Click it and Unblock the Notifications
Just In
Don't Miss
-
വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം -
ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
മോദിയെ റസൂലാക്കി; മുസ്ലിങ്ങള്‍ക്ക് പ്രതിഷേധം
വഡോദര: ഗുജറാത്ത് മുഖ്യമന്ത്രി നരേന്ദ്ര മോദിയെ മുഹമ്മദ് നബിയോടുപമിച്ച് ഫേസ്ബുക്കില്‍ പ്രത്യക്ഷപ്പെട്ട കവിതയ്‌ക്കെതിരെ പ്രതിഷേധം. മുഹമ്മദ് നബിയെ അപമാനിക്കുന്നതാണ് കവിത എന്നാരോപിച്ച് ഗുജറാത്തിലെ മുസ്ലിങ്ങളാണ് പരാതിയുമായി രംഗത്തുവന്നിരിക്കുന്നത്. മതവികാരം വ്രണപ്പെടുത്തിയ കവിത പിന്‍വലിക്കണമെന്നും കവിക്കെതിരെ നടപടിയെടുക്കണമെന്നുമാണ് ഇവരുടെ ആവശ്യം.
ബോര്‍സാദ് മുനിസിപ്പാലിറ്റിയുടെ മുന്‍ പ്രസിഡണ്ടും ബി ജെ പി നേതാവുമായ ദുഷ്യന്ത് പട്ടേലിന്റെ പേരിലാണ് കവിത പ്രത്യക്ഷപ്പെട്ടിരിക്കുന്നത്. എന്നാല്‍ താന്‍ ഫേസ്ബുക്കില്‍ ഇത്തരമൊരു കവിത എഴുതിയിട്ടില്ലെന്നാണ് പട്ടേല്‍ പറയുന്നത്. ഗുജറാത്തിലെ ആനന്ദ് ജില്ലയില്‍പ്പെട്ട ബോര്‍സാദിലെ ബി ജെ പി നേതാവാണ് ദുഷ്യന്ത് പട്ടേല്‍.
കവിതയ്‌ക്കെതിരെ ബോര്‍സാദ് പോലീസ് സ്‌റ്റേഷനില്‍ പരാതിയുമായി എത്തിയെങ്കിലും അനുകൂലമായ പ്രതികരണം ലഭിച്ചില്ലെന്ന് ആക്ടിവിസ്റ്റ് സുബീര്‍ ഗോപാലനി പറഞ്ഞു. തുടര്‍ന്ന് മുസ്ലിം സമുദായ നേതാക്കളായ അഷ്‌റഫ് ബെയ്ഗ്, ഷൗക്കത് ഖാന്‍ പത്താന്‍, യാസിന്‍ വോറ തുടങ്ങിയവര്‍ ആനന്ദ് പോലീസ് സൂപ്രണ്ടിനെ കണ്ട് പരാതി നല്‍കുകയായിരുന്നു.
എന്നാല്‍ സംഭവത്തിനെതിരെ അന്വേഷണം ആരംഭിച്ചിട്ടുണ്ട് എന്നാണ് പോലീസ് സംഭവത്തോട് പ്രതികരിക്കുന്നത്. ദുഷ്യന്ത് പട്ടേല്‍ ഇപ്പോള്‍ മുംബൈയിലാണ്. അദ്ദേഹം തിരിച്ചെത്തിയതിന് ശേഷം വിശദീകരണം ചോദിക്കുമെന്നും പോലീസ് പറഞ്ഞു. എന്തായാലും ഫേസ്ബുക്ക് പോസ്റ്റുമായി തനിക്ക് ബന്ധമില്ല എന്ന് പട്ടേല്‍ വ്യക്തമാക്കിയിട്ടുണ്ട് - ബോര്‍സാദ് പോലീസ് സ്‌റ്റേഷന്‍ ഇന്‍സ്‌പെക്ടര്‍ ആര്‍ ഡി ദാബി പറഞ്ഞു.
