സുഹൃത്തുക്കളെ വെടിവച്ചു വീഴ്ത്തി, ഒടുവില് തോക്കിന് മുനയില് ജീവനൊടുക്കാന് യുവാവിന്റെ ശ്രമം!!!
പരിക്കേറ്റ മൂവരേയും എയിംസില് പ്രവേശിപ്പിച്ചു
ദില്ലി: പാര്ക്കിന് പുറത്തുവച്ച് യുവാവിന്റെ വെടിയേറ്റ സുഹൃത്തുക്കള് ആശുപത്രിയില്. യുവതിയേയും സുഹൃത്തിനേയും വെടിവെച്ചു വീഴ്ത്തിയ യുവാവ് സ്വയം വെടിയുതിര്ക്കുകയായിരുന്നു. സൗത്ത് ദില്ലിയിലെ സിരി ഫോര്ട്ടിന് സമീപത്ത് ശനിയാഴ്ചയായിരുന്നു സംഭവം. യുവതിയ്ക്കും സുഹൃത്തിനും പരിക്കേറ്റതോടെയാണ് ഇയാള് സ്വയം വെടിയുതിര്ത്തത്. ശനിയാഴ്ച രാത്രി 9.45 ഓടെയായിരുന്നു സംഭവം. പരിക്കേറ്റ മൂവരേയും എയിംസില് പ്രവേശിപ്പിച്ചു.
സെന്ട്രല് നോയിഡയില് ജോലി ചെയ്യുന്ന കാജല് ജെറ്റിന് സര്ക്കാര് എന്നിവര് പാര്ക്കിന് പുറത്ത് സംസാരിച്ചിരുന്ന സുഹൃത്തുക്കള്ക്കടുത്തേക്ക് നടന്നെത്തിയ ഇയാള് വാദപ്രതിവാദത്തിനൊടുവില് ഇരുവര്ക്കുമെതിരെ വെടിയുതിര്ക്കുകയായിരുന്നു. സിഐഎസ് കോണ്സ്റ്റബിളിന്റെ മകനായ പ്രതി പിതാവിന്റെ ലൈസന്സുള്ള തോക്കുപയോഗിച്ചാണ് ഇരുവരെയും ആക്രമിച്ചത്.
സംഭവത്തില് കേസെടുത്ത പൊലീസ് അന്വേഷണം ആരംഭിച്ചിട്ടുണ്ട്. ജാറ്റിന്, കാജല് എന്നിവര്ക്ക് വയറ്റിലും നെഞ്ചിലുമാണ് വെടിയേറ്റത്. പ്രതി സംഭവത്തിന് ശേഷം നെറ്റിയില് വെടിയുതിര്ക്കുകയായിരുന്നു. സംഭവ സമയത്ത് സമീപത്തുണ്ടായിരുന്ന സുഹൃത്തുക്കളാണ് വിവരം പൊലീസില് അറിയിച്ചത്. കോളേജ് വിദ്യാര്ത്ഥിയായിരിക്കെ തന്നെ യുവതിയെ ശല്യം ചെയ്തിരുന്നയാളാണ് യുവാവ് എന്ന് യുവതിയുടെ വീട്ടുകാര് പൊലീസിനോട് വെളിപ്പെടുത്തിരുന്നു.