പുതിയ നിയമഭേദഗതിയുമായി ട്രംപ്;അമേരിക്കയില് ജനിക്കുന്ന വിദേശികളുടെ കുട്ടികള്ക്ക് പൗരത്വം ലഭിക്കില്ല
Recommended Video
വാഷിങ്ടൺ: അമേരിക്കയിൽ ജനിക്കുന്ന വിദേശികളുടെ കുട്ടികളെ അമേരിക്കന് പൗരന്മാരായി കണക്കാക്കുന്ന നിലവിലെ നിയമത്തിനാണ് ഭേദഗതി വരുത്താനുറച്ച് പ്രസിഡന്റ് ഡൊണാൾഡ് ട്രംപ്. അമേരിക്കയില് ജനിക്കുന്ന അമേരിക്കക്കാരല്ലാത്തവരുടെയും അഭയാര്ഥികളുടെയും കുട്ടികള്ക്ക് അമേരിക്കന് പൗരത്വം ലഭിക്കുംവിധമാണ് നിലവിലുള്ള നിയമം.
അമേരിക്കന് ഭരണഘടനയുടെ 14-ാം ഭേദഗതിയില് നിര്ദേശിക്കുന്ന ഈ അവകാശം എടുത്തുകളഞ്ഞുകൊണ്ട് നിയമഭേദഗതി വരുത്താനാണ് ട്രംപ് സര്ക്കാര് ഉദ്ദേശിക്കുന്നതെന്നാണ് റിപ്പോർട്ട്. അമേരിക്കയില് ജനിക്കുന്ന അമേരിക്കക്കാരല്ലാത്തവരുടെയും അഭയാര്ഥികളുടെയും കുട്ടികള്ക്ക് അമേരിക്കന് പൗരത്വം ലഭിക്കുംവിധമാണ് നിലവിലുള്ള നിയമം.
അമേരിക്കയിലേക്കുള്ള കുടിയേറ്റം തടയുന്നതിന് ട്രംപ് ഭരണകൂടം നിയമഭേദഗതിയിലൂടെയും നയവ്യതിയാനങ്ങളിലൂടെയും ശ്രമിച്ചുകൊണ്ടിരിക്കുകയാണ്. മുസ്ലിം ഭൂരിപക്ഷ രാജ്യങ്ങളില്നിന്നുള്ളവര്ക്ക് യാത്രാവിലക്കും കുടിയേറ്റക്കാരെ കുട്ടികളില്നിന്ന് വേര്പെടുത്തി പാര്പ്പിക്കുന്നതും അടക്കമുള്ള നടപടികൾ സ്വീകരിച്ചിരുന്നു. ഇതിന് പിന്നാലെയാണ് പുതിയ നീക്കവുമായി ട്രംപ് രംഗത്തെത്തിയിരിക്കുന്നത്.
ഭരണഘടനാ ഭേദഗതിക്ക് പാര്ലമെന്റില് മൂന്നില് രണ്ട് ഭൂരിപക്ഷം ആവശ്യമാണ്. എന്നാല് ഇതില്ലാതെ തന്നെ പ്രസിഡന്റിന്റെ അധികാരം ഉപയോഗിച്ച് എക്സിക്യൂട്ടീവ് ഓര്ഡറിലൂടെ ഭേദഗതി കൊണ്ടുവരാന് സാധിക്കുമെന്നും ഇക്കാര്യം നിയമവിദഗ്ധരുമായി സംസാരിച്ചതായും ട്രംപ് വ്യക്തമാക്കി.
Click it and Unblock the Notifications
Sign in with Google