ഡൽഹിയിൽ രണ്ടാം ദിവസവും കനത്ത പൊടിക്കാറ്റ്; 15ലധികം വിമാനങ്ങൾ വഴിതിരിച്ചുവിട്ടു..

ഡൽഹി: ഡൽഹിയിൽ വൻ പൊടിക്കാറ്റ് കാരണം വെള്ളിയാഴ്ച വൈകുന്നേരം ഡൽഹി വിമാനത്താവളത്തിൽ 15 ലധികം വിമാനങ്ങൾ വഴിതിരിച്ചുവിട്ടു. കാലാവസ്ഥാ വകുപ്പ് പ്രദേശത്ത് റെഡ് അലർട്ട് പ്രഖ്യാപിച്ചു. " ഡൽഹിയിലെ പ്രതികൂല കാലാവസ്ഥ കാരണം ഡൽഹി എയർപോർട്ടിലെ ചില ഫ്ലൈറ്റുകളെ ബാധിച്ചു. ഏറ്റവും പുതിയ ഫ്ലൈറ്റ് അപ്ഡേറ്റുകൾക്കായി അതത് എയർലൈനുകളുമായി ബന്ധപ്പെടാൻ യാത്രക്കാരോട് നിർദ്ദേശിക്കുന്നു " എയർപോർട്ട് ഓപ്പറേറ്റർ DIAL 7:15 ന് X-ൽ പോസ്റ്റ് ചെയ്തു.

പൊടിക്കാറ്റ് കാരണം ടേക്ക് ഓഫുകളേയും ലാൻഡിം​ഗുകളേയും ബാധിച്ചതായി ഇൻഡി​ഗോ സ്ഥിരീകരിച്ചു. ഇത് വിമാന ​ഗതാ​ഗത തിരക്കിനിടയിൽ കാലതാമസത്തിനും വഴിതിരിച്ചുവിടലിനും കാരണമാകുന്നു. വരും മണിക്കൂറുകളിലെ പ്രതികൂല കാലാവസ്ഥയെക്കുറിച്ചുള്ള മുന്നറിയിപ്പ് ഐ എം ഡിയുടെ അലർട്ടിൽ പറയുന്നു.

അടുത്ത രണ്ട് മണിക്കൂറിനുള്ളിൽ ഡൽഹിയിലും എൻ സി ആറിലും മുഴുവനായും പൊടിക്കാറ്റ്/ ഇടിമിന്നലോട് കൂടിയ നേരിയതോ മിതമായതോ ആയ മഴയും ഇടിമിന്നലും ( മണിക്കൂറിൽ 40 - 60 കിലോ മീറ്റർ വേ​ഗതയിലുള്ള കാറ്റ് ) ഉണ്ടാകാൻ സാധ്യതയുണ്ടെന്ന് ഐ എം ഡി മുന്നറിയിപ്പ്.

തുടർച്ചയായ രണ്ടാം ദിവസവും പൊടിക്കാറ്റ് വീശിയടിച്ചു, വ്യാഴാഴ്ചയും ഡൽഹി എൻ സി ആറിൽ നേരിയ മഴയും കുറഞ്ഞ താപനിലയും അനുഭവപ്പെട്ടു. ഏപ്രിൽ 9 നും 11 നും ഇടയിൽ തലസ്ഥാനത്ത് മഴയും ഇടിമിന്നലും പ്രതീക്ഷിക്കാമെന്ന് ഐ എം ഡി പ്രവചനത്തിൽ പറഞ്ഞിരുന്നു.

ഡൽഹിയിലെ രണ്ട് കാലാവസ്ഥ സ്റ്റേഷനുകൾ - റിഡ്ജ് അയാന​ഗർ - വ്യാഴാഴ്ച 40 ഡി​ഗ്രി സെൽഷ്യസിന് മുകളിൽ ചൂട് തരം​ഗം രേഖപ്പെടുത്തിയപ്പോൾ വെള്ളിയാഴ്ച ന​ഗരത്തിലെ എല്ലാ നിരീക്ഷണ സ്റ്റേഷനുകളിലും 40 ഡി​ഗ്രിക്ക് താഴെയാണ് ഉയർന്ന താപനില രേഖപ്പെടുത്തിയത്.
‌‌
നേരത്തെ വ്യാഴാഴ്ചയും പൊടിക്കാറ്റും തുടർന്ന് പെട്ടെന്നുള്ള മഴയും പെയ്തു. ഇത് ഒരു മണിക്കൂറിനുള്ളിൽ താപനിലയിൽ കുത്തനെ ഇടിവുണ്ടാവുകയും കുതിച്ചുയരുന്ന ചൂടിൽ നിന്ന് ആശ്വാസമേകുകയും ചെയ്തു, ശനിയാഴ്ച ഡൽഹിയിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് ഐ എംഡി പ്രവചിച്ചിട്ടുണ്ട്. മൂന്ന് വർഷത്തിനിടയിലെ ഏറ്റവും ചൂടേറിയ രാത്രിയാണ് ഡൽഹിയിൽ രേഖപ്പെടുത്തിയത്.
ബുധനാഴ്ച തുടർച്ചയായ മൂന്നാം ദിവസവും ഡൽഹിയിൽ ഉഷ്ണതരംഗം തുടർന്നു, മെർക്കുറി 40.5 ഡിഗ്രി സെൽഷ്യസായി ഉയർന്നു