Click it and Unblock the Notifications
Just In
Don't Miss
-
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
IPL 2024: പാണ്ഡ്യ എങ്ങനെ ക്യാപ്റ്റനായെന്ന് നമ്മള് മറക്കില്ല, അവന്റെ കുഞ്ഞിനോടും പറയും; ആരാധകര്ക്കെതിരെ അക്രം -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ക്ഷേത്രത്തില്‍ ഷൂസിടല്‍; ഷാരുഖിനും സല്‍മാനും എതിരായ കേസ് മാര്‍ച്ചില്‍
മീററ്റ്: ക്ഷേത്രത്തില്‍ ഷൂസിട്ട് കയറിയെന്ന ബോളിവുഡ് നടന്മാരായ ഷാരൂഖ് ഖാനും സല്‍മാന്‍ ഖാനും എതിരായ പരാതിയില്‍ കോടതി മാര്‍ച്ച് 8ന് വാദം കേള്‍ക്കും. മീററ്റ് അഡീഷണല്‍ ജില്ലാ കോടതിയാണ് കേസ് പരിഗണിക്കുന്നത്. നേരത്തെ ചീഫ് ജുഡീഷ്യല്‍ മജിസ്‌ട്രേറ്റ് ഹര്‍ജി ഫയലില്‍ സ്വീകരിക്കാതെ തള്ളിയിരുന്നു.
പരാതിക്കാരനായ ഭരത് രാജ്പുത് നല്‍കിയ റിവിഷന്‍ ഹര്‍ജിയിലാണ് കോടതി മാര്‍ച്ച് 8ന് വാദം കേള്‍ക്കുക. ഹിന്ദുമഹാസഭാ മീററ്റ് യൂണിറ്റ് പ്രസിഡന്റാണ് ഭരത് രാജ്പുത്. ഹിന്ദുക്കളുടെ മതവികാരം വ്രണപ്പെടുത്തിയെന്നുകാട്ടിയാണ് ഇയാള്‍ കോടതിയെ സമീപിച്ചത്. എന്നാല്‍, ചീഫ് ജുഡീഷ്യല്‍ മജിസ്‌ട്രേറ്റ് ഹര്‍ജി ഫയലില്‍ സ്വീകരിക്കാതെ തള്ളുകയായിരുന്നു.
ടിവി റിയാലിറ്റി ഷോ ആയ ബിഗ്‌ബോസിന്റെ ഒരു എപ്പിസോഡിലാണ് ഇരുവരും ക്ഷേത്രത്തിന് മുന്നില്‍ ഷൂസിട്ട് നില്‍ക്കുന്നത്. എന്നാല്‍, ഇത് ഷൂട്ടിങ്ങിനായി പ്രത്യേകമായി സെറ്റ് ഇട്ടതാണെന്ന് ചാനലിന്റെ അണിയറ പ്രവര്‍ത്തകര്‍ പറയുന്നു. നേരത്തെ ചാനലിനെതിരെയും ഭരത് രാജ്പുത് വക്കീല്‍നോട്ടീസ് അയച്ചിരുന്നു.
ഏതു മതവിഭാഗത്തിന്റെ പരിപാവനമായ സ്ഥലത്ത് പ്രവേശിക്കുമ്പോഴും പാദരക്ഷ ധരിക്കുന്നത് ശരിയല്ലെന്ന് പരാതിക്കാരന്‍ പറയുന്നു. ചാനലിന്റെ പ്രേക്ഷകരായ ലക്ഷക്കണക്കിന് ഹിന്ദുക്കളെ അപമാനിക്കുന്നതും അവരുടെ മതവികാരത്തെ വ്രണപ്പെടുത്തുന്നതുമായ പ്രവര്‍ത്തിയെ ഒരു തരത്തിലും ന്യായീകരിക്കാന്‍ കഴിയില്ലെന്നും അദ്ദേഹം വ്യക്തമാക്കി.
