Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
3 കോടി മുന്നണി പോരാളികളുടെ വാക്‌സിനേഷന്‍ ചെലവ് കേന്ദ്രം വഹിക്കുമെന്ന് മോദി, വിലക്കുറവിലുമെത്തും
ദില്ലി: മൂന്ന് കോടി മുന്നണി പോരാളികളുടെ കൊവിഡ് വാക്‌സിനേഷന്‍ ചെലവ് കേന്ദ്ര സര്‍ക്കാര്‍ വഹിക്കുമെന്ന് പ്രധാനമന്ത്രി നരേന്ദ്ര മോദി. വാക്‌സിനേഷന്‍ ഉദ്ഘാടനം ചെയ്ത് കൊണ്ടാണ് പ്രധാനമന്ത്രി പ്രഖ്യാപനം നടത്തിയത്. ആരോഗ്യ പ്രവര്‍ത്തകര്‍ക്കും, മുന്നണി പോരാളികള്‍ക്കും ആണ് വാക്‌സിനേഷനില്‍ ആദ്യം പ്രാധാന്യം നല്‍കുക. ചരിത്രപരമായ ഒരു നേട്ടമാണിത്. കൊവിഡ് വാക്‌സിനായി രാജ്യം കാത്തിരിക്കുകയായിരുന്നു. ജനങ്ങളുടെ ശ്രമങ്ങളെയും അഭിനന്ദിക്കുന്നുവെന്ന് മോദി പറഞ്ഞു.
വാക്‌സിന്‍ വന്നത് കൊണ്ട് ഒരാളും മുന്‍കരുതലില്ലാതെ പോകരുത്. അത് നല്ലതല്ലെന്നും മോദി വ്യക്തമാക്കി. അതേസമയം ഇന്ത്യയില്‍ എല്ലാവര്‍ക്കും വളരെ കുറഞ്ഞ നിരക്കില്‍ വാക്‌സിന്‍ ലഭ്യമാക്കും. മറ്റ് രാജ്യങ്ങളില്‍ ഉള്ളതിനേക്കാള്‍ കുറവായിരിക്കും ഇത്. ആത്മവിശ്വാസത്തിലൂടെ സ്വയം പര്യാപ്തയിലൂടെയുമാണ് നാം കൊറോണയെ നേരിട്ടത്. ഒരിക്കലും നമ്മുടെ ആത്മവിശ്വാസത്തെ ദുര്‍ബലമാക്കാന്‍ നമ്മല്‍ അനുവദിക്കില്ല. എല്ലാ ഇന്ത്യക്കാരും അത്തരത്തില്‍ കരുതണമെന്ന് മോദി പറഞ്ഞു.
അതേസമയം വാക്‌സിനായി പ്രയത്‌നിച്ച ശാസ്ത്രജ്ഞന്‍മാരെയും പ്രധാനമന്ത്രി അഭിനന്ദിച്ചു. ലോകത്തിന് ഇന്ത്യ മാതൃകയായെന്ന് അദ്ദേഹം പറഞ്ഞു. ഇന്ത്യയുടെ വാക്‌സിനില്‍ ലോകത്തിന് പൂര്‍ണ വിശ്വാസമുണ്ട്. ആ വിശ്വാസം കൂടുതല്‍ ശക്തിപ്പെടുത്തണമെന്നും മോദി പറഞ്ഞു. ആരും ആദ്യ ഡോസ് കഴിഞ്ഞാലും മാസ്‌ക് മാറ്റരുത്. കുത്തിവെപ്പിന് ശേഷം രണ്ടാഴ്ച്ച കഴിഞ്ഞാലേ ഫലം കാണൂ. വാക്‌സിനുകള്‍ക്ക് എതിരെയുള്ള പ്രചാരണം ജനം വിശ്വസിക്കരുതെന്നും മോദി ആവശ്യപ്പെട്ടു. 150 രാജ്യങ്ങള്‍ക്ക് ഇന്ത്യ മരുന്ന് എത്തിച്ചിട്ടുണ്ടെന്നും അദ്ദേഹം പറഞ്ഞു.
മരുന്നുകള്‍ പുറേ ജാഗ്രതയും ആവശ്യമാണെന്ന് മോദി ജനങ്ങളെ ഓര്‍മപ്പെടുത്തി. വാക്‌സിനേഷന്‍ ദീര്‍ഘകാലം നീളും. മറ്റ് രാജ്യങ്ങളും ഇന്ത്യയുടെ ജ്ഞാനത്തില്‍ നിന്ന് ഗുണം ലഭിക്കുന്നവരായിരിക്കുമെന്നും പ്രധാനമന്ത്രി വ്യക്തമാക്കി. രാജ്യത്ത് ലോക്ഡൗണ്‍ പ്രഖ്യാപിക്കുക എന്നത് വലിയ ബുദ്ധിമുട്ടേറിയ തീരുമാനമായിരുന്നു. നമ്മുടെ രാജ്യം നല്ല രീതിയില്‍ തന്നെയാണ് പ്രതിരോധ പ്രവര്‍ത്തനം നടത്തിയത്. മറ്റ് രാജ്യങ്ങളെ അപേക്ഷിച്ച് വളരെ കുറച്ച് പേര്‍ മാത്രമാണ് ഇന്ത്യയില്‍ മരിച്ചതെന്നും മോദി പറഞ്ഞു. നിരവധി പേര്‍ അവരുടെ ത്യാഗം നിറഞ്ഞ പോരാട്ടത്തില്‍ ജീവന്‍ വെടിഞ്ഞെന്നും മോദി പറഞ്ഞു. അവരെ എപ്പോഴും ഓര്‍ക്കുമെന്നും അദ്ദേഹം പറഞ്ഞു.
Recommended Video
