ഹമാസിന്റെ മറുപടിക്കായി കാത്തിരിക്കുന്നു എന്ന് ട്രംപ്; 4 ദിവസത്തിനകം അംഗീകരിച്ചില്ലെങ്കില് നടപടി
വാഷിങ്ടണ്: ഗാസയിലെ സമാധാന പദ്ധതിയുമായി ബന്ധപ്പെട്ട് ഹമാസിനെ ഭീഷണിപ്പെടുത്തി അമേരിക്കന് പ്രസിഡന്റ് ഡൊണാള്ഡ് ട്രംപ്. നാല് ദിവസത്തിനകം കരാര് അംഗീകരിച്ചില്ലെങ്കില് കടുത്ത നടപടി നേരിടേണ്ടി വരുമെന്ന് ട്രംപ് മുന്നറിയിപ്പ് നല്കി. അതേസമയം, അമേരിക്ക നടത്തുന്ന സമാധാന നീക്കങ്ങളെ സൗദി അറേബ്യ ഉള്പ്പെടെയുള്ള അറബ് രാജ്യങ്ങള് സ്വാഗതം ചെയ്തു.
20-ഇന നിര്ദേശങ്ങളാണ് ട്രംപ് കഴിഞ്ഞ ദിവസം സമാധാന പദ്ധതിയുടെ ഭാഗമായി മുന്നോട്ട് വച്ചത്. ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവുമായി ചര്ച്ച നടത്തിയ ശേഷമായിരുന്നു ട്രംപിന്റെ പ്രഖ്യാപനം. നിര്ദേശങ്ങള് ഇസ്രായേല് അംഗീകരിച്ചുവെന്ന് നെതന്യാഹു പറഞ്ഞു. ഇനി ഹമാസിന്റെ പ്രതികരണത്തിനായി കാത്തിരിക്കുകയാണ്.
അമേരിക്കയും ഇസ്രായേലും മുന്നോട്ടുവച്ച നിര്ദേശങ്ങള് ഹമാസ് പഠിക്കുകയാണ്. ബുധനാഴ്ച അവര് പ്രതികരിക്കുമെന്നാണ് വിവരം. ഖത്തര്, ഈജിപ്ത് എന്നീ മധ്യസ്ഥ രാജ്യങ്ങളെ ഹമാസ് പ്രതികരണം അറിയിക്കും. ഹമാസ് എന്ത് നിലപാട് സ്വീകരിക്കുമെന്നതാണ് അറിയേണ്ടത്. ഇസ്രായേല് സൈന്യം ഗാസയില് നിന്ന് പൂര്ണമായി പിന്മാറണം എന്നാണ് ഹമാസിന്റെ ആദ്യ ആവശ്യം.
തങ്ങള് മുന്നോട്ടുവച്ച നിര്ദേശം ഹമാസ് അംഗീകരിച്ചില്ലെങ്കില് കടുത്ത നടപടി നേരിടേണ്ടി വരുമെന്ന് ട്രംപ് മാധ്യമങ്ങളോട് സംസാരിക്കവെ പറഞ്ഞു. എല്ലാ അറബ് രാജ്യങ്ങളും അംഗീകരിച്ചു, മുസ്ലിം രാജ്യങ്ങളും അംഗീകരിച്ചു, ഇസ്രായേല് അംഗീകരിച്ചു. ഹമാസിന്റെ നിലപാട് അറിയാനാണ് കാത്തിരിക്കുന്നത്. ഹമാസ് അംഗീകരിച്ചില്ലെങ്കില് മോശം അന്ത്യമാകും ഉണ്ടാകുക- ട്രംപ് വൈറ്റ് ഹൗസില് മാധ്യമങ്ങളോട് പറഞ്ഞു.
നാല് ദിവസത്തിനകം ഹമാസ് പ്രതികരിച്ചില്ലെങ്കില് ഇസ്രായേല് അവരുടെ ഇഷ്ടംപോലെ ചെയ്യുമെന്നാണ് ട്രംപ് പറയുന്നത്. ഹമാസ് എല്ലാം അംഗീകരിക്കുമെന്ന പ്രതീക്ഷയിലാണ് ട്രംപ്. യുഎസ് സൈനിക ഓഫീസര്മാരോട് ട്രംപ് ഇക്കാര്യം പറഞ്ഞിട്ടുണ്ടത്രെ. ട്രംപിന്റെ നിര്ദേശം ചര്ച്ച ചെയ്യുമെന്ന് ഹമാസ് അറിയിച്ചു. ഹമാസിലെ നേതാക്കളും പലസ്തീനിലെ മറ്റു സംഘടനാ നേതാക്കളും ചര്ച്ച നടത്തും.
ഇസ്രായേല് ആക്രമണം അവസാനിപ്പിക്കുന്നതിന് പകരം ഹമാസ് ആയുധം വെടിയണം എന്നാണ് ഒരു നിബന്ധന. ഹമാസിന് യാതൊരു പങ്കാളിത്തവുമില്ലാത്ത ഭരണകൂടമായിരിക്കും ഗാസയില് നിലവില് വരിക. അതുകൊണ്ടുതന്നെ ട്രംപിന്റെ നിര്ദേശം അതുപോലെ ഹമാസ് അംഗീകരിക്കുമോ എന്ന കാര്യം സംശയമാണ്. പലസ്തീന് തടവുകാരെ വിട്ടയക്കുമെന്ന ഇസ്രായേലിന്റെ നിര്ദേശത്തോട് ഹമാസിന് മതിപ്പില്ല. വിട്ടയക്കുന്നതിന്റെ ഇരട്ടി പേരെ ഇസ്രായേല് ഗാസയില് നിന്നും വെസ്റ്റ് ബാങ്കില് നിന്നും അറസ്റ്റ് ചെയ്തു കൊണ്ടുപോകുന്നുണ്ട്.
ട്രംപ് മുന്നോട്ടുവച്ച പദ്ധതിക്ക് ലോകത്തെ പല രാജ്യങ്ങളും പിന്തുണയുമായി രംഗത്തുവന്നു. ഫ്രാന്സ്, ഇന്ത്യ, കാനഡ, റഷ്യ, പാകിസ്താന് തുടങ്ങിയ രാജ്യങ്ങളെല്ലാം പിന്തുണ പ്രഖ്യാപിച്ചു എന്നാണ് റിപ്പോര്ട്ടുകള്. 2023 ഒക്ടോബറിന് ശേഷം ഗാസയില് 70000ത്തോളം പലസ്തീന്കാരാണ് കൊല്ലപ്പെട്ടത്. ഇപ്പോഴും ഇസ്രായേല് ആക്രമണം തുടരുകയാണ്.
-
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google