കൂടുതല് കൊറോണ രോഗികള് എറണാകുളത്ത്; ഹോട്ട് സ്പോട്ടുകള് 458 ആയി, വീണ്ടും ആശങ്ക
തിരുവനന്തപുരം: കേരളത്തില് കൊറോണ രോഗം വീണ്ടും വ്യാപിക്കുമെന്ന് ആശങ്ക. ആരോഗ്യ മന്ത്രിയുടെ ജാഗ്രതാ നിര്ദേശത്തിന് പിന്നാലെ പുറത്തുവന്ന ഇന്നത്തെ കണക്കുകളും ഈ സംശയം ബലപ്പെടുത്തുന്നു. 6000ത്തിലധികം പേര്ക്കാണ് ഇന്ന് രോഗം ബാധിച്ചത്. സംസ്ഥാനത്ത് നാല് പ്രദേശങ്ങള് ഹോട്ട് സ്പോട്ടുകളായി പ്രഖ്യാപിച്ചു. കൊല്ലം ജില്ലയിലെ ശൂരനാട് നോര്ത്ത് (കണ്ടെന്മെന്റ് സോണ് വാര്ഡ് 18), കോട്ടയം ജില്ലയിലെ വെളിയന്നൂര് (4), കോട്ടയം ജില്ലയിലെ കല്ലറ (9), കൊഴുവനല് (1) എന്നിവയാണ് പുതിയ ഹോട്ട് സ്പോട്ടുകള്. ഇന്ന് 4 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ ആകെ 458 ഹോട്ട് സ്പോട്ടുകളാണുള്ളത്.
കേരളത്തില് ഇന്ന് 6293 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 826, കോഴിക്കോട് 777, മലപ്പുറം 657, തൃശൂര് 656, കോട്ടയം 578, ആലപ്പുഴ 465, കൊല്ലം 409, പാലക്കാട് 390, പത്തനംതിട്ട 375, തിരുവനന്തപുരം 363, കണ്ണൂര് 268, വയനാട് 239, ഇടുക്കി 171, കാസര്ഗോഡ് 119 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 59,995 സാമ്പിളുകളാണ് പരിശോധിച്ചത്. 29 പേര് മരിച്ചു. ഇതോടെ ആകെ മരണം 2786 ആയി.
ഇന്ന് രോഗം സ്ഥിരീകരിച്ചവരില് 73 പേര് സംസ്ഥാനത്തിന് പുറത്ത് നിന്നും വന്നവരാണ്. 5578 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 593 പേരുടെ സമ്പര്ക്ക ഉറവിടം വ്യക്തമല്ല. 49 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. എറണാകുളം 9, കണ്ണൂര് 8, തൃശൂര് 7, കോഴിക്കോട് 5, തിരുവനന്തപുരം 4, കൊല്ലം, പത്തനംതിട്ട, കാസര്ഗോഡ് 3 വീതം, പാലക്കാട്, വയനാട് 2 വീതം, ആലപ്പുഴ, കോട്ടയം, മലപ്പുറം 1 വീതം എന്നിങ്ങനെ ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 4749 പേരുടെ പരിശോധനാഫലം നെഗറ്റീവ് ആയി. 60,396 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 6,36,814 പേര് ഇതുവരെ കോവിഡില് നിന്നും മുക്തി നേടി.സംസ്ഥാനത്തെ വിവിധ ജില്ലകളിലായി 2,89,910 പേരാണ് ഇപ്പോള് നിരീക്ഷണത്തിലുള്ളത്. 1474 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google