കർണാടക പിടിക്കാന് രാഹുല് ഗാന്ധിയുടെ പ്രത്യേക തന്ത്രം: അയോഗ്യതയും അദാനിയും വിഷയമല്ല, പകരം...
ബെംഗളൂരു: കൃത്യമായി പറഞ്ഞാല് രണ്ടാഴ്ച മാത്രമാണ് കർണാടക നിയമസഭ തിരഞ്ഞെടുപ്പിനായി അവശേഷിക്കുന്നത്. ഇതോടെ മൂന്ന് പാർട്ടികളും സംസ്ഥാനത്ത് പ്രചരണം കൂടുതല് ശക്തമാക്കിയിരിക്കുകയാണ്. കഴിഞ്ഞ ഒരു മാസമായി ബി ജെ പി, കോൺഗ്രസ്, ജെ ഡി എസ് എന്നീ പാർട്ടികളുടെ നിരവധി നേതാക്കൾ തങ്ങളുടെ പാർട്ടികൾക്കും സ്ഥാനാർത്ഥികൾക്കും പിന്തുണ തേടി സംസ്ഥാനത്തിന്റെ വിവിധ ഭാഗങ്ങളില് പ്രചരണം നടത്തിക്കൊണ്ടിരിക്കുകയാണ്.
കോൺഗ്രസിന് വേണ്ടി രാഹുൽ ഗാന്ധി കോലാറിൽ തിരഞ്ഞെടുപ്പ് പ്രചാരണം ആരംഭിച്ചതിന് ശേഷം വടക്കൻ കർണാടകയിലെ ചില ഭാഗങ്ങളിൽ പര്യടനം നടത്തി. ദേശീയ വിഷയങ്ങളേക്കാള് പ്രാദേശിക പ്രശ്നങ്ങളിലും സംസ്ഥാന സർക്കാരിലും ശ്രദ്ധ കേന്ദ്രീകരിച്ചുകൊണ്ടാണ് അദ്ദേഹത്തിന്റെ പ്രചരണം. സമാനമായ തന്ത്രം സ്വീകരിക്കാന് സംസ്ഥാനത്തെ മറ്റ് നേതാക്കളേയും അദ്ദേഹം ഉപദേശിച്ചുവെന്നാണ് റിപ്പോർട്ടുകള് അവകാശപ്പെടുന്നത്.
രാജ്യത്ത് ബി ജെ പി അധികാരത്തില് വന്നത് മുതല് സംസ്ഥാനത്തെ കോൺഗ്രസ് പാർട്ടിയുടെ തിരഞ്ഞെടുപ്പ് തന്ത്രങ്ങളിൽ സ്ഥിരമായി സ്വീകരിക്കുന്ന നിലപാട് കൂടിയാണ് ഇത്. ഈ സമീപനം രണ്ട് തരത്തില് ഗുണം ചെയ്യുമെന്നാണ് വിലയിരുത്തപ്പെടുന്നത്. ഒന്നാമതായി, ബി ജെ പി കേന്ദ്ര നേതൃത്വത്തിലും കേന്ദ്ര സർക്കാരിലും ശ്രദ്ധ കേന്ദ്രീകരിച്ചതോടെ, പ്രാദേശിക വിഷയങ്ങളിലൂടെ വോട്ടർമാരെ നേരിട്ട് സ്വാധീനിക്കാന് കോണ്ഗ്രസിന് സാധിക്കും.
രണ്ടാമതായി, കോൺഗ്രസ് പ്രതിപക്ഷത്തായതിനാൽ തന്നെ സംസ്ഥാനത്തെ ഭരണ വിരുദ്ധ വികാരത്തിന്റെ ആനുകൂല്യം നേടിയെടുക്കാനും സാധിക്കും. കഴിഞ്ഞ മാസത്തെ തുടർച്ചയായ രാഷ്ട്രീയ സംഭവവികാസങ്ങളുടെയും വിവാദങ്ങളുടെയും ഫലമായി ഭരണ കക്ഷിയായ ബി ജെ പി സംസ്ഥാനത്ത് വലിയ പ്രതിസന്ധിയിലൂടെയാണ് കടന്ന് പോവുന്നത് എന്നത് ഈ സാഹചര്യത്തില് ഓർക്കേണ്ടതാണ്.
സംസ്ഥാനത്ത് അധികാരത്തിലേറിയതിന്റെ ആദ്യ മൂന്ന് വർഷങ്ങളിൽ (2019-22) ബി ജെ പിയായിരുന്നു സംസ്ഥാനത്തെ രാഷ്ട്രീയ വിഷയങ്ങളുടെ അജണ്ട നിശ്ചയിച്ചിരുന്നത്. എന്നാല് കഴിഞ്ഞ ഒരു വർഷമായി കോണ്ഗ്രസ് അജണ്ട നിശ്ചയിക്കുകയും ബി ജെ പി അതിന് പിന്നാലെ പോവുന്നതുമാണ് കാണാന് സാധിക്കുന്നത്. ഏറ്റവും അവസാനമായി രാഹുൽ ഗാന്ധി തന്നെയെത്തി സംസ്ഥാന സർക്കാരിനെതിരെ നേരിട്ട് ആക്രമണം അഴിച്ചുവിടുകയും ബി ജെ പിക്ക് അതിനെ പ്രതിരോധിക്കേണ്ടി വരികയും ചെയ്യുന്നു.
40 ശതമാനം കമ്മീഷൻ സർക്കാർ എന്ന കോൺഗ്രസിന്റെ ആരോപണത്തെ കൂടുതൽ വിപുലീകരിച്ചുകൊണ്ട് രാഹുൽ ഗാന്ധി ബിജെപി 40 സീറ്റിൽ ഒതുങ്ങുമെന്ന് കൂട്ടിച്ചേർത്തു. ലിംഗായത്ത് നേതാവും സാമൂഹിക പരിഷ്കർത്താവും തത്ത്വചിന്തകനുമായ ബസവേശ്വരയെ പരാമർശിച്ചുകൊണ്ട് ബി ജെ പിക്കെതിരെ രാഹുല് അഞ്ഞടിച്ചതിലും കൃത്യമായ രാഷ്ട്രീയ സൂചനകളുണ്ട്.
കർണാടകയിൽ വിദ്വേഷവും അക്രമവും വർധിച്ചതായും രാഹുല് കൂട്ടിച്ചേർത്തു. നേരത്തെ, അമുൽ-നന്ദിനി വിവാദം കൊടുമ്പിരികൊണ്ടിരിക്കെ, അദ്ദേഹം സംസ്ഥാനത്തെ കോൺഗ്രസ് നേതാക്കൾക്കൊപ്പം ഐസ്ക്രീം കഴിക്കാൻ നന്ദിനി ഔട്ട്ലെറ്റിലേക്ക് പോവുകയും 'കർണാടകയുടെ അഭിമാനം - നന്ദിനി ഈസ് ദി ബെസ്റ്റ്' എന്ന് പിന്നീട് ട്വീറ്റ് ചെയ്യുകയും ചെയ്തു.
ലോക്സഭയിലെ അയോഗ്യത, അദാനി വിവാദം തുടങ്ങിയ വിഷയങ്ങള് രാഹുൽ ഗാന്ധി തന്റെ പ്രചാരണ പ്രസംഗങ്ങളുടെ ഭാഗമാക്കുമെന്നായിരുന്നു പലരും കരുതിയിരുന്നത്. എന്നാല് കർണാടകയില് ഇതിന് അദ്ദേഹം വലിയ പ്രധാന്യം നല്കുന്നില്ല. അതേസമയം, കർണാടകത്തിനു പുറത്തും രാജ്യത്തുടനീളവും രാഹുല് നടത്തുന്ന പ്രസംഗങ്ങളിലെ മുഖ്യഘടകം അയോഗ്യതയും അദാനി വിഷയവുമാണ്.
അദ്ദേഹത്തിന്റെ കർണാടക പ്രചാരണത്തിൽ അവരുടെ അഭാവം ഈ വിഷയങ്ങൾ പ്രകടമാണ്. സംസ്ഥാനത്തിനുള്ളിലെ സംഭവവികാസങ്ങളുടെ പശ്ചാത്തലത്തിൽ അവരെക്കുറിച്ചുള്ള പരാമർശങ്ങൾ സ്പർശിക്കുന്നതായി കാണപ്പെടുന്നു. രാഹുല് ഗാന്ധിക്ക് പുറമെ പ്രിയങ്ക ഗാന്ധിയും സംസ്ഥാനത്ത് പ്രചരണത്തിന് എത്തുമ്പോള് അവരും ഈ മാതൃക പിന്തുടർന്നേക്കുമെന്നാണ് പ്രതീക്ഷിക്കുന്നത്.
Click it and Unblock the Notifications
Sign in with Google