കാടിനുള്ളിൽ 220 കിലോ പാസ്ത... വൈറലായി ചിത്രങ്ങൾ; നിഗൂഢത

Updated: Saturday, May 6, 2023, 20:49 [IST]

വനത്തിനുള്ളിൽ കുന്നോളം പാസ്ത. അതെ 220 കിലോഗ്രാം പാസ്തയാണ് വനത്തിലുള്ളിൽ ഉപേക്ഷിച്ചത്. ന്യൂജേഴ്സി വനത്തിനുള്ളിൽ ഉള്ളിലാണ് ഇത്രയധികം പാസ്ത ഉപേക്ഷിച്ച നിലയിൽ കണ്ടത്. ഏപ്രിൽ 28 ന് ന്യൂജേഴ്‌സിയിലെ ഓൾഡ് ബ്രിഡ്ജിലെ ഒരു അരുവിക്കടുത്താണ് പാസ്തയുടെ കുന്ന് പ്രത്യക്ഷപ്പെട്ടത്. നിന ജോക്‌നോവിറ്റ്‌സ് എന്ന സ്വദേശി ഫെയ്‌സ്ബുക്കിൽ പോസ്റ്റ് ചെയ്ത പാസ്തയുടെ ഫോട്ടോകൾ സോഷ്യൽ മീഡിയയിൽ വൈറലായിരിക്കുകയാണ്.

പാസ്ത പാകം ചെയ്തതാണോ അല്ലയോ എന്ന കാര്യത്തിൽ ഇപ്പോഴും വ്യത്യസ്തമായ റിപ്പോർട്ടുകളാണ് വന്നുകൊണ്ടിരിക്കുന്നത്. സോസ് ഇല്ല, ഗ്രേവി ഇല്ല, ചീസ് ഇല്ല - അത് നൂഡിൽസ് കൂമ്പാരങ്ങൾ മാത്രമായിരുന്നു. രണ്ട് പൊതുമരാമത്ത് ജീവനക്കാർ ഒരു മണിക്കൂറിനുള്ളിൽ പാസ്ത വൃത്തിയാക്കുകയും ചെയ്തു. സംഭവത്തിൽ പോലീസ് അന്വേഷണം നടത്തിവരികയാണ്. 500 പൗണ്ട് പാസ്ത ആരാണ് വലിച്ചെറിഞ്ഞതെന്ന ദുരൂഹത ഇപ്പോഴും ബാക്കി നിൽക്കുകയാണ്. ചില റിപ്പോർട്ടുകൾ അനുസരിച്ച്, പാകം ചെയ്യാത്ത പാസ്ത വരണ്ടതായിരുന്നു, ഈർപ്പവും മഴയും കൊണ്ട് അത് മൃദുവായിത്തുടങ്ങി.

ഇത്രയധികം പാസ്ത കളഞ്ഞതിവെക്കുറിച്ച് സോഷ്യൽ മീഡിയയിൽ വലിയ ചർച്ചയാണ് നടക്കുന്നത്. " പാസ്തയുടെ ലാസ്റ്റ് ഡേറ്റ് കഴിഞ്ഞകിനാൽ ആരെങ്കിലും കൊണ്ടുവന്ന് തട്ടിയതാവാം." ഒരു ഉപഭോക്താവ് കുറിച്ചു. ഇത് ന്യൂജേഴ്സിയിൽ മാത്രം നടക്കുന്ന കാര്യമാണ് എന്നാണ് മറ്റാെരാൾ എഴുതിയത്.

അമ്മയുടെ മരണശേഷം ഒരു വ്യക്തി തന്റെ അമ്മയുടെ വീട്ടിൽ നിന്ന് പാസ്ത വൃത്തിയാക്കുന്നത് സുരക്ഷാ ക്യാമറയിൽ പതിഞ്ഞതായി നീന ജോക്നോവിറ്റ്സ് പറഞ്ഞു. ഒരു സൈനിക വിദഗ്ധനാണെന്ന് പറയപ്പെടുന്ന ഇയാൾ പാസ്തയുടെ അളവ് കണക്കിലെടുത്ത് ഉപേക്ഷിച്ചതാകണം.

"അതിൽ വളരെയധികം ഉണ്ടായിരുന്നു, ഒരുപക്ഷേ അവൻ അൽപ്പം തളർന്നിരിക്കാം,"... എന്നുമാണ് അവർ പറഞ്ഞത്. ഇയാളുടെ കുടുംബവുമായി താൻ ബന്ധപ്പെട്ടിരുന്നതായും എന്നാൽ ആരാണെന്ന് വെളിപ്പെടുത്താൻ താൻ തയ്യാറായില്ലെന്നും നീന പറഞ്ഞു. "അയാളെ ഒരു ആഘാത്തിൽ ഇടാൻ ആഗ്രഹിക്കുന്നില്ല," അദ്ദേഹത്തിന്റെ സൈനിക ജീവിതത്തെയും അമ്മയുടെ മരണത്തെയും പരാമർശിച്ച് അവർ പറഞ്ഞു... ഇപ്പോഴും എന്താണ് സംഭവിച്ചത് എന്ന് ചുരുളഴിയാെത കിടക്കുകയാണ്.