ബംഗാളിൽ ബിജെപിക്ക് തിരിച്ചടി; സ്ഥാനാർത്ഥി പ്രഖ്യാപനത്തിന് പിന്നാലെ മത്സരിക്കാനില്ലെന്ന് ഗായകൻ
കൊൽക്കത്ത: അൻസോൺ ലോക്സഭ തിരഞ്ഞെടുപ്പിൽ മത്സരിക്കാനില്ലെന്ന് ഭോജ്പുരി പിന്നണി ഗായകനും നടനുമായ പവൻ സിങ്. എക്സിലൂടെയാണ് ഗായകൻ നിലപാട് വ്യക്തമാക്കിയത്. കഴിഞ്ഞ ദിവസമായിരുന്നു മണ്ഡലത്തിൽ പവൻ സിങിനെ സ്ഥാനാർത്ഥിയായി ബി ജെ പി പ്രഖ്യാപിച്ചത്. എന്നാൽ സ്ഥാനാർത്ഥിത്വത്തിനെതിരെ പാർട്ടിയിൽ തന്നെ എതിർപ്പുകൾ ഉയർന്നിരുന്നു. ഇതിന് പിന്നാലെയാണ് മത്സരത്തിനില്ലെന്ന് വ്യക്തമാക്കി പവൻ രംഗത്തെത്തിയത്.
'ഭാരതീയ ജനതാ പാര്ട്ടിയുടെ ഉന്നത നേതൃത്വത്തിന് ഞാന് ഹൃദയംഗമമായ നന്ദി രേഖപ്പെടുത്തുന്നു. പാര്ട്ടി എന്നെ വിശ്വസിക്കുകയും അസന്സോളിലെ സ്ഥാനാര്ത്ഥിയായി പ്രഖ്യാപിക്കുകയും ചെയ്തു. എന്നാല് ചില കാരണങ്ങളാല് എനിക്ക് അസന്സോളില് നിന്ന് തെരഞ്ഞെടുപ്പില് മത്സരിക്കാന് കഴിയില്ല', എന്നാണ് പവൻ സിങ് ട്വിറ്ററിൽ കുറിച്ചത്.
ബിഹാറിലെ അരോഹ് സ്വദേശിയാണ് പവൻ സിങ്. ബംഗാളിലെ പവന്റെ സ്വാധീനം പരിഗണിച്ചാണ് ബി ജെ പി ഇദ്ദേഹത്തെ സ്ഥാനാർത്ഥിയാക്കിയത്. ഭോജ്പുരി ഗായകൻ എന്ന നിലയിലുള്ള താരത്തിന്റെ സ്വാധീനം വോട്ടാക്കി മാറ്റാം എന്നായിരുന്നു പാർട്ടിയുടെ കണക്ക് കൂട്ടൽ. എന്നാൽ ബംഗാളിലെ വിവാദ നായകൻ കൂടിയാണ് പവൻ. നേരത്തേ പവൻ സിങിന്റെ പല പാട്ടുകളും വിവാദത്തിന് വഴിവെച്ചിരുന്നു. പ്രത്യേകിച്ച് ബംഗാളിലെ സ്ത്രീകൾക്കെതിരായ ചില പരാമർശങ്ങൾ.
സ്ഥാനാർത്ഥി പ്രഖ്യാപനത്തിന് പിന്നാലെ ഇത് ചൂണ്ടിക്കാട്ടി സോഷ്യൽ മീഡിയയിൽ വിമർശനങ്ങൾ ഉയർന്നിരുന്നു. അൻസോളിൽ പവൻ മത്സരിക്കുന്നത് പാർട്ടിക്ക് കനത്ത തിരിച്ചടിയായിരിക്കുമെന്നായിരുന്നു ഇതോടെ ചിലർ ചൂണ്ടിക്കാട്ടിയത്. ഇതിന് പിന്നാലെ ബി ജെ പി നേതൃത്വം തന്നെ പവൻ സിങിനോട് സ്വയം പിൻമാറാൻ ആവശ്യപ്പെട്ടെന്നാണ് ചില പാർട്ടി വൃത്തങ്ങൾ നൽകുന്ന സൂചന.
നിലവിൽ തൃണമൂൽ കോൺഗ്രസിന്റെ ശത്രുഘ്നൻ സിൻഹയാണ് മണ്ഡലത്തിൽ നിന്നുള്ള എംപി. 2022 ൽ നടന്ന ഉപതിരഞ്ഞെടുപ്പിലാണ് മണ്ഡലത്തിൽ നിന്നും സിൻഹ വിജയിച്ചത്. ബി ജെ പിയുടെ ബാബുൾ സുപ്രിയോ രാജിവെച്ചതിന് പിന്നാലെ നടന്ന തിരഞ്ഞെടുപ്പിലായിരുന്നു ശത്രുഘ്നൻ സിൻഹ വിജയിച്ചത്. ഇത്തവണയും അദ്ദേഹം തന്നെയാണ് തൃണമൂലിന് വേണ്ടി മത്സരിക്കുന്നത്.
അതേസമയം കഴിഞ്ഞ ദിവസമാണ് ബി ജെ പി തങ്ങളുടെ ആദ്യ ഘട്ട പട്ടിക പുറത്തുവിട്ടത്. കേരളത്തിലെ 12 മണ്ഡലങ്ങളിലെ ഉള്പ്പെടെയുള്ള 195
പേരടെ പട്ടികയാണ് പുറത്തുവിട്ടത്. പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ തുടങ്ങിയ പ്രമുഖര് ആദ്യഘട്ട പട്ടികയില് ഇടംപിടിച്ചു. മോദി വാരാണസിയിലും അമിത് ഷാ ഗാന്ധിനഗറില് നിന്നുമാണ് ജനവിധി തേടുന്നത്.
-
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട്
Click it and Unblock the Notifications
Sign in with Google