കർഷക പ്രതിഷേധം ബിജെപിയ്ക്ക് വെല്ലുവിളിയാവുമോ? യുപി തിരഞ്ഞെടുപ്പിനെ ബാധിക്കില്ലെന്ന് റിപ്പോർട്ട്

Updated: Thursday, September 9, 2021, 22:07 [IST]

ലഖ്നൊ: രാജ്യത്ത് കാർഷിക നിയമങ്ങൾ പാസാക്കി ഒരു വർഷം തികയുമ്പോഴും പ്രതിഷേധത്തിൽ നിന്ന് പിന്മാറാൻ കർഷകർ തയ്യാറായിട്ടില്ല. ദില്ലിയിലെ അതിർത്തി പ്രദേശങ്ങളിലും ഹരിയാണയിലേക്കും പഞ്ചാബിലേക്കും പ്രതിഷേധം വ്യാപിപ്പിച്ചിരിക്കുകയാണ് കർഷക സംഘടനകൾ. നിലവിൽ ഹരിയാണയിലെ കർണാലിലാണ് സർക്കാർ കർഷക പ്രതിഷേധത്തിന്റെ ചൂടറിയുന്നത്.

2022ൽ ഉത്തർപ്രദേശിൽ നിയമസഭാ തിരഞ്ഞെടുപ്പ് നടക്കാനിരിക്കെ പുത്തനുണർവ്വോടെയാണ് കർഷകരും കർഷക സംഘടനകളും നീങ്ങുന്നത്. സെപ്തംബർ അഞ്ചിന് പടിഞ്ഞാറൻ യുപിയിലെ മുസാഫർ നഗറിൽ ആയിരക്കണക്കിന് കർഷകരാണ് കർഷക ഭാരതീയ കിസാൻ യൂണിയൻ നേതാവ് രാകേഷ് ടിക്കായത്തിന്റെ പ്രസംഗം കേൾക്കുന്നതിനായി തടിച്ചുകൂടിയത്. ഇവിടെ സംഘടിപ്പിച്ച മഹാപഞ്ചായത്തിൽ 2022ലെ നിയമസഭാ തിരഞ്ഞെടുപ്പിൽ ബിജെപി പരാജയപ്പെടുത്തണമെന്നാണ് ടിക്കായത്ത് കർഷകർക്ക് നൽകിയ നിർദേശം.

ഉത്തർപ്രദേശിൽ നിയമസഭാ തിരഞ്ഞെടുപ്പ് നടക്കാനിരിക്കെ വ്യക്തമായി ഒരു തിരഞ്ഞെടുപ്പ് കാഴ്ചപ്പാടിലായിരുന്നു പരിപാടി സംഘടിപ്പിച്ചത്. കർഷകരുടെ അസംതൃപ്തിയും വോട്ടെടുപ്പിന് മുമ്പുള്ള പ്രക്ഷോഭവും ലളിതമാക്കരുതെന്നാണ് കർഷക സംഘടനാ നേതാക്കൾ മുന്നോട്ടുവെച്ചിട്ടുള്ള ആവശ്യം. കഴിഞ്ഞ ഏതാനും പതിറ്റാണ്ടുകളായി, അവർക്ക് ചെലവുകൾ വർധിക്കുകയും കാർഷിക വരുമാനം കുറയുന്നതുമടക്കമുള്ള പ്രശ്നങ്ങളാണ് നേരിടേണ്ടിവന്നത്. വർദ്ധിച്ചുവരുന്ന വൈവിധ്യവൽക്കരണ അവസരങ്ങളും നേരിടേണ്ടിവന്നു. നേരത്തെ കൃഷി ഉപേക്ഷിച്ചവരിൽ നിന്നുള്ള വെല്ലുവിളികൾക്ക് പുറമേ സമ്പദ്‌വ്യവസ്ഥയുടെ കൂടുതൽ ചലനാത്മക വിഭാഗങ്ങളിൽ നിന്നുള്ള മത്സരവും അവർക്ക് നേരിടേണ്ടിവന്നു. കാർഷിക സമ്പദ്‌വ്യവസ്ഥയുടെ ജനസംഖ്യാശാസ്‌ത്രത്തിലൂടെയും നിയന്ത്രണത്തിലൂടെയും മുമ്പ് സാമൂഹിക, സാമ്പത്തിക, രാഷ്ട്രീയ മേഖലകളിൽ ആധിപത്യം പുലർത്തിയിരുന്ന ഗ്രൂപ്പുകളുടെ രാഷ്ട്രീയ സ്വാധീനം നഷ്ടപ്പെട്ടതാണ് ഉത്കണ്ഠയുടെ മറ്റൊരു ശക്തമായ ഉറവിടം.

കഴിഞ്ഞ 20 വർഷത്തിനിടയിൽ, പ്രത്യേകിച്ച് പടിഞ്ഞാറൻ യുപിയിൽ, യുപിയിലെ രാഷ്ട്രീയ പാർട്ടികളിൽ പ്രവർത്തിക്കുന്ന കർഷകരുടെ എണ്ണത്തിൽ വളരെയധികം കുറവ് സംഭവിച്ചിട്ടുണ്ട്. ആ ഉപമേഖലയിലെ 2012-ൽ 20-കാലഘട്ടത്തെ അപേക്ഷിച്ച് അപേക്ഷിച്ച് 2017-ൽ 44 സീറ്റുകളിൽ മാത്രം, തിരഞ്ഞെടുക്കപ്പെട്ട 10 എംഎൽഎമാർ മാത്രമാണ് കാർഷികവൃത്തി പ്രധാന തൊഴിലായി പ്രഖ്യാപിച്ചത്. അതേ സമയം, ബിസിനസ്സ് പ്രധാന തൊഴിലായി പ്രഖ്യാപിച്ച എംഎൽഎമാരുടെ എണ്ണം 18-ൽ നിന്ന് 25 ആയി ഉയരുകയും ചെയ്തിട്ടുണ്ട്. ഈ 25 ബിസിനസുകാർ-രാഷ്ട്രീയക്കാരിൽ ഏഴെണ്ണം മാത്രമാണ് കർഷക സമൂഹങ്ങളിൽ പെട്ടത് (അഞ്ച് ജാട്ട്, രണ്ട് ഗുജ്ജർ). ഇതിൽ ഏഴ് എംഎൽഎമാർ ഉയർന്ന ജാതി വിഭാഗത്തിൽ നിന്നുള്ളവരും നാല് പേർ പട്ടികജാതി വിഭാഗത്തിൽ നിന്നുള്ളവരുമാണ് (സംവരണ സീറ്റുകളിൽ), മൂന്ന് മുസ്ലീങ്ങൾ, ബാക്കിയുള്ളവർ മറ്റ് ചെറിയ പിന്നോക്ക വിഭാഗങ്ങളിൽ (ഒബിസി) നിന്നുള്ളവരാണെന്നും ഇതോടോപ്പം ചേർത്ത് വായിക്കേണ്ടതുണ്ട്.

തിരഞ്ഞെടുപ്പിലെ അസ്ഥിരതയാണ് രാഷ്ട്രീയത്തിൽ കർഷക സമൂഹങ്ങൾ വിട്ടുനിൽക്കുന്നതിനുള്ള മറ്റൊരു ഘടകം. ഓരോ തിരഞ്ഞെടുപ്പുകൾക്കും ശേഷവും പാർട്ടികൾക്കിടയിൽ മാത്രമല്ല, ജാതികൾക്കിടയിലും ധാരാളം സീറ്റുകൾ കൈമാമാറിക്കൊണ്ടിരിക്കുന്ന ഒരു പ്രവണതയാണ് പ്രകടമാകുന്നത്. ഇത് ഈ മേഖലയിലെ രാഷ്ട്രീയ ആധിപത്യത്തിന്റെ ക്ഷണികമായ സ്വഭാവം വെളിപ്പെടുത്തുന്നു. 2017 ൽ 44 ൽ 6 സീറ്റ് മാത്രമാണ് ഒരേ പാർട്ടി നിലനിർത്തിയത്. കൈ മാറിയ 32 സീറ്റുകളിൽ 12 പേർ മാത്രമാണ് അവരുടെ മുൻഗാമിയുടെ അതേ ജാതിയിൽ നിന്നുള്ള ഒരു എംഎൽഎയെ തിരഞ്ഞെടുത്തത്.

പടിഞ്ഞാറൻ യുപിയുടെ രാഷ്ട്രീയ സ്ഥിതി പരിശോധിച്ചാൽ ഈ മേഖലയിൽ കുറഞ്ഞത് അഞ്ച് പ്രധാന രാഷ്ട്രീയ പാർട്ടികൾ തമ്മിലാണ് പരസ്പരം മത്സരിക്കുന്നത്. ചെറിയ ഗ്രൂപ്പുകളിൽ നിന്നും നിരവധി മത്സരാർത്ഥികളാണ് ഉയർന്നുവരുന്നത്. ബിജെപി എംഎൽഎമാർക്കിടയിൽ മുസ്ലീങ്ങളുടെ അഭാവം ഉണ്ട് എന്നതൊഴികെ, സംസ്ഥാനത്തെ മറ്റ് പാർട്ടികളും ജാതികളും തമ്മിൽ സ്ഥിരതയുള്ള വിന്യാസങ്ങളില്ല, അത് തിരഞ്ഞെടുപ്പിന്റെ മത്സര സ്വഭാവം വർദ്ധിപ്പിക്കുന്നു. തൽഫലമായി ഓരോ രാഷ്ട്രീയ പാർട്ടികളുടെ കോട്ടകളായി പല പ്രദേശങ്ങളും മാറുകയും ചെയ്യും.

ഒരേ ജാതി നിലനിർത്തിയ 12 സീറ്റുകളിൽ, ഒരു ജാട്ട് എംഎൽഎ ഷാംലി മാത്രമാണ് ഉള്ളത്. മറ്റ് സീറ്റുകളിൽ അഞ്ച് സവർണ എംഎൽഎമാരും (ദിയോബന്ദ്, മുസാഫർനഗർ, സാഹിബാബാദ്, ഗാസിയാബാദ്, ശിക്കാർപൂർ), മൂന്ന് ഗുജ്ജർ എംഎൽഎമാരും (ഗംഗോ, ബാഗ്പത്, ദാദ്രി), രണ്ട് ജാതവ് എംഎൽഎമാരും രണ്ട് സംവരണ സീറ്റുകളിൽ (രാംപൂർ മണിഹരൻ, ഹാപൂർ) ഒരു സൈനി എംഎൽഎയും (നാക്കൂർ) ) എന്നിങ്ങനെയുള്ളത്.

ജാട്ട് വിഭാഗത്തിൽപ്പെട്ടവർ ഇത്തരത്തിൽ കർഷകർ, തിരഞ്ഞെടുപ്പിന് മുമ്പ് ബിജെപിക്കെതിരെ അതൃപ്തി പ്രകടിപ്പിച്ച് രംഗത്തെത്തുന്നത് ഇതാദ്യമായല്ല. 2016ലെ കേന്ദ്രസർക്കാരിന്റെ നോട്ട് അസാധുവാക്കലിന് ശേഷവും ജാട്ടുകൾ ബിജെപിക്കെതിരെ ഇത്തരത്തിൽ രംഗത്തെത്തിയിരുന്നു. നോട്ട് നിരോധനും അവരുടെ സമ്പദ്‌വ്യവസ്ഥയെ മോശമായി ബാധിച്ചതോടെയായിരുന്നു ഇത്. 2017 ലെ നിയമസഭാ തിരഞ്ഞെടുപ്പിന് മുമ്പും, 2019 ലോക്സഭാ തിരഞ്ഞെടുപ്പിന് മുമ്പും, കുറയുന്ന സമ്പദ്‌വ്യവസ്ഥയുടെ പശ്ചാത്തലത്തിൽ. രണ്ട് അവസരങ്ങളിലും, ഈ സമുദായങ്ങളിൽ നിന്നുള്ള നിരവധി വോട്ടർമാർ എൻഡിഎക്കെതിരെ പരസ്യമായി രംഗത്തെത്തിയിരുന്നു. ഈ രണ്ട് തിരഞ്ഞെടുപ്പുകളിലും ബിജെപി 37 സീറ്റുകളിലും 27 നിമയസഭാ സീറ്റുകളിലും വിജയിച്ചിരുന്നു. ഇതിൽ പശ്ചിമ യുപിയിൽ നിന്നുള്ള ചെറിയൊരു ശതമാനം വോട്ടുകളും സഹായിച്ചിരുന്നു.

2007ന് ശേഷം ബിജെപിയിൽ നിന്നുള്ള 18 ജാട്ട് എംഎൽഎമാരിൽ 11 പേരും പശ്ചിമ യുപിയിൽ നിന്നാണ് തിരഞ്ഞെടുക്കപ്പെട്ടത്. സാങ്കേതികമായി ജാട്ട് സമുദായത്തിന്റെ പാർട്ടിയായി അറിയപ്പെടുന്ന രാഷ്ട്രീയ ലോക് ദളിന് ഒറ്റ സീറ്റിൽ പോലും വിജയിക്കാനും കഴിഞ്ഞില്ല. സംസ്ഥാനത്തെ മറ്റൊരു രാഷ്ട്രീയ പാർട്ടിയായ ബിഎസ്പി സംസ്ഥാനത്തിന്റെ മറ്റ് ഭാഗങ്ങളിലെല്ലാം കുറഞ്ഞ സ്വാധീനമുള്ള പാർട്ടിയാണ്.

കർഷകർക്ക് വേണ്ടി ഒരു രാഷ്ട്രീയ പാർട്ടി എന്ന ആശയം ടിക്കായത്ത് ഇപ്പോൾ മുന്നോട്ടുവെച്ചിട്ടുണ്ട്. ഇങ്ങനൊരു പാർട്ടി വന്നാൽ സംസ്ഥാനത്തെ കർഷകരിൽ നല്ലൊരു വിഭാഗം ഈ പാർട്ടിക്കൊപ്പം നിൽക്കും. ഇത് ബിജെപിയുടെ വോട്ട് ഭിന്നിപ്പിക്കുന്നതിനും ഇടയാക്കും. എന്നാൽ സമാജ് വാദി പാർട്ടിയാണ് കർഷകരുമായി ധാരണയുണ്ടാക്കി മുന്നോട്ടുപോകുന്ന രാഷ്ട്രീയ പാർട്ടി. പശ്ചിമ യുപിയിൽ പ്രതിഷേധത്തിന് അണിനിരന്ന കർഷകരുടെ എണ്ണത്തിൽ നിന്ന് കർഷകരുടെ കരുത്തും വ്യക്തമാണ്. തിരഞ്ഞെടുപ്പ് നടക്കാനിരിക്കെ യോഗി ആദിത്യനാഥിനെതിരെ പ്രചാരണം ആരംഭിക്കുമെന്ന് രാകേഷ് ടിക്കായത്ത് ദിവസങ്ങൾക്ക് മുമ്പ് വ്യക്തമാക്കിയിരുന്നു.