കൊവിഡ് നിയന്ത്രണത്തിന് 40,000 പൊലീസ്, 3,000 പൊലീസ് മൊബൈല് പട്രോള് സംഘങ്ങളും
തിരുവനന്തപുരം: നിയന്ത്രണങ്ങള് നടപ്പാക്കുന്നതിന് സംസ്ഥാനത്തെമ്പാടുമായി 40,000 പൊലീസുകാരെയാണ് ഇപ്പോള് നിയോഗിച്ചിട്ടുള്ളത് എന്ന് മുഖ്യമന്ത്രി പിണറായി വിജയൻ. കഴിഞ്ഞ ദിവസം അറിയിച്ചിരുന്നതുപോലെ പരിശീലനത്തിലുള്ള 3,000ത്തോളം പൊലീസുകാര് ഇപ്പോള് വിവിധ പൊലീസ് സ്റ്റേഷനുകളില് വളന്റിയര്മാരായി ജോലിയില് പ്രവേശിച്ചിട്ടുണ്ട്. ഹോം ക്വാറന്റൈനില് കഴിയുന്നവര് വീടിനു പുറത്തിറങ്ങുന്നില്ലെന്ന് ഉറപ്പാക്കുന്ന ചുമതല പൊലീസ് നിര്വഹിക്കുന്നുണ്ട്.
ഇതിനായി സംസ്ഥാനത്തൊട്ടാകെ 3,000 പൊലീസ് മൊബൈല് പട്രോള് സംഘങ്ങളെയാണ് വിന്യസിച്ചത്. ഇതുവരെ 1,78,808 വീടുകള് പൊലീസ് സംഘം നേരിട്ട് സന്ദര്ശിച്ച് കോവിഡ് ബാധിതരും പ്രൈമറി കോണ്ടാക്ട് ആയവരും വീടുകളില് തന്നെ കഴിയുന്നുണ്ടോയെന്ന് പരിശോധിച്ചിട്ടുണ്ട്.
കഴിഞ്ഞ 24 മണിക്കൂറിനുളളില് സംസ്ഥാനത്ത് മാസ്ക് ധരിക്കാത്ത 8,264 പേര്ക്കെതിരെ കേസ് രജിസ്റ്റര് ചെയ്തു. സാമൂഹിക അകലം പാലിക്കാത്തതിന് 4,467 പേര്ക്കെതിരെയും നിയമനടപടി സ്വീകരിച്ചു. പിഴയായി 28,99,950 രൂപയാണ് ഇക്കഴിഞ്ഞ ദിവസം ഈടാക്കിയത്.
ക്വാറന്റൈന് ലംഘിച്ച് പുറത്തിറങ്ങുന്നവരെ കണ്ടെത്താനായി മൊബൈല് ആപ്പ് സംവിധാനവും ഉപയോഗിക്കുന്നു. കോവിഡ് വ്യാപനത്തിന്റെ രണ്ടാംഘട്ടത്തില് ഹോം ക്വാറന്റൈന് ലംഘിച്ചതിന് 597 കേസുകളാണ് സംസ്ഥാനത്ത് രജിസ്റ്റര് ചെയ്തത്.
ലോക്ക്ഡൗണും ട്രിപ്പിള് ലോക്ക്ഡൗണും ഏര്പ്പെടുത്തിയതോടെ കോവിഡ് രോഗവ്യാപനത്തില് കുറവുണ്ടായതായാണ് കണക്കുകള് സൂചിപ്പിക്കുന്നത്.
Recommended Video
ട്രിപ്പിള് ലോക്ക്ഡൗണ് നടപ്പാക്കിയ നാല് ജില്ലകളില് ടിപിആര് റേറ്റ് കുറഞ്ഞുവരുന്നുണ്ട്. മൊത്തം രോഗികളുടെ എണ്ണത്തില് കുറവ് സംഭവിക്കുന്നുണ്ടെങ്കിലും പുതുതായി രോഗം ബാധിച്ചവരുടെ എണ്ണത്തില് കാര്യമായി കുറവുണ്ടെങ്കില് മാത്രമേ ലോക്ക്ഡൗണില് ഇളവ് എന്ന കാര്യത്തില് ആലോചിക്കാന് കഴിയൂ എന്നും മുഖ്യമന്ത്രി പറഞ്ഞു.
Click it and Unblock the Notifications
Sign in with Google