിയിലേക്ക് എത്തിക്കാനായി ശ്രമിച്ചു എന്ന കേസില്‍ കേരളത്തിലെ എന്‍ ഡി എ കണ്‍വീനറും ബി ഡി ജെ എസ് നേതാവുമായ തുഷാര്‍ വെള്ളാപ്പള്ളിക്ക് ലുക്ക്ഔട്ട് നോട്ടീസ്. തെലങ്കാന പൊലീസ് ആണ് ലുക്ക് ഔട്ട് നോട്ടീസ് പുറപ്പെടുവിച്ചിരിക്കുന്നത്. ഓപ്പറേഷന്‍ ലോട്ടസിന് ശ്രമിച്ച ജഗ്ഗു സ്വാമിക്കെതിരെയും ലുക്ക്ഔട്ട് നോട്ടീസ് പുറപ്പെടുവിച്ചിട്ടുണ്ട്.
ചോദ്യം ചെയ്യലിന് ഹാജരാകാത്തതിന് പിന്നാലെയാണ് തെലങ്കാന പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരിക്കുന്നത്. അതേസമയം ചോദ്യം ചെയ്യലിന് ഹാജരാകാന്‍ ബി ജെ പി ദേശീയ ജനറല്‍ സെക്രട്ടറി ബി എല്‍ സന്തോഷ് കൂടുതല്‍ സമയം തേടിയിട്ടുണ്ട്.
തെലങ്കാനയില്‍ ടി ആര്‍ എസ് സര്‍ക്കാരിനെ അട്ടിമറിക്കാനുള്ള 'ഓപ്പറേഷന്‍ ലോട്ടസ്' പദ്ധതിക്ക് പിന്നില്‍ പ്രധാനമായി പ്രവര്‍ത്തിച്ചത് തുഷാര്‍ വെള്ളാപ്പള്ളിയാണെന്നാണ് മുഖ്യമന്ത്രി കെ ചന്ദ്രശേഖര റാവുവിന്റെ ആരോപണം. ഇതിന് തെളിവായി തുഷാര്‍ വെള്ളാപ്പള്ളിയുടെ വീഡിയോയും ഓഡിയോയും അടക്കം കെ സി ആര്‍ പുറത്ത് വിട്ടിരുന്നു. കഴിഞ്ഞ ദിവസം പ്രത്യേക അന്വേഷണ സംഘം തുഷാര്‍ വെള്ളാപ്പള്ളിയുടെ കണിച്ചുകുളങ്ങരയിലെ വീട്ടിലെത്തി നോട്ടീസ് കൈമാറിയിരുന്നു.
ടി ആര്‍ എസ് എം എല്‍ എമാരെ സ്വാധീനിക്കാന്‍ 100 കോടി രൂപ വാഗ്ദാനം ചെയ്തത് അമിത് ഷായുടെ നോമിനിയായ തുഷാര്‍ വെള്ളാപ്പള്ളിയാണ് എന്നാണ് കെ സി ആര്‍ ആരോപിക്കുന്നത്. ഇതുമായി ബന്ധപ്പെട്ട് കോടികളുമായി മൂന്ന് പേരെ അറസ്റ്റ് ചെയ്തിരുന്നു. അറസ്റ്റിലായവര്‍ ഏജന്റുമാരാണ് എന്നാണ് സൂചന. ഇവര്‍ തുഷാര്‍ വെള്ളാപ്പള്ളിയെ ബന്ധപ്പെട്ടതിന്റെ ഫോണ്‍ രേഖകള്‍ കെ സി ആര്‍ പുറത്തുവിട്ടിരുന്നു.
ടി ആര്‍ എസിന്റെ എം എല്‍ എമാരുമായി കൂടിക്കാഴ്ച നടത്താമെന്ന് തുഷാര്‍ വെള്ളാപ്പള്ളി പറയുന്ന ശബ്ദരേഖയില്‍ കെ സി ആര്‍ പുറത്ത് വിടുകയും ചെയ്തിരുന്നു. ഇതില്‍ ബി എല്‍ സന്തോഷുമായി സംസാരിച്ച് കാര്യങ്ങള്‍ ഉറപ്പിക്കാമെന്ന് തുഷാര്‍ പറയുന്നുണ്ട്. അതേസമയം ബി എല്‍ സന്തോഷിനോട് മൊബൈല്‍ ഫോണ്‍ അടക്കം ഹാജരാക്കണമെന്നും സഹകരിച്ചില്ലെങ്കില്‍ അറസ്റ്റ് ചെയ്യുമെന്നും പൊലീസ് അറിയിച്ചിട്ടുണ്ട്.
തെലങ്കാന പൊലീസ് കൊച്ചി ഉള്‍പ്പെടെയുള്ള സ്ഥലങ്ങളില്‍ റെയ്ഡ് നടത്തിയിരുന്നു. മലയാളിയായ നല്‍ഗൊണ്ട എസ് പി രമ മഹേശ്വരിയുടെ നേതൃത്വത്തിലുള്ള സംഘമാണ് കേരളത്തിലെ വിവരങ്ങള്‍ ശേഖരിക്കുന്നത്. പി രോഹിത് റെഡ്ഢി എം എല്‍ എയുടെ ഹൈദരാബാദിനു സമീപത്തുള്ള ഫാം ഹൗസില്‍ വെച്ചായിരുന്നു എം എല്‍ എമാരെ ചാക്കിലാക്കാനുള്ള നീക്കം നടന്നത്. എന്നാല്‍ ഇവിടെ സ്ഥാപിച്ച രഹസ്യക്യാമറകളില്‍ നിന്നുള്ള ദൃശ്യങ്ങള്‍ പുറത്തായതോടെ പൊലീസെത്തുകയയായിരുന്നു.
ബി ജെ പിയിലേക്ക് കൂറുമാറിയാലുള്ള സാമ്പത്തിക നേട്ടത്തെപ്പറ്റി എം എല്‍ എമാരോട് അറസ്റ്റിലായവര്‍ വിശദീകരിക്കുന്നതാണ് പുറത്ത് വന്ന ദൃശ്യത്തിലുള്ളത്. ഇതിനിടെ രോഹിത് റെഡ്ഢി തുഷാര്‍ വെള്ളാപ്പള്ളിയുമായി സംസാരിക്കുന്നുണ്ട്. ഇത് മൊബൈല്‍ സ്പീക്കര്‍ ഓണാക്കി കേള്‍പ്പിക്കുന്നതും വ്യക്തമാണ്. ഇതില്‍ നാളെ മുതല്‍ വിഷയം പരിഗണിക്കാം, ഞാന്‍ ബി എല്‍ സന്തോഷുമായി തീയതിയെപ്പറ്റി സംസാരിക്കാം എന്ന് പറയുന്നത് തുഷാര്‍ വെള്ളാപ്പള്ളി ആണ് എന്നാണ് കെ സി ആര്‍ ആരോപിക്കുന്നത്.
