പതിമൂന്നുകാരി ബലാത്സംഗത്തിനിരയായി അഞ്ചുവയസ്സുക്കാരന്റെ തലയറുത്ത് പ്രതികാരം തീര്ത്തതിങ്ങനെ
ഉത്തര്പ്രദേശ് : ബലാത്സംഗം ചെയ്ത ആളുടെ അഞ്ചുവയസ്സുക്കാരനായ മകന്റെ തലയറുത്ത് പതിമൂന്നുകാരി പ്രതികാരം തീര്ത്തു. പെണ്കുട്ടിയെ പോലിസ് അറസ്റ്റ് ചെയ്തു. ഉത്തര്പ്രദേശിലെ അലിഗണ്ഡില് ചൊവ്വാഴ്ച വൈകുന്നേരമാണ് സംഭവം.
വീടിന് പുറത്ത് കളിക്കുകയായിരുന്നു രണ്ടുപേരും. എന്നാല് പെണ്കുട്ടി അഞ്ചുവയസ്സക്കാരനായ അമിത്തിനെ ആളൊഴിഞ്ഞ സ്ഥലത്തേക്ക് കൊണ്ടു പോയതിന് ശേഷമാണ് തലയറുത്തതെന്ന് പോലിസ് ഇന്സ്പെക്ടര് രാജീവ് സിംഗ് പറഞ്ഞു. കുട്ടിയുടെ തലയറുത്തതിന് ശേഷം ശരീരത്തില് കല്ലുവച്ചിടിച്ചു. പിന്നിട് പ്ലാസ്റ്റിക് കവറില് ചുറ്റി തീവയ്ക്കുകയും ചെയ്തു.
പിറ്റേ ദിവസം പകുതി വെന്ത ശരീരം നായ്ക്കള് കടിച്ചെടുത്തു വന്നപ്പോഴാണ് കൊലപാതകം പുറത്തറിയുന്നത്. കുട്ടി പെണ്കുട്ടിക്ക് ഒപ്പം കളിക്കുന്നത് കണ്ടിട്ടുണ്ടെന്ന് രക്ഷിതാക്കള് പോലിസിനോട് പറഞ്ഞു. പോലിസ് പെണ്ടകുട്ടിയെ ചോദ്യം ചെയ്തതിനെ തുടര്ന്ന് കുറ്റങ്ങള് സമ്മതിക്കുകയായിരുന്നു.
അമിത്തിന്റെ പിതാവ് റിങ്കു വൈറ്റനര് തരാമെന്ന് പറഞ്ഞ് വിളിച്ച് വരുത്തി തന്നെ പീഡിപ്പിച്ചുവെന്ന് പെണ്കുട്ടി പോലീസിനോട് പറഞ്ഞു. അതിന്റെ പ്രതികാരം മകനോട് തീര്ത്തതാണെന്നും പെണ്കുട്ടി വെളിപ്പെടുത്തി.
റിങ്കുവിനെതിരെ പെണ്കുട്ടിയുടെ പിതാവ് പോലിസില് പരാതിപ്പെട്ടിട്ടുണ്ട്. പോലിസ് ഇയാള്ക്കെതിരെ കേസ് രജിസ്റ്റര് ചെയ്തിട്ടുണ്ട്. പെണ്കുട്ടിയെ പോലിസ് അറസ്റ്റ്് ചെയ്തു.