Click it and Unblock the Notifications
Just In
Don't Miss
-
IPL 2024: 2 ഓവറില് 11ന് 1, പിന്നെ ദീപക്കിന് ഓവറില്ല! കാരണം ധോണി? മത്സരത്തിനിടെ ദേഷ്യപ്പെട്ടു -
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സകാല്‍ ഹിന്ദു സമാജിന്റെ പരിപാടിയുടെ ദൃശ്യങ്ങള്‍ റെക്കോര്‍ഡ് ചെയ്യണം; നിര്‍ദേശവുമായി സുപ്രീം കോടതി
ജനുവരി 29ന് ഇവര്‍ നടത്തിയ പരിപാടിയില്‍ കടുത്ത മുസ്ലീം വിരുദ്ധ പരാമര്‍ശങ്ങള്‍ ഉണ്ടായിരുന്നുവെന്ന് ഹര്‍ജിക്കാരനായ ഷഹീന്‍ അബ്ദുള്ള ചൂണ്ടിക്കാണിച്ചു
ദില്ലി: സകാല്‍ ഹിന്ദു സമാജിന്റെ പരിപാടിക്ക് അനുമതി നല്‍കുന്നുണ്ടെങ്കില്‍ അതിന് നിബന്ധനകള്‍ വെക്കണമെന്ന് സുപ്രീം കോടതി. ഫെബ്രുവരി അഞ്ചിന് നടക്കാനിരിക്കുന്ന പരിപാടിയെ കുറിച്ചാണ് സുപ്രീം കോടതി നിര്‍ണായക നിരീക്ഷണങ്ങള്‍ നടത്തിയത്.
പരിപാടിയില്‍ ആരും വിദ്വേഷ പ്രസംഗം നടത്തില്ലെന്ന നിബന്ധനയിലായിരിക്കണം പരിപാടിക്ക് അനുമതി നല്‍കേണ്ടത്. നിയമവിരുദ്ധമായതോ, പൊതുജനത്തിന് ബുദ്ധിമുട്ടുണ്ടാക്കുന്നതോ ആയ രീതിയില്‍ പരിപാടികള്‍ നടത്താന്‍ പാടില്ലെന്നും നിബന്ധനയില്‍ വേണമെന്ന് കോടതി നിര്‍ദേശിച്ചു.
വിദ്വേഷ പ്രസംഗങ്ങള്‍ തടയാന്‍ പോലീസിന്റെ ഭാഗത്ത് നിന്ന് മുന്‍കരുതല്‍ ഉണ്ടാവണമെന്നും കോടതി നിര്‍ദേശിച്ചു.
സകാല്‍ ഹിന്ദു സമാജിന്റെ പരിപാടികളുടെ വീഡിയോ ദൃശ്യങ്ങള്‍ ഷൂട്ട് ചെയ്യണമെന്ന് മഹാരാഷ്ട്ര സര്‍ക്കാരിന് സുപ്രീം കോടതി നിര്‍ദേശം നല്‍കി. വിദ്വേഷ പ്രസംഗം ആരും നടത്തുന്നില്ലെന്ന് ഉറപ്പാക്കാന്‍ വേണ്ടിയാണിത്.
സംസ്ഥാന സര്‍ക്കാരിന് പരിപാടി നടത്തുന്ന കാര്യത്തില്‍ നിബന്ധന വെക്കണമെന്ന നിര്‍ദേശം കൂടി സുപ്രീം കോടതി നല്‍കിയിട്ടുണ്ട്. ജസ്റ്റിസ് കെഎം ജോസഫ്, ജസ്റ്റിസ് ജെബി പാര്‍ദിവാല എന്നിവര്‍ക്ക് മുമ്പാകെ ഈ വിഷയം പരിഗണനയ്ക്ക് വന്നിരുന്നു. സകാല്‍ ഹിന്ദു സമാജിന്റെ പരിപാടിക്ക് നിരോധനം ഏര്‍പ്പെടുത്തണമെന്നായിരുന്നു ആവശ്യം.
വാട്ട് എ ബ്യൂട്ടി, ഒരിക്കലെങ്കിലും പോയിരിക്കണം ഭൂമിയിലെ ഈ സ്വര്‍ഗത്തില്‍; പോക്കറ്റും കീറില്ല
മുംബൈയില്‍ ജനുവരി 29ന് ഇവര്‍ നടത്തിയ പരിപാടിയില്‍ കടുത്ത മുസ്ലീം വിരുദ്ധ പരാമര്‍ശങ്ങള്‍ ഉണ്ടായിരുന്നുവെന്ന് ഹര്‍ജിക്കാരനായ ഷഹീന്‍ അബ്ദുള്ള ചൂണ്ടിക്കാണിച്ചു. ഈ പരിപാടിക്ക് അനുമതി നല്‍കിയാല്‍ അത് വീണ്ടും വിദ്വേഷ പ്രസംഗത്തിന് വഴിയൊരുക്കുമെന്നാണ് ഹര്‍ജിക്കാരന്‍ ആരോപിക്കുന്നത്.
പരാതിക്കാരന് വേണ്ടി മുതിര്‍ന്ന അഭിഭാഷകനായ കപില്‍ സിബലാണ് ഹാജരായത്. അനിഷ്ട സംഭവങ്ങളുണ്ടായാല്‍ സംഘാടകരെ അറസ്റ്റ് ചെയ്യാനുള്ള വകുപ്പുകള്‍ ഉപയോഗിക്കണമെന്ന് സിബല്‍ കോടതിയോട് അഭ്യര്‍ത്ഥിച്ചു. എന്നാല്‍ സോളിസിറ്റര്‍ ജനറല്‍ തുഷാര്‍ മേത്തര്‍ ഈ ഹര്‍ജിയെ എതിര്‍ത്തു.
അതേസമയം വിദ്വേഷ പ്രസംഗമുണ്ടായാല്‍ ആ നിമിഷം സംഘാടകരെ അറസ്റ്റ് ചെയ്യേണ്ടത് പോലീസിന്റെ ഉത്തരവാദിത്തമാണെന്ന് കോടതി ഓര്‍മിപ്പിച്ചു. അതേസമയം പരിപാടിയുടെ വീഡിയോ റെക്കോര്‍ഡ് ചെയ്യണമെന്ന സിബലിന്റെ വാദങ്ങളെ കോടതി അംഗീകരിച്ചു. കോടതിക്ക് മുമ്പാകെ റിപ്പോര്‍ട്ട് സമര്‍പ്പിക്കാനും ആവശ്യപ്പെട്ടിട്ടുണ്ട്.
പരിപാടി നടക്കുന്ന സ്റ്റേഷന്‍ പരിധിയിലെ ഇന്‍സ്‌പെക്ടര്‍ ഇക്കാര്യം പരിശോധിക്കണമെന്നും കോടതി നിര്‍ദേശിച്ചു. അതേസമയം ഹര്‍ജിക്കാരന്‍ ഉന്നയിച്ച ആരോപണങ്ങളിലെ വിവരങ്ങള്‍ സംസ്ഥാന സര്‍ക്കാരില്‍ നിന്ന് ശേഖരിക്കാനും സോളിസിറ്റര്‍ ജനറലിനോട് കോടതി ആവശ്യപ്പെട്ടു.
