കോംഗോയില് സംഘര്ഷം; യുഎന് ദൗത്യസംഘത്തിലെ രണ്ട് ബിഎസ്എഫ് ഉദ്യോഗസ്ഥര് കൊല്ലപ്പെട്ടു
കിന്ഷസ: കോംഗോ പ്രതിഷേധം സംഘര്ഷഭരിതമായതിനെ തുടര്ന്ന് രണ്ട് ഇന്ത്യന് ജവാന്മാര് കൊല്ലപ്പെട്ടു. ഇവര് യുഎന്നിന്റെ പീസ് കീപ്പിംഗ് മിഷന്റെ ഭാഗമായിരുന്നു. രണ്ട് ഇന്ത്യന് ജവാന്മാരുടെ വീരമൃത്യുവില് അനുശോചനം രേഖപ്പെടുത്തുന്നതായി വിദേശകാര്യ മന്ത്രി എസ് ജയശങ്കര്. ഈ ക്രൂര കൃത്യത്തിന് പിന്നിലുള്ളവരെ അറസ്റ്റ് ചെയ്ത് നിയമത്തിന് മുന്നില് കൊണ്ടുവരണമെന്നും ജയശങ്കര് ആവശ്യപ്പെട്ടു.
ഇവരുടെ കുടുംബത്തിന്റെ ദു:ഖത്തില് പങ്കുചേരുന്നതായും മന്ത്രി അറിയിച്ചു. കോംഗോയില് യുഎന് നടത്തുന്ന യുനൈറ്റഡ് നേഷന്സ് ഓര്ഗനൈസേഷന് സ്റ്റബിലൈസേഷന് മിഷന്റെ ഭാഗമായിരുന്നു കൊല്ലപ്പെട്ട രണ്ട് സൈനികരും.
കൊല്ലപ്പെട്ട രണ്ട് പേരും ബിഎസ്എഫില് കോണ്സ്റ്റബിളായിരുന്നു. രാജസ്ഥാനില് നിന്നുള്ളവരാണ് ഇവര്. കോംഗോയിലെ കിഴക്കന് നഗരമായ ഗോമയിലാണ് വലിയ പ്രതിഷേധങ്ങള് നടക്കുന്നത്. ഇവിടെ സംഘര്ഷാവസ്ഥ നിലനില്ക്കുകയാണ്. അഞ്ച് പേര് കൊല്ലപ്പെട്ടെന്നാണ് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നത്.
അന്പതോളം പേര്ക്ക് പരിക്കേറ്റിട്ടുണ്ട്. പ്രതിഷേധം രണ്ടാം ദിനത്തിലേക്കും കടന്നിരിക്കുകയാണ്. യുഎന് മിഷനെതിരെയാണ് പ്രതിഷേധം നടക്കുന്നത്. മെയ് മാസത്തിലാണ് ഇന്ത്യക്കാര് അടക്കം ഈ മേഖലയില് എത്തിയത്.
കോംഗോയിലെ തദ്ദേശവാസികള് രാജ്യത്താകെ യുഎന് മിഷനെതിരെ പ്രതിഷേധം പ്രഖ്യാപിച്ചിരിക്കുകയാണ്. ഗോമയില് പ്രതിഷേധം സംഘര്ഷത്തിലേക്ക് നീളുകളായിരുന്നു. ഇവിടെ വലിയൊരു ബേസ് തന്നെ യുഎന്നിനുണ്ട്. യുഎന്നിന്റെ കെട്ടിടങ്ങള്ക്ക് തീവെക്കുകയും വ്യാപകമായ കൊള്ള നടത്തുകയും ചെയ്യുന്നുണ്ട്.
ബെനി, ബുട്ടെമ്പോ എന്നിവിടങ്ങളില് അതിജാഗ്രതാ നിര്ദേശമുണ്ട്. തിങ്കളാഴ്ച്ച ഈ മേഖലയില് സമാധാന അന്തരീക്ഷമുണ്ടായിരുന്നു. ഇന്ന് ബുട്ടെമ്പോയില് സംഘര്ഷം കനക്കുകയായിരുന്നു. മൊറോക്കോ ക്യാമ്പില് ബിഎസ്എഫ് സൈനികര് താമസിച്ചിരുന്ന മേഖല പ്രതിഷേധക്കാര് വളയുകയായിരുന്നു.
കോംഗോ പോലീസും കോംഗോ സൈന്യവും ഇവിടെയെത്തിയിരുന്നു. എന്നാല് പ്രതിഷേധക്കാരെ നിയന്ത്രിക്കാനായില്ല.അഞ്ഞൂറോളം വരുന്ന വന് ജനക്കൂട്ടമായിരുന്നു. ഇവരെ തടയാന് സൈന്യത്തിന് പോലും സാധിക്കില്ലായിരുന്നു. ബിഎസ്എഫും മറ്റ്സുരക്ഷാ ട്രൂപ്പുകളും കണ്ണീര് വാതകം പ്രയോഗിച്ച് പ്രതിഷേധക്കാരെ ഓടിക്കാനാണ് ശ്രമിച്ചത്. എന്നാല് ഇവര് സുരക്ഷാ വേലി മൂന്ന് വ്യത്യസ്ത മേഖലയില് നിന്ന് തകര്ത്ത് ഉള്ളിലേക്ക് പ്രവേശിക്കുകയായിരുന്നു.
ഇവരെ ഓടിച്ച് വിട്ടെങ്കിലും, പിന്നീട് വീണ്ടും ഒന്നിച്ച് ചേര്ന്നാണ് എത്തിയത്. വിമതര് ഈ പ്രതിഷേധക്കാരുടെ കൂട്ടത്തില് നുഴഞ്ഞുകയറിയാണ് സംഘര്ഷം നടത്തുന്നതെന്നാണ് സൂചന. വലിയ വെടിവെപ്പ് ഇവിടെ പിന്നീട് നടന്നിരുന്നു. മൊറോക്കന് പോലീസ് ഓഫീസറും ഈ ആക്രമണത്തില് കൊല്ലപ്പെട്ടു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google