Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വിഗ്രഹത്തിൽ മുക്കുപണ്ടം ചാർത്തി അഞ്ചര പവൻ തിരുവാഭരണവുമായി പൂജാരി മുങ്ങി; സംഭവം കാസർഗോഡ്
കാസറഗോഡ്: തിരുവാഭരണം മോഷ്ടിച്ച് പൂജാരി മുങ്ങിയതായി പരാതി. കാസര്‍കോട് ഹൊസബെട്ടുവിലെ മങ്കേശ മഹാലക്ഷ്മി ക്ഷേത്രത്തിലാണ് സംഭവം. വിഗ്രഹത്തിൽ തിരുവാഭരണങ്ങൾ കവർന്ന ശേഷം മുക്കുപണ്ടം ചാർത്തിയായിരുന്നു പൂജാരി മുങ്ങിയത്. ക്ഷേത്രം അധികൃതരുടെ പരാതിയിൽ തിരുവനന്തപുരം സ്വദേശിയായ ദീപക് നമ്പൂതിരിക്കെതിരെ മഞ്ചേശ്വരം പോലീസ് കേസെടുത്തു.
വിഗ്രഹത്തില്‍ ചാര്‍ത്തിയ ആറ് പവന്‍ തിരുവാഭരണമാണ് കാണാതായത്. ചുമതലയേറ്റ് മൂന്നാമത്തെ ദിവസമായിരുന്നു പൂജാരി ഇതുമായി മുങ്ങിയത്. ഒക്ടോബർ 29നാണ് സംഭവം. ഒക്ടോബർ 27ന് നാണ് ദീപക് പൂജാരിയായി ചുമതലയേറ്റത്. തുടർന്ന് രണ്ട് ദിവസങ്ങളിലും പൂജ നടത്തി. 9 ന് വൈകുന്നേരം സെക്യൂരിറ്റി ജീവനക്കാരനോട് ഹൊസങ്കടി ടൗണിലേക്ക് പോകുകയാണെന്ന് അറിയിച്ച് ഇയാൾ ഇറങ്ങി. പക്ഷേ പിന്നീട് തിരിച്ച് എത്തിയില്ല.
തുടർന്ന് ക്ഷേത്രം ജീവനക്കാർ ഇയാളുടെ ഫോണിലേക്ക് തുടരെ വിളിച്ചെങ്കിലും ഇത് സ്വിച്ച് ഓഫായിരുന്നു. ഇയാൾ താമസിക്കുന്ന വാടക വീട്ടിലേക്ക് പോയി അന്വേഷിച്ചപ്പോൾ വീടും പൂട്ടിയിട്ട നിലയിൽ കണ്ടെത്തി. പിന്നീട് മുന്‍ പൂജാരി ശ്രീധര ഭട്ടിനെ എത്തിച്ച് അധികൃതർ പൂജ ആരംഭിച്ചു.
എന്നാൽ ക്ഷേത്ര കോവിൽ തുറന്ന് കയറിയ ശ്രീധര ഭട്ട് വിഗ്രഹത്തിലെ പുതിയ ആഭരണങ്ങൾ കണ്ട് ക്ഷേത്ര ഭാരവാഹികളെ അറിയിച്ചപ്പോഴാണ് കളവ് പുറത്തായത്. തുടർന്ന് നടത്തിയ പരിശോധനയിൽ ആഭരണങ്ങൾ മുക്കുപണ്ടങ്ങളാണെന്ന് കണ്ടെത്തുകയായിരുന്നു. ദീപക്കിനായുള്ള അന്വേഷണം പോലീസ് ഊർജിതമാക്കി.
