ഇറാന് പ്രസിഡന്റ് സഞ്ചരിച്ച ഹെലികോപ്റ്റര് അപകടത്തില്പ്പെട്ടതായി റിപ്പോര്ട്ട്
ടെഹ്റാന്: ഇറാന് പ്രസിഡന്റ് ഇബ്രാഹിം റെയ്സി സഞ്ചരിച്ചിരുന്ന വാഹനവ്യൂഹത്തിലെ ഒരു ഹെലികോപ്റ്റര് അപകടത്തില്പ്പെട്ടതായി ഇറാനിയന് സ്റ്റേറ്റ് ടിവി. ഇബ്രാഹിം റെയ്സി ഹെലികോപ്റിലുണ്ടായിരുന്നു എന്നാണ് റിപ്പോര്ട്ട്. അസര്ബൈജാന് അതിര്ത്തിക്കടുത്ത് ജോല്ഫ നഗരത്തിലാണ് സംഭവം. ടെഹ്റാനില് നിന്ന് 600 കിലോമീറ്റര് അകലെയാണിത്. മോശം കാലാവസ്ഥാ കാരണം ഹെലികോപ്ടര് തിരിച്ചിറക്കിയെന്നാണ് ഇറാനിയന് സ്റ്റേറ്റ് ടിവി പറയുന്നത്.
രക്ഷാപ്രവര്ത്തകര് സംഭവം നടന്ന സ്ഥലത്ത് എത്താന് ശ്രമിക്കുകയാണെന്ന് സ്റ്റേറ്റ് ടെലിവിഷന് റിപ്പോര്ട്ട് ചെയ്തു. ധനമന്ത്രി അമീര് അബ്ദുള്ളാഹിയാനും ഹെലികോപ്റ്ററില് പ്രസിഡന്റിനൊപ്പം ഉണ്ടായിരുന്നതായി റിപ്പോര്ട്ടുണ്ട്. പ്രസിഡന്റിന്റെ വാഹനവ്യൂഹത്തില് 3 ഹെലികോപ്റ്ററുകള് ഉണ്ടായിരുന്നു എന്നും അതില് രണ്ടെണ്ണം സുരക്ഷിതമായി ലക്ഷ്യസ്ഥാനത്ത് എത്തിയെന്നും ടെഹ്റാന് അറിയിച്ചു.
ക്വിസ്-ഖലാസി അണക്കെട്ട് ഉദ്ഘാടനം ചെയ്യാന് കിഴക്കന് അസര്ബൈജാന് പ്രവിശ്യയിലായിരുന്നു റെയ്സി. റെയ്സി അസര്ബൈജാനി പ്രസിഡന്റ് ഇല്ഹാം അലിയേവിനെ കാണുകയും ഇരുപക്ഷവും സംയുക്തമായി നിര്മ്മിച്ച ക്വിസ് ഖലാസി അണക്കെട്ട് ഉദ്ഘാടനം ചെയ്യുകയും ചെയ്ത ശേഷമുള്ള മടക്കയാത്രയിലായിരുന്നു എന്നാണ് ഇറാനിയന് വാര്ത്താ ഏജന്സിയായ ഐആര്എന്എ പറയുന്നത്. അതേസമയം മോശം കാലാവസ്ഥ കാരണം രക്ഷാപ്രവര്ത്തനം വൈകുന്നതായാണ് വിവരം.
രക്ഷാപ്രവര്ത്തകര് സ്ഥലത്ത് എത്താന് ശ്രമിച്ചുവെങ്കിലും പ്രദേശത്തെ മോശം കാലാവസ്ഥ കാരണം ശ്രമം തടസപ്പെട്ടതായി സ്റ്റേറ്റ് ടിവി പറഞ്ഞു. ചെറിയ കാറ്റിനൊപ്പം കനത്ത മഴയും പ്രദേശത്ത് റിപ്പോര്ട്ട് ചെയ്തിട്ടുണ്ട്. ഇറാനില് വിവിധ ഹെലികോപ്റ്ററുകള് ഉണ്ടെങ്കിലും അന്താരാഷ്ട്ര ഉപരോധങ്ങള് അവയുടെ ഭാഗങ്ങള് ലഭ്യമാക്കുന്നത് ബുദ്ധിമുട്ടാക്കുന്നു. ഇറാന്റെ സൈനിക വ്യോമസേനയും 1979-ലെ ഇസ്ലാമിക വിപ്ലവത്തിന് മുമ്പുള്ളതാണ്.
63 കാരനായ ഇബ്രാഹിം റെയ്സി, മുമ്പ് രാജ്യത്തെ ജുഡീഷ്യറിയെ നയിച്ചിരുന്ന ഒരു കര്ക്കശക്കാരനാണ്. ഇറാന്റെ പരമോന്നത നേതാവ് ആയത്തുല്ല അലി ഖമേനിയുടെ ഒരു സംരക്ഷകനായാണ് അദ്ദേഹത്തെ കാണുന്നത്. ചരിത്രത്തിലെ ഏറ്റവും കുറഞ്ഞ പോളിംഗ് രേഖപ്പെടുത്തിയ 2021 ലെ ഇറാന്റെ പ്രസിഡന്റ് തിരഞ്ഞെടുപ്പില് ആണ് ഇബ്രാഹിം റൈസി വിജയിക്കുന്നത്. രക്തരൂക്ഷിതമായ ഇറാന്-ഇറാഖ് യുദ്ധത്തിന്റെ അവസാനത്തില് 1988-ല് ആയിരക്കണക്കിന് രാഷ്ട്രീയ തടവുകാരെ കൂട്ടക്കൊല ചെയ്തതില് റൈസി പങ്കാളിയായിരുന്നു.
റൈസിയുടെ കീഴില്, ഇറാന് ഇപ്പോള് യുറേനിയം ഏതാണ്ട് ആയുധ-ഗ്രേഡ് തലങ്ങളില് സമ്പുഷ്ടമാക്കുകയും അന്താരാഷ്ട്ര പരിശോധനകളെ തടസപ്പെടുത്തുകയും ചെയ്യുന്നു. ഗാസ മുനമ്പിലെ ഹമാസിനെതിരായ യുദ്ധത്തിനിടയില് ഇറാന് ഇസ്രായേലിനെതിരെ വന് ഡ്രോണ്, മിസൈല് ആക്രമണം നടത്തിയിരുന്നു. യെമനിലെ ഹൂത്തി വിമതരും ലെബനനിലെ ഹിസ്ബുള്ളയും പോലെ മിഡില് ഈസ്റ്റിലെ പ്രോക്സി ഗ്രൂപ്പുകളെ ആയുധവല്ക്കരിക്കുന്നത് ഇറാന് തുടരുകയാണ്.
-
യുഎഇ തകര്ക്കുകയാണോ ഇറാന്റെ ലക്ഷ്യം; ഫുജൈറയിലും ഷാഹിലും ഡ്രോണ്, ഖത്തറിന്റെ ആവശ്യം തള്ളി -
പിടിവിട്ട് ട്രംപ്; ഇറാന്റെ പ്രതിരോധം അമ്പരിപ്പിക്കുന്നത്; യൂറോപ്യന് സഖ്യകക്ഷികള് പോലും പിന്തുണച്ചില്ല -
ഇറാനെ പൂട്ടാൻ '911' ഫോഴ്സ് വരുന്നു; ഹോർമുസ് കടലിടുക്ക് പിടിച്ചെടുക്കാൻ ലക്ഷ്യമിട്ട് ട്രംപ് -
ഹോര്മുസ് മാത്രമല്ല, ബാബുല് മന്ദിബും അടയ്ക്കും; വരുന്നത് എട്ടിന്റെ പണി, എണ്ണ 200 കടക്കും -
യുഎഇയെ ഫുജൈറ രക്ഷിക്കും; വെട്ടിലായത് സൗദി അറേബ്യയും ഖത്തറും കുവൈത്തും, ഇതാണ് കാരണം -
സ്വർണ വില ഗ്രാമിന് 26000ത്തിന് മുകളിലേക്ക്, പവൻ വില 2.39 ലക്ഷവും..വെറും 4 കൊല്ലം കൊണ്ട് കുതിക്കും,പ്രവചനം -
സര്ക്കാര് ജീവനക്കാരേക്കാള് അധികശമ്പളം കെഎസ്ഇബി ജീവനക്കാര്ക്ക് നല്കേണ്ടതില്ല: സംസ്ഥാന സര്ക്കാര് -
വളരെ സ്പെഷ്യലായ 2 രാജയോഗങ്ങൾ ഒരുമിച്ച്; ഈ രാശിക്കാരുടെ പ്രണയ ജീവിതം കളറാവും, സമ്പത്ത് നിറയും! -
ട്രാക്ക് മാറ്റാൻ ബെംഗളൂരു നഗരം; എൽപിജി ഇല്ലെങ്കിലും നോ ടെൻഷൻ, കൂടുതൽ ബയോഗ്യാസ് പ്ലാന്റുകൾ സ്ഥാപിക്കും -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
ബെംഗളൂരുകാർക്ക് ആശ്വാസം; സിൽക്ക് ബോർഡിലെ ഡെബിൾ ഡെക്കർ മേൽപ്പാലം ഉടൻ പൂർണമായി തുറക്കും -
'അയാൾ ലവ് ബോംബിംഗ് നടത്തി, 19-ാം വയസിൽ കല്യാണം കഴിച്ചത് ജോത്സ്യന് പറഞ്ഞതുകൊണ്ട് മാത്രം'; അമൃത സുരേഷ്
Click it and Unblock the Notifications
Sign in with Google