ജമ്മു കശ്മീരിലെ കല്ലേറ് 50 ശതമാനമായി കുറഞ്ഞുവെന്ന് സിആര്പിഎഫ്: ഇടപെട്ടത് എന്ഐഎയും സിആര്പിഎഫും!
അക്രമികളെ നിയന്ത്രിക്കുന്നതിനായി കശ്മീരില് എന്ഐഎ ഉള്പ്പെടെയുള്ള ഏജന്സികള് നടപ്പിലാക്കിയ വിവിധ തന്ത്രങ്ങള് ഫലിച്ചുവെന്നാണ് നിഗമനം
ശ്രീനഗര്: കശ്മീര് താഴ് വരയില് സൈന്യത്തിനെതിരെയുള്ള കല്ലേറില് പകുതിയായി കുറഞ്ഞുവെന്ന് സിആര്പിഎഫ് വാദം. സുരക്ഷാ സേനയും അന്വേഷണ ഏജന്സികളും കശ്മീരിലെ വിഘടനവാദി നേതാക്കള്ക്കെതിരെ സ്വീകരിച്ച നിലപാടുകളെ തുടര്ന്നാണ് 2017ല് സൈന്യത്തിനെതിരെയുള്ള ആക്രമണങ്ങളില് കുറവ് വന്നതെന്നാണ് സിആര്പിഎഫ് ഡയറക്ടര് ജനറല് ബുധനാഴ്ച വ്യക്തമാക്കിയത്.
2016ല് സൈന്യത്തിനെതിരെ കല്ലെറിഞ്ഞ 1,590 സംഭവങ്ങളാണ് കശ്മീരില് റിപ്പോര്ട്ട് ചെയ്തതെങ്കില് 2017ല് ഇത് 424 ആയി കുറഞ്ഞുവെന്ന് സിആര്പിഎഫ് ഡയറക്ടര് ജനറല് രാജീവ് റായ് ഭട്നാകര് വ്യക്കമാക്കുന്നു. അക്രമാസക്തരായ ജനക്കൂട്ടത്തെ നിയന്ത്രിക്കുന്നതിനായി കശ്മീരില് എന്ഐഎ ഉള്പ്പെടെയുള്ള ഏജന്സികള് നടപ്പിലാക്കിയ വിവിധ തന്ത്രങ്ങള് സ്വാധീനം ചെലുത്തിയെന്നാണ് അദ്ദേഹം ചൂണ്ടിക്കാണിക്കുന്നത്. സൈനിക ഓപ്പറേഷന് തടസ്സപ്പെടുത്താന് അക്രമാസക്തരായ ജനക്കൂട്ടത്തെ അനുവദിച്ചില്ലെന്നും 75 ഭീകരരെ ഇതിനകം തന്നെ വധിച്ചുവെന്നും സിആര്പിഎഫ് ചൂണ്ടിക്കാണിക്കുന്നു. 252 പേര് അറസ്റ്റിലാവുകയും 118 ആയുധനങ്ങള് സൈന്യം പിടിച്ചെടുക്കുകയും ചെയ്തിട്ടുണ്ട്. ഇതിന്റെയെല്ലാം അടിസ്ഥാനത്തില് കശ്മീരിലെ സ്ഥിതി മെച്ചപ്പെട്ടിട്ടുണ്ടെന്നാണ് അനുമാനമെന്നും സിആര്പിഎഫ് ചൂണ്ടിക്കാണിക്കുന്നു. സിആര്പിഎഫും എന്ഐഎ യും കൂട്ടായി നടത്തിയ ഓപ്പറേഷനുകള് ഇതിന് ഗുണം ചെയ്തുവെന്നും ഡയറക്ടര് ജനറല് ചൂണ്ടിക്കാണിക്കുന്നു.
Click it and Unblock the Notifications
Sign in with Google