സക്കര്ബര്ഗുമായി ഇടിക്കൂട്ടിലേക്ക് മസ്ക്; ലൈവ് സ്ട്രീമിംഗ് അടക്കം, വിശദീകരിച്ച് ട്വിറ്റര് മേധാവി
വാഷിംഗ്ടണ്: ഇലോണ് മസ്കും, മാര്ക്ക് സക്കര്ബര്ഗും തമ്മിലുള്ള കേജ് ഫൈറ്റിന് വാശിയേറുന്നു. പരസ്പരമുള്ള വെല്ലുവിളികള് ഇടിക്കൂട്ടിലേക്ക് നയിച്ചിരിക്കുകയാണ്. റോമാ കാലഘട്ടത്തില് ഗ്ലാഡിയേറ്റര്മാര് തമ്മിലുള്ള യുദ്ധത്തിന് സമാനമായ കാര്യങ്ങളാണ് സംഭവിക്കുന്നത്. മെറ്റയിലും എക്സിലും ലൈവ് സ്ട്രീമിംഗ് അടക്കം ഉണ്ടാവും.
പുരാതന റോമിന് സമാനമായ അന്തരീക്ഷത്തിലാണ് ഏറ്റുമുട്ടലുണ്ടാവുക. മസ്കാണ് ഈ വിവരങ്ങള് വെളിപ്പെടുത്തിയത്. സക്കര്ബര്ഗിന്റെയും മസ്കിന്റെയും ഫൗണ്ടേഷനുകളാണ് ഈ മത്സരം നടത്തുന്നത്. യുഎഫ്സി അല്ലെന്നും മസ്ക് അറിയിച്ചു. ഇതോടെ ഏറ്റുമുട്ടല് ഉറപ്പിച്ചിരിക്കുകയാണ് മസ്ക്.തന്റെയും സക്കര്ബര്ഗിന്റെ ഫൗണ്ടേഷനുകള് മത്സരത്തിന് നേതൃത്വം നല്കും. തത്സമയ സംപ്രേഷണം മെറ്റയിലും, എക്സിലുമുണ്ടാവും.
ക്യാമറയില് പതിയുന്ന എല്ലാ കാര്യങ്ങളും പുരാതന റോമിലേതിന് സമാനമായിരിക്കും. ആധുനികമായ കാര്യങ്ങളൊന്നും ഉണ്ടാവില്ലെന്നും മസ്ക് ട്വീറ്റ് ചെയ്തു. ഇറ്റലിയുടെ പ്രധാനമന്ത്രി ജോര്ജിയ മെലോനി, സാംസ്കാരിക മന്ത്രി ജെന്നാരോ സാന്ഗുയിലിയാനോ എന്നിവരുമായുള്ള സംഭാഷണത്തിന് ശേഷമാണ് മസ്ക് പുതിയ തീരുമാനം പ്രഖ്യാപിച്ചത്. ഇരുവരും മസ്കും സക്കര്ബര്ഗും തമ്മിലുള്ള ഏറ്റുമുട്ടലിന് പിന്തുണ അറിയിച്ചിട്ടുണ്ട്.
അടുത്തിടെ സക്കര്ബര്ഗിനെ കഠിനമായ പരിശീലനത്തില് അടക്കം കണ്ടതോടെ പോരാട്ടം വാശിയേറുമെന്ന് ഉറപ്പായിരിക്കുകയാണ്. ഇരുവരും മിക്സഡ് മാര്ഷ്യല് ആര്ട്ട്സില് പരിശീലനം നടത്തുന്നവരാണ്. അതേസമയം മസ്ക് തന്റെ ആരോഗ്യ നിലയെ കുറിച്ച് വെളിപ്പെടുത്തിയിട്ടുണ്ട്. വലത് തോളിന് ചെറിയ പ്രശ്നങ്ങളുണ്ടെന്നും, ചെറിയ സര്ജറി ആവശ്യമാണെന്നും മസ്ക് പറഞ്ഞു.
മൂന്ന് മണിക്കൂറോളം എംആര്ഐ സ്കാനിംഗില് മെഷീനിലായിരുന്നു ഞാന്. ശരീരത്തിന് താഴേ ഭാഗങ്ങള്ക്കൊന്നും പ്രശ്നങ്ങളില്ല. കാലുകളെല്ലാം കരുത്തുറ്റതാണ്. എന്നാല് മുകള് ഭാഗത്താണ് പ്രശ്നം. വലത് തോളിന് ചെറിയ സര്ജറി ആവശ്യമാണ്. ചെറിയ പ്രശ്നങ്ങളുണ്ടെന്നും മസ്ക് പറഞ്ഞു. കുറച്ച് മാസങ്ങള് ആരോഗ്യം വീണ്ടെടുക്കാന് ആവശ്യമായി വരുമെന്നും മസ്ക് പറഞ്ഞു.
സര്ജറി ചെയ്താല് ഉടനെ സക്കര്ബര്ഗുമായുള്ള മത്സരം നടക്കില്ല. ഇടിക്കൂട്ടില് ഇവരുടെ മത്സരങ്ങള് കാണാന് കാത്തിരിക്കുന്നവര് നിരാശരാവുമെന്ന് ഉറപ്പാണ്. മാസങ്ങള് ഇനിയും എടുത്തേക്കാം ആ തീരുമാനത്തിന്. മസ്കുമായുള്ള കേജ് ഫൈറ്റിന് താന് കാത്തിരിക്കുകയാണെന്ന് സക്കര്ബര്ഗ് നേരത്തെ ഫേസ്ബുക്കിലെ പോസ്റ്റുകളില് പറഞ്ഞിരുന്നു. ഓഗസ്റ്റ് 26ന് മത്സരം നടത്താമെന്നാണ് സക്കര്ബര്ഗ് നിര്ദേശിച്ചത്. എന്നാല് ഇതിന് മസ്ക് സമ്മതം അറിയിച്ചിട്ടില്ല. നേരത്തെ മസ്ക് യുക്രൈന് പ്രസിഡന്റ് വ്ളാദിമിര് പുടിനെയും നേരിട്ടുള്ള മത്സരത്തിനായി ക്ഷണിച്ചിരുന്നു. യുക്രൈന് വിഷയത്തില് മത്സരം നടത്താമെന്നായിരുന്നു മസ്ക് അറിയിച്ചത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google