ഏറ്റുമുട്ടലിന് താല്പര്യമില്ല, പക്ഷേ ഗതികെട്ടാല്... മുന്നറിയിപ്പുമായി തായ്വാന് പ്രസിഡന്റ്
തായ്പേയ് സിറ്റി: യുഎസ് പ്രതിനിധി സഭാ സ്പീക്കര് നാന്സി പെലോസിയുടെ സന്ദര്ശനത്തെ തുടര്ന്ന് സംഘര്ഷഭരിതമായ മേഖലയില് സമാധാനം പുലരണമെന്ന് തായ്വാന് പ്രസിഡന്റ് സായ് ഇങ് വെന്. ചൈനയുമായി ഒരു ഏറ്റുമുട്ടല് ഉണ്ടാക്കാന് തായ്വാന് ആഗ്രഹിക്കുന്നില്ല. അതുകൊണ്ട് സംഘര്ഷ സാധ്യത വളര്ത്താന് താല്പര്യപ്പെടുന്നില്ല.
എന്നാല് ഞങ്ങളുടെ പരമാവധി എന്ത് വന്നാലും സംരക്ഷിക്കും. അത് ആരോടായാലും പിന്നോട്ടില്ലാത്ത കാര്യമാണെന്ന് സായ് ഇങ് വെന് പറഞ്ഞു. ചൈന തായ്വാന് അതിര്ത്തിയില് സൈനിക അഭ്യാസ പ്രകടനങ്ങള് നടത്തുന്നതിനിടെയാണ് ഇത്തരമൊരു മുന്നറിയിപ്പ് തായ്വാന് നല്കിയത്.
ചൈന ഇന്ന് തായ്വാന് മേഖലയ്ക്ക് ചുറ്റും സൈനിക അഭ്യാസത്തിന് തുടക്കമിടുന്നുണ്ട്. എന്നാല് ഇതില് നിന്ന് പിന്മാറണമെന്നാണ് പറയാനുള്ളത്. പ്രശ്നം ഇനിയും വലുതാകരുത്. ഞങ്ങളൊരിക്കലും ഈ പ്രശ്നം വലുതാക്കാന് ആഗ്രഹിക്കുന്നില്ല. എന്നാല് ഞങ്ങള് പരമാധികാരത്തില് തൊട്ട് കളിച്ചാല് നോക്കിയിരിക്കില്ല.
ഞങ്ങളുടെ സുരക്ഷയും ജനാധിപത്യവും അതുപോലെ വളരെ പ്രധാനപ്പെട്ടതാണെന്നും പ്രസിഡന്റ് സായ് ഇങ് വെന് പറഞ്ഞു. അതേസമയം തായ്വാന്റെ മറുപടിയൊന്നും ചൈന കാര്യമായിട്ടെടുത്തിട്ടില്ല. പെലോസിയുടെ വരവ് അവരെ പ്രകോപ്പിച്ചിരിക്കുകയാണ്. യുഎസ് സൈന്യവും ഈ മേഖലയില് നിലയുറപ്പിച്ചിട്ടുണ്ട്.
തായ്വാന് സമീപം ചൈന മിസൈലുകള് വിക്ഷേപിച്ചിരിക്കുകയാണ്. വ്യോമാക്രമണത്തിനും തങ്ങള് റെഡിയാണ് എന്ന് അറിയിക്കാന് കൂടിയാണിത്. പതിനൊന്ന് ബാലിസ്റ്റിക് മിസൈലുകളാണ് ചൈന പ്രയോഗിച്ചിരിക്കുന്നത്. വന് പ്രകോപനമാണ് ചൈന സൃഷ്ടിച്ചിരിക്കുന്നത്. ചൈനീസ് മിസൈലുകളില് അഞ്ചെണ്ണം തങ്ങളുടെ സമുദ്ര മേഖലയിലാണ് പതിച്ചതെന്ന് ജപ്പാന് പറഞ്ഞു.
ഈ സൈനിക അഭ്യാസം എത്രയും പെട്ടെന്ന് അവര് നിര്ത്തണമെന്നും ജപ്പാന് ആവശ്യപ്പെട്ടു. സമുദ്ര മേഖലയിലും, കര മാര്ഗവും, വ്യോമ മാര്ഗവുമുള്ള പരിശീലനങ്ങളാണ് ചൈന നടത്തിയത്. എല്ലാ തരത്തിലും തങ്ങള് സജ്ജമാണെന്ന് അറിയിക്കാന് കൂടിയുള്ള അഭ്യാസ പ്രകടനങ്ങളാണ് ചൈന പുറത്തെടുത്തത്.
ചൈന ഒരു ടാര്ഗറ്റ് സെറ്റ് ചെയ്ത് കൃത്യമായി ആക്രമണം നടത്തുന്ന മിസൈലിന്റെ പരിശീലനവും നടത്തിയിട്ടുണ്ട്. ഇതാണ് വേഗം നിര്ത്താനായി തായ്വാന് ആവശ്യപ്പെട്ടിരിക്കുന്നത്. എന്നാല് ചൈനയുടെ ഭീഷണിക്ക് പെലോസിയോ യുഎസ്സോ വഴങ്ങിയിട്ടില്ല. തായ്വാന് എല്ലാ വിധ സഹായവും നല്കുമെന്ന് നേരത്തെ പെലോസിയും പ്രസിഡന്റ് ജോ ബൈഡനും വ്യക്തമാക്കിയതാണ്.
യുഎസ്സിന്റെ കപ്പലുകള് അടക്കം ഈ മേഖലയില് ശക്തമായി അണിനിരന്നിട്ടുണ്ട്. എന്ത് വന്നാലും നേരിടാനാണ് തീരുമാനം. കടുത്ത പ്രത്യാഘാതങ്ങള് യുഎസും തായ്വാനും നേരിടേണ്ടി വരുമെന്ന് നേരത്തെ പെലോസിയുടെ സന്ദര്ശനത്തിന് പിന്നാലെ ചൈന പറഞ്ഞിരുന്നു.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google