അഞ്ച് കോടിയുടെ ഭൂസ്വത്ത്, ജീവിതം നാട്ടുരാജാവിനെ പോലെ; ഈ ഗ്രാമത്തിലെ തെരുവുനായ്ക്കള് ചില്ലറക്കാരല്ല
ഗാന്ധിനഗര്: തെരുവുനായ്ക്കള് എന്ന് കേള്ക്കുമ്പോള് നമ്മള്ക്കൊക്കെ ഇപ്പോള് ഭയമാണ്. അടുത്തിടെ നിരവധി പേരാണ് വിവിധ സ്ഥലങ്ങളില് നിന്നായി കടിയേല്ക്കുന്നത്. കടിയേറ്റവരില് ചിലര് പേവിഷബാധയേറ്റ് മരിച്ചെന്ന വാര്ത്തയും പുറത്തുവന്നിരുന്നു. എന്നാല് ചിലര്ക്കൊക്കെ തെരുവുനായ്ക്കളോട് ഇന്നും പ്രിയമാണ്. അവര്ക്ക് വേണ്ടി ഭക്ഷണങ്ങള് നല്കുന്ന ഒരുപാട് പേരെ നമ്മള് കാണാറുണ്ട്. എന്നാല് തെരുവ്നായ്ക്കള്ക്ക് വേണ്ടി ഗുജറാത്തില് നടത്തുന്ന രീതിയെ നമ്മെ എല്ലാവരെയും അത്ഭുതപ്പെടുത്തും.
ഗുജറാത്തിലെ ഈ ഗ്രാമത്തിലെ ജനങ്ങള്ക്ക് അവിടെയുള്ള തെരുവ് നായ്ക്കളോടുള്ള ഇഷ്ടത്തെ കുറിച്ച് കേള്ക്കുമ്പോഴാണ് ഏവര്ക്കും കൗതുകം തോന്നുന്നത്.ഗ്രാമത്തിലെ ഓരോ തെരുവ് നായ്ക്കളും ആഡംബര ജീവിതം നയിക്കുന്നു, ഈ നായ്ക്കളുടെ പേരില് കോടിക്കണക്കിന് സ്വത്തുക്കള് ഉണ്ടെന്നാണ് ദേശീയ മാധ്യമങ്ങള് പുറത്തുവിടുന്ന റിപ്പോര്ട്ടുകളില് നിന്നും വ്യക്തമാകുന്നത്.
ഈ ഗ്രാമത്തിലെ ജനങ്ങള് തെരുവ് നായ്ക്കളെ അവരുടെ പൂര്വ്വികരെപ്പോലെ പരിഗണിക്കുന്നു. അതുകൊണ്ടാണ് ഈ രീതിയില് പരിപാലിക്കുന്നത്. ഗുജറാത്തിലെ ബനസ്കന്ത ജില്ലയിലെ പാലന്പൂര് താലൂക്കിലെ കുഷ്കല് ഗ്രാമത്തില് താമസിക്കുന്ന തെരുവ് നായ്ക്കള് വളരെ ആഡംബര ജീവിതം നയിക്കുന്നത്.
ഈ ഗ്രാമത്തിലെ തെരുവ് നായ്ക്കള് കോടീശ്വരന്മാരുടെ ജീവിതം നയിക്കുന്നു. എല്ലാവരും തെരുവ് നായ്ക്കളെ ഇഷ്ടപ്പെടുന്നു, പ്രത്യേകിച്ച് അവരുടെ പൂര്വ്വികരാണെന്ന് വിശ്വസിച്ചാണ് ഇങ്ങനെ കാണക്കാക്കുന്നത്. ഈ ഗ്രാമത്തിലെ 150-ലധികം തെരുവ് നായ്ക്കള്ക്ക് ദിവസവും ഭക്ഷണം നല്കുകയും പരിപാലിക്കുകയും ചെയ്യുന്നതായി പറയപ്പെടുന്നു, മാത്രമല്ല വിശേഷ ദിവസങ്ങളില് ലഡ്ഡു പോലുള്ള മധുരപലഹാരങ്ങളും നല്കാറുണ്ട്.
ഈ ഗ്രാമത്തിലെ ജനങ്ങള് തെരുവ് നായ്ക്കള്ക്കായി 20 ഏക്കറോളം സ്ഥലം നീക്കിവെച്ചിട്ടുണ്ടെന്നും നിലവിലെ വിപണി വിലയനുസരിച്ച് ഭൂമിക്ക് അഞ്ച് കോടിയിലധികം വില വരുമെന്നും പറയുന്നു. പ്രദേശത്തെ 700-ലധികം ചൗധരി കമ്മ്യൂണിറ്റികള്ക്ക് അവരുടെ പൂര്വ്വികര് ചെയ്തതുപോലെ ഈ പ്രദേശത്തെ നായ്ക്കളെ പരിപാലിക്കാന് ഒരു പ്രത്യേക കാരണമുണ്ടെന്ന് താമസക്കാര് പറയുന്നു.
സ്വാതന്ത്ര്യത്തിന് മുമ്പ് ഈ പ്രദേശം നവാബുകളുടെ ഭരണത്തിന് കീഴിലായിരുന്നെന്നും ആ ഭരണാധികാരികള് കുറച്ച് ഏക്കര് ഭൂമി ജനങ്ങള്ക്ക് സൗജന്യമായി നല്കിയിരുന്നു. ഈ സാഹചര്യത്തിലാണ് തങ്ങളുടെ ഭൂമിയുടെ ഒരു ഭാഗം തെരുവ് നായ്ക്കള്ക്കായി വിട്ടുനല്കാന് ഗ്രാമവാസികള് തീരുമാനിച്ചിരിക്കുന്നത്.
മനുഷ്യര്ക്ക് എങ്ങനെ വേണമെങ്കിലും ജീവിക്കാം, പക്ഷേ തെരുവ് നായ്ക്കള് എങ്ങനെ ജീവിക്കും എന്ന് ചിന്തിച്ച്, തെരുവ് നായ്ക്കള്ക്കായി 20 ഏക്കര് സ്ഥലം അനുവദിച്ച്, അതില് നിന്നുള്ള വരുമാനം മുഴുവന് തെരുവ് നായ്ക്കളുടെ ക്ഷേമത്തിനായി ചെലവഴിക്കുകയാണ് ആ പ്രദേശത്തെ ജനങ്ങള്.
അന്നുമുതല് ജാതിമതഭേദമില്ലാതെ ഈ ഗ്രാമത്തിലെ ജനങ്ങള് ഈ ആചാരം പിന്തുടരുന്നുണ്ടെന്ന് പറയപ്പെടുന്നു. തെരുവ് നായ്ക്കളെ പോറ്റാന് വിശാലമായ സ്ഥലം നിര്മിച്ചിട്ടുണ്ടെന്നും നായ്ക്കള്ക്ക് ഭക്ഷണം നല്കുന്നതിന് പ്രത്യേക പാത്രങ്ങള് വാങ്ങിയിട്ടുണ്ടെന്നും പ്രദേശവാസിയായ ഹിതേഷ് പറഞ്ഞു.
എല്ലാ തെരുവ് നായ്ക്കള്ക്കും എല്ലാ ദിവസവും ആവശ്യത്തിന് ആരോഗ്യകരമായ ഭക്ഷണം ലഭിക്കുന്നുണ്ടെന്ന് ഓരോ ഗ്രാമവാസിയും ഉറപ്പാക്കുന്നുണ്ട്. മനുഷ്യരും മൃഗങ്ങളും സൗഹാര്ദ്ദപരമാണെന്ന് ലോകത്തെ കാണിക്കാനാണ് ഞങ്ങളുടെ ശ്രമമെന്നും അദ്ദേഹം പറഞ്ഞു. ഈ വാര്ത്ത പുറത്തുവന്നതോടെ സോഷ്യല് മീഡിയയില് വലിയ ചര്ച്ചയായിട്ടുണ്ട്.
Click it and Unblock the Notifications
Sign in with Google