അമേരിക്കയേയും ദക്ഷിണ കൊറിയയെയും നശിപ്പിക്കുമെന്ന് ഉത്തര കൊറിയ
പ്യോങ്യാങ്: അമേരിക്കയെയും ദക്ഷിണ കൊറിയയെയും അണുവായുധം ഉപയോഗിച്ച് നശിപ്പിക്കുമെന്ന് ഉത്തര കൊറിയ. ശത്രുക്കളെ ഉന്മൂലനം ചെയ്യാന് തങ്ങളൊരു ബട്ടണ് അമര്ത്തിയാല് മതിയെന്നാണ് ഉത്തര കൊറിയ നല്കുന്ന മുന്നറിയിപ്പ്.
ദക്ഷിണ കൊറിയയും ആമേരിക്കയും ചേര്ന്ന് ആരംഭിച്ച വന് സൈനീക അഭ്യാസമാണ് ഉത്തര കൊറിയയെ പ്രകോപിപ്പിച്ചതെന്നാണ് സൂചന. സൈനീക അഭ്യാസം ഉത്തര കൊറിയ പിടിച്ചെടുക്കാനുള്ള നീക്കമാണെന്ന് പോങ്യാങ് ആരോപിച്ചു. അകാധിപതിയായ ഉത്തരകൊറിയന് ഭരണാധികാരിയും ചെറുപ്പകാരനുമായ കിം ജോങ് ഉന് അധികാരത്തില് എത്തിയപ്പോള് മുതല് ഇത്തരം മുന്നറിയിപ്പുകളും ഭീഷണികളും നടത്തിവരുന്നുണ്ട്.
അതേസമയം മറ്റ് രാജ്യങ്ങളെ ചുട്ടെരിക്കുമെന്ന് പറയാന് തക്ക ആയുധ ശേഷി ഉത്തരകൊറിയയ്ക്കുണ്ടോ എന്ന കാര്യത്തില് രണ്ടഭിപ്രായമുണ്ട്. ഉത്തര കൊറിയയുടെ ആയുധ ശേഖരത്തിലുള്ള ബോംബുകള് ഉപയോഗ യോഗമല്ലെന്നും അനുമാനിക്കുന്നുണ്ട്. രാജ്യം അണുവായുധ പരീക്ഷണത്തിന്റെ നാലാം ഘട്ടത്തിലാണിപ്പോള്.