ഇന്ധനച്ചോര്ച്ച: നാസയുടെ മൂണ് റോക്കറ്റ് ആര്ട്ടെമിസ് 1 വിക്ഷേപണം വീണ്ടും മുടങ്ങി
വാഷിംഗ്ടണ്: നാസയുടെ മൂണ് റോക്കറ്റ് ആര്ട്ടെമിസ് 1 വിക്ഷേപണം വീണ്ടും മുടങ്ങി. കഴിഞ്ഞ ആഴ്ച ഇന്ധന ചോര്ച്ചയും എന്ജിന് സെന്സര് തകരാറും മൂലം വിക്ഷേപണം തടസപ്പെട്ടിരുന്നു. തുടര്ന്ന് ശനിയാഴ്ച ഇന്ധനച്ചോര്ച്ചയെ തുടര്ന്ന് ദൗത്യം വീണ്ടും മാറ്റിവയ്ക്കുകയായിരുന്നു.
ലോകമെമ്പാടുമുള്ള ദശലക്ഷക്കണക്കിന് ആളുകളും സമീപത്തുള്ള ബീച്ചുകളില് ലക്ഷക്കണക്കിന് ആളുകളും ബഹിരാകാശ വിക്ഷേപണ സംവിധാനത്തിന്റെ ചരിത്രപരമായ വിക്ഷേപണത്തിനായി കാത്തിരിക്കുമ്പോള്, അള്ട്രാ കോള്ഡ് ലിക്വിഡ് ഹൈഡ്രജന് പമ്പ് ചെയ്യപ്പെടുമ്പോള് റോക്കറ്റിന്റെ അടിത്തറയ്ക്ക് സമീപം ഒരു ചോര്ച്ച കണ്ടെത്തുകയായിരുന്നു.
വിക്ഷേപണ സ്ഥലത്തിന് ചുറ്റുമുള്ള പ്രദേശം പൊതുജനങ്ങള്ക്കായി അടച്ചിരുന്നുവെങ്കിലും, നാസ ഇതുവരെ ബഹിരാകാശത്തേക്ക് വിക്ഷേപിച്ചിട്ടുള്ളതില് വച്ച് ഏറ്റവും ശക്തമായ വാഹനം കാണാനും കേള്ക്കാനും ഏകദേശം 400,000 ആളുകള് സമീപത്ത് തടിച്ചുകൂടിയിരുന്നു. എഞ്ചിനീയര്മാര് ഇന്ധന ചോര്ച്ച കണ്ടെത്തുകയും റോക്കറ്റിന്റെ നാല് പ്രധാന എഞ്ചിനുകളില് ഒന്ന് വളരെ ചൂടാണെന്ന് സെന്സര് കാണിക്കുകയും ചെയ്തതിനെ തുടര്ന്ന് തിങ്കളാഴ്ചത്തെ പ്രാരംഭ വിക്ഷേപണ ശ്രമം നിര്ത്തിവച്ചത്.
അജിത്തിനൊപ്പം ലഡാക്കിലേക്ക്, മഞ്ജു..ചേച്ചി..അടിച്ചു പൊളിക്കുകയാണല്ലോ എന്ന് ആരാധകർ, വൈറൽ ചിത്രങ്ങൾ
ശനിയാഴ്ച പുലര്ച്ചെ, വിക്ഷേപണ ഡയറക്ടര് ചാര്ലി ബ്ലാക്ക്വെല്-തോംസണ് റോക്കറ്റിന്റെ ടാങ്കുകളില് ക്രയോജനിക് ഇന്ധനം നിറയ്ക്കുന്നത് ആരംഭിക്കാന് അനുമതി നല്കിയിരുന്നു. ഏകദേശം മൂന്ന് ദശലക്ഷം ലിറ്റര് അള്ട്രാ കോള്ഡ് ലിക്വിഡ് ഹൈഡ്രജനും ഓക്സിജനും ബഹിരാകാശ പേടകത്തിലേക്ക് പമ്പ് ചെയ്യപ്പെടേണ്ടതായിരുന്നു, എന്നാല് ഈ പ്രക്രിയ ഉടന് തന്നെ പ്രശ്നങ്ങളുണ്ടാക്കി. അതേസമയം, മറ്റൊരു ശ്രമത്തിനുള്ള പുതിയ തീയതി ഉടന് പ്രഖ്യാപിച്ചിട്ടില്ല.
റോക്കറ്റിന് മുകളില് ഇരിക്കുന്ന ഓറിയോണ് ക്യാപ്സ്യൂള് ഭാവിയില് ബഹിരാകാശയാത്രികരെ വഹിക്കാന് സുരക്ഷിതമാണോ എന്ന് പരിശോധിക്കുകയാണ് ആര്ട്ടെമിസ് 1 ദൗത്യത്തിന്റെ ലക്ഷ്യം. ദൗത്യത്തില് ബഹിരാകാശയാത്രികര്ക്കായി സെന്സറുകള് ഘടിപ്പിച്ച മാനെക്വിനുകള് നിലകൊള്ളുന്നുണ്ട്. ഇത് ത്വരണം, വൈബ്രേഷന്, റേഡിയേഷന് അളവ് എന്നിവ രേഖപ്പെടുത്തും.
Click it and Unblock the Notifications
Sign in with Google