Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സുഹൃത്തിനെ കൊല്ലാന്‍ പദ്ധതിയിട്ട ഐഎഎസ് ഓഫീസര്‍ അറസ്റ്റില്‍
ദില്ലി: അടുത്ത സുഹൃത്തിനെ കൊല്ലാന്‍ പദ്ധതിയിട്ട കേസില്‍ 1985 ഹരിയാന കേഡറിലെ ഐഎഎസ് ഓഫിസര്‍ സഞ്ജീവ് കുമാറിനെ ഡല്‍ഹി പൊലീസ് ക്രൈം ബ്രാഞ്ച് അറസ്റ്റ് ചെയ്തു. ഇയാള്‍ക്കൊപ്പം മുന്നംഗ ക്വട്ടേഷന്‍ സംഘത്തെയും ആയുധങ്ങള്‍ സഹിതം പിടികൂടിയിട്ടുണ്ട്. സഞ്ജീവ് കുമാറിന്റെ അടുത്ത സുഹൃത്തായ ബിസിനസുകാരനെയാണ് കൊലപ്പെടുത്താന്‍ പദ്ധതിയിട്ടത്.
അധ്യാപക നിയമന അഴിമതിയില്‍ കുടുങ്ങി സഞ്ജീവ് കുമാര്‍ നേരത്തെ തിഹാര്‍ ജയിലില്‍ കിടന്നിരുന്നു. ഇവിടെവെച്ചാണ് ഷൗക്കത്ത് പാഷയെന്ന ഗുണ്ടാ തലവനുമായി സഞ്ജീവ് കണ്ടുമുട്ടന്നത്. പാഷയാണ് സുഹൃത്തിനെ കൊല്ലാന്‍ സഹായിക്കാമെന്ന് വാഗ്ദാനം നല്‍കിയത്. സംഭവം പുറത്തായതിനെ തുടര്‍ന്ന് ഹരിയാന മുന്‍മുഖ്യമന്ത്രി ഓം പ്രകാശ് ചൗട്ടാലയാണ് സുഹൃത്തിനെ കൊലപ്പെടുത്താന്‍ ശ്രമിച്ചതെന്ന് സഞ്ജീവ് ആരോപിച്ചിരുന്നു.
2013ല്‍, 3,000ലധികം അധ്യാപകരെ നിയമവിരുദ്ധമായി നിയമിച്ച കേസിലാണ് സഞ്ജീവ് കുമാര്‍ ജയിലിലായത്. ഹരിയാന മുന്‍മുഖ്യമന്ത്രി ഓം പ്രകാശ് ചൗട്ടാല, മകന്‍ അജയ് ചൗട്ടാല എന്നിവരും ഇയാള്‍ക്കൊപ്പം ജയിലിലായിരുന്നു. വ്യാജ പരിക്ക് അഭിനയിച്ച് ജയിലില്‍ നിന്നും സഞ്ജീവ് കുമാര്‍ ജാമ്യത്തിന് ശ്രമിച്ചതായും നേരത്തെ വാര്‍ത്തകളുണ്ടായിരുന്നു.
ഇതിനിടയിലാണ് കൊലപാതകശ്രമത്തിന് അറസ്റ്റിലാകുന്നത്. സുഹൃത്തുമായുണ്ടായ സ്ഥലതര്‍ക്കത്തെ തുടര്‍ന്ന് കൊലപ്പെടുത്താന്‍ തീരുമാനിക്കുകയായിരുന്നു. ഇതിനായി ക്വട്ടേഷന്‍ സംഘത്തിന് പണവും നല്‍കി. അഴിമതിയില്‍ മുങ്ങിക്കുളിച്ച എഐഎസ് ഓഫീസര്‍ കോടിക്കണക്കിന് രൂപ അനധികൃതമായി സമ്പാദിച്ചതായും റിപ്പോര്‍ട്ടുണ്ട്. ഈ പണം റിയല്‍എസ്റ്റേറ്റ് മേഖലയില്‍ നിക്ഷേപിച്ചതായാണ് സൂചന.
