മെഹബൂബ മുഫ്തി ലോക്സഭയിലേക്ക് മത്സരിക്കും, എതിരാളി ഗുലാംനബി: 3 സീറ്റില് പിഡിപി പിന്തുണ കോണ്ഗ്രസിന്
ശ്രീനഗർ: പീപ്പിൾസ് ഡെമോക്രാറ്റിക് പാർട്ടി (പി ഡി പി) നേതാവും ജമ്മകശ്മീർ മുന് മുഖ്യമന്ത്രിയുമായ മെഹബൂബ മുഫ്തി ലോക്സഭാ തിരഞ്ഞെടുപ്പിൽ അനന്ത്നാഗ്-രജൗരി മണ്ഡലത്തിൽ നിന്നും ജനവധി തേടും. മുൻ കോൺഗ്രസ് നേതാവ് ഗുലാം നബി ആസാദും ഇതേ മണ്ഡലത്തില് നിന്നും മത്സരിക്കുന്നുണ്ട്. ശ്രീനഗറിൽ നിന്ന് വഹീദ് പാരയെയും ബാരാമുള്ള മണ്ഡലത്തിൽ നിന്ന് ഫയാസ് മിറിനെയും പി ഡി പി സ്ഥാനാർത്ഥിയായി പ്രഖ്യാപിച്ചിട്ടുണ്ട്. ഉധംപൂരിലും ജമ്മുവിലും കോൺഗ്രസിനെ പിന്തുണയ്ക്കുമെന്നും പി ഡി പി അറിയിച്ചു.
ദേശീയ തലത്തില് നാഷണല് കോണ്ഫറന്സ് അടങ്ങുന്ന ഇന്ത്യാ സഖ്യത്തിന്റെ ഭാഗമാണെങ്കിലും കശ്മീർ താഴ്വരയിലെ മൂന്ന് സീറ്റുകളിൽ ഒറ്റയ്ക്ക് മത്സരിക്കുമെന്ന് പി ഡി പി കഴിഞ്ഞ ദിവസം അറിയിച്ചിരുന്നു. ഇതിന് തൊട്ടുപിന്നാലെയാണ് സീറ്റ് പ്രഖ്യാപനം. നാഷണൽ കോൺഫറൻസ് ചർച്ചകളുടെ യാതൊരു സാധ്യതയും തുറന്നിട്ടില്ലെന്നും പി ഡി പി കുറ്റപ്പെടുത്തി. 'സ്ഥാനാർത്ഥികളെ നിർത്തി തിരഞ്ഞെടുപ്പിൽ മത്സരിക്കുകയല്ലാതെ അവർ (എൻസി) ഞങ്ങൾക്ക് മറ്റൊരു മാർഗവും അവശേഷിപ്പിച്ചിരുന്നില്ല', മുഫ്തി പറഞ്ഞു.
"ഇന്ത്യ ബ്ലോക്കിൻ്റെ യോഗം മുംബൈയിൽ നടന്നപ്പോൾ, ഫാറൂഖ് അബ്ദുള്ള ഞങ്ങളുടെ മുതിർന്ന നേതാവായതിനാൽ അദ്ദേഹം ഒരു തീരുമാനംഎടുക്കുമെന്നും നീതി പുലർത്തുമെന്നും ഞാൻ അവിടെ പറഞ്ഞിരുന്നു. അദ്ദേഹം പാർട്ടി താൽപര്യങ്ങൾ മാറ്റിനിർത്തുമെന്ന് ഞാൻ പ്രതീക്ഷിച്ചിരുന്നു," 2004ലും 2014ലും അനന്ത്നാഗിൽ നിന്ന് വിജയിച്ച മുഫ്തി വ്യക്തമാക്കി.
എന്നാല് 2020ലെ ജില്ലാ വികസന കൗൺസിൽ (ഡിഡിസി) തെരഞ്ഞെടുപ്പിന് മുന്നോടിയായി രൂപീകരിച്ച പീപ്പിൾസ് അലയൻസ് ഫോർ ഗുപ്കർ ഡിക്ലറേഷൻ്റെ (പിഎജിഡി) ഘടകകക്ഷികൾ തമ്മിലുള്ള ധാരണയിൽ നിന്ന് പിന്നോട്ട് പോകുന്നുവെന്ന ആരോപണമാണ് പി ഡി പിക്കെതിരെ നാഷണൽ കോൺഫറൻസ് വൈസ് പ്രസിഡൻ്റ് ഒമർ അബ്ദുള്ള ഉയർത്തുന്നത്.
അതേസമയം, ജമ്മു കശ്മിന്റെ സംസ്ഥാന പദവി പുനസ്ഥാപിക്കുകയെന്ന മുദ്രാവാക്യം ഉയർത്തിയാണ് ഗുലാംനബി ആസാദിന്റെ മത്സരം. "ഞങ്ങൾക്ക് സംസ്ഥാന പദവിയില്ല എന്നതാണ് ഏറ്റവും വലിയ പ്രശ്നം. ഇപ്പോർ ഇത് ഒരു കേന്ദ്ര ഭരണ പ്രദേശമാണ്. ആർട്ടിക്കിൾ 370 റദ്ദാക്കിയപ്പോൾ ഞാൻ രാജ്യസഭയിൽ പോരാടി. സംസ്ഥാന പദവിക്കായി ലോക്സഭയിലും പോരാടാൻ ഞാൻ ആഗ്രഹിക്കുന്നു. ഗവർണർ ഉള്ളിടത്ത് ഞങ്ങൾ പൂർണ സംസ്ഥാന പദവി ആവശ്യപ്പെടും. ലോക്സഭയിലെ എൻ്റെ ആദ്യ പോരാട്ടം സംസ്ഥാന പദവി പുനഃസ്ഥാപിക്കുന്നതിന് വേണ്ടിയായിരിക്കും" ഗുലാംനബി ആസാദ് പറഞ്ഞു.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google