2020ലെ ഡൽഹി കലാപം: 3 വർഷത്തിന് ശേഷം ഷർജീല് ഇമാമിന് ജാമ്യം
ഡല്ഹി: 2020ലെ ഡൽഹി കലാപത്തെ തുടർന്ന് അറസ്റ്റിലായ ഷർജീൽ ഇമാമിന് ഡൽഹി ഹൈക്കോടതി ജാമ്യം അനുവദിച്ചു. ഡൽഹിയിലെ ജാമിയ ഏരിയയിലും അലിഗഡ് മുസ്ലീം സർവകലാശാലയിലും പ്രകോപനപരമായ പ്രസംഗങ്ങൾ നടത്തിയെന്നാരോപിച്ച് യു എ പി എ കുറ്റം ചുമത്തിയായിരുന്നു ഷർജീൽ ഇമാമിനെ ഡല്ഹി പൊലീസ് അറസ്റ്റ് ചെയ്തത്. ജസ്റ്റിസുമാരായ സുരേഷ് കുമാർ കൈറ്റ്, മനോജ് ജെയിൻ എന്നിവരടങ്ങിയ ബെഞ്ചാണ് ജാമ്യം അനുവദിച്ചത്.
കേസില് ശിക്ഷിക്കപ്പെട്ടാലും നൽകാവുന്ന പരമാവധി ശിക്ഷയുടെ പകുതിയിലധികം അനുഭവിച്ചിട്ടും ജാമ്യം അനുവദിക്കാൻ വിസമ്മതിച്ച വിചാരണ കോടതി ഉത്തരവിനെതിരെ ഷർജീല് ഹൈക്കോടതിയെ സമീപിക്കുകയായിരുന്നു. "അപ്പീൽ അനുവദനീയമാണ്," ഷർജീൽ ഇമാമിൻ്റെയും ഡൽഹി പോലീസിൻ്റെയും അഭിഭാഷകരുടെ വാദം കേട്ട ശേഷം ജസ്റ്റിസുമാരായ സുരേഷ് കുമാർ കൈറ്റിൻ്റെയും മനോജ് ജെയിൻ്റെയും ബെഞ്ച് വ്യക്തമാക്കി.
2019 ഡിസംബർ 13ന് ജാമിയ മില്ലിയ ഇസ്ലാമിയയിലും 2019 ഡിസംബർ 16ന് അലിഗഢ് മുസ്ലീം സർവകലാശാലയിലും ഷർജീൽ ഇമാം പ്രസംഗിക്കുകയും അസമിനേയും വടക്കുകിഴക്കൻ സംസ്ഥാനങ്ങളേയും രാജ്യത്തു നിന്ന് മുറിച്ച് മാറ്റുമെന്ന് ഭീഷണിപ്പെടുത്തിയെന്നുമാണ് പ്രോസിക്യൂഷന് കേസ്. ഡൽഹി പോലീസിൻ്റെ സ്പെഷ്യൽ ബ്രാഞ്ച് രജിസ്റ്റർ ചെയ്ത കേസിലായിരുന്നു ഷർജിലിനെതിരായ നടപടി. ആദ്യം രാജ്യദ്രോഹ കുറ്റത്തിന് കേസ് രജിസ്റ്റർ ചെയ്യുകയും പിന്നീട് യു എ പി എ കൂടി ഉള്പ്പെടുത്തുകയായിരുന്നു.
കേസിൽ 2020 ജനുവരി 28 മുതൽ ഷർജീല് കസ്റ്റഡിയിലാണ്. താൻ കഴിഞ്ഞ നാല് വർഷമായി കസ്റ്റഡിയിലാണെന്നും കുറ്റം തെളിഞ്ഞാൽ യു എ പി എ സെക്ഷൻ 13 (നിയമവിരുദ്ധ പ്രവർത്തനങ്ങൾക്കുള്ള ശിക്ഷ) പ്രകാരമുള്ള പരമാവധി ശിക്ഷ 7 വർഷമാണ്. സെക്ഷൻ 436-A CrPC പ്രകാരം, കുറ്റത്തിന് നിർദ്ദേശിക്കപ്പെട്ടിരിക്കുന്ന പരമാവധി ശിക്ഷയുടെ പകുതിയിലധികം ചെലവഴിച്ചാൽ ഒരാളെ കസ്റ്റഡിയിൽ നിന്ന് മോചിപ്പിക്കാമെന്നും ഷർജീല് വാദിച്ചു.
ഫെബ്രുവരി 17 ന് ഷർജീലിന് ജാമ്യം അനുവദിക്കാൻ വിസമ്മതിച്ച വിചാരണ കോടതി, പ്രോസിക്യൂഷൻ്റെ കേസ് കേട്ടതിന് ശേഷം "അസാധാരണമായ സാഹചര്യങ്ങളിൽ" പ്രതിയുടെ കസ്റ്റഡി കൂടുതൽ കാലയളവിലേക്ക് നീട്ടാമെന്ന് വിധിച്ചിരുന്നു. 2020-ലെ വർഗീയ കലാപങ്ങളുമായി ബന്ധപ്പെട്ട നിരവധി കേസുകളിൽ പ്രതിയാണ് ഷർജീല്, അക്രമത്തിന് പിന്നിൽ വലിയ ഗൂഢാലോചന നടത്തിയെന്ന കേസ് ഉൾപ്പെടെ ഇദ്ദേഹത്തിന്റെ പേരിലുണ്ട്. ഗൂഢാലോചനക്കേസിലും ഇയാൾ ജുഡീഷ്യൽ കസ്റ്റഡിയിലാണ്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google