ബാക്കി വെച്ച സാന്‍വിച്ച് കഴിച്ചതിന് സുഹൃത്തിനെ വെടിവെച്ച് കൊന്നു

ന്യൂയോര്‍ക്ക്: ബാക്കി വെച്ച സാന്‍വിച്ച് കഴിച്ച കുറ്റത്തിന് സുഹൃത്തിനെ വെടിവെച്ച് കൊന്നത്. 34 കാരനായ മാര്‍കസ് ഗോട്‌സ്‌ചെയാണ് തന്റെ സുഹൃത്തായ ജാസ്മില്‍ അര്‍മൗര്‍(28) എന്ന യുവതിയെ കൊന്നത്.

2011 ഫെബ്രുവരി മാസത്തിലാണ് കൊലപാതകം നടന്നത്. ഫാം ഉടമയായ മാര്‍കസ് മദ്യപിച്ച് എത്തിയപ്പോള്‍ താന്‍ കഴിച്ച് ബാക്കി വെച്ച സാന്‍വിച്ച് സുഹൃത്തായ ജാസ്മിന്‍ കഴിച്ചതിനെ ചൊല്ലിയാണ് തര്‍ക്കമുണ്ടായത്.

വഴക്കിനൊടുവില്‍ യുവാവ് ജാസ്മിനെ പുറകില്‍ നിന്നും വെടിവെച്ച് വീഴ്തുകയായിരുന്നു. സ്ഥലത്ത് നിന്ന് രക്ഷപ്പെടാന്‍ ശ്രമിച്ചെങ്കിലും ഫാമില്‍ വെച്ച് തന്നെ മരിച്ചു. ഡിസംബര്‍ മാസത്തില്‍ കൊലപാതകക്കുറ്റത്തിന് പോലീസ് അറസ്റ്റ് ചെയ്‌തെങ്കിലും ബുധനാഴ്ചയാണ് കേസില്‍ വിധി വരുന്നത്.

കേസ് വഴിതിരിച്ച് വിടാന്‍ വര്‍ഷങ്ങളോളം ശ്രമിച്ചെങ്കിലും അവസാനം കുറ്റവാളിയെന്ന് കണ്ടെത്തുകയ തന്നെ ചെയ്തു. 22 വര്‍ഷത്തെ കഠിന തടവിനാണ് കോടതി ശിക്ഷിച്ചിരിക്കുന്നത്.

English summary

A New York man who fatally shot a friend for eating his leftover sandwich has been sentenced to 22 years in prison.