Click it and Unblock the Notifications
Just In
Don't Miss
-
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മന്ത്രി ശശീന്ദ്രനെതിരെ നടപടി പ്രതീക്ഷിച്ചു; മുഖ്യമന്ത്രിയുടെ നിലപാട് വേദനിപ്പിച്ചെന്ന് കുണ്ടറയിലെ പരാതിക്കാരി
തിരുവനന്തപുരം: മുഖ്യമന്ത്രി പിണറായി വിജയന്റെ നിലപാട് വേദനിപ്പിച്ചെന്ന് കുണ്ടറ പീഡനക്കേസിലെ പരാതിക്കാരി. കേസ് ഒതുക്കിത്തീര്‍ക്കാന്‍ ഇടപെട്ട മന്ത്രി എ കെ ശശീന്ദ്രനെതിരെ നടപടി ഉണ്ടാകുമെന്ന് പ്രതീക്ഷിച്ചിരുന്നു. എന്നാല്‍ മുഖ്യമന്ത്രി മന്ത്രിക്കൊപ്പമാണ് നിലകൊണ്ടത്. മുഖ്യമന്ത്രി ഇതിലൂടെ നല്‍കുന്ന സന്ദേശമെന്താണെന്നും പരാതിക്കാരി ചോദിച്ചു. മന്ത്രിക്കെതിരെ നിയമനടപടി ആലോചിക്കുന്നുണ്ടെന്നും പരാതിക്കാരി വ്യക്തമാക്കി.
വിവാദം ഉയര്‍ന്ന പശ്ചാത്തലത്തില്‍ എകെ ശശീന്ദ്രന്‍ മുഖ്യമന്ത്രിയെ കാണാന്‍ ഇന്ന് ക്ലിഫ് ഹൗസിലെത്തി വിശദീകരണം നല്‍കിയിരുന്നു. എന്നാല്‍ മുഖ്യമന്ത്രി രാജി ആവശ്യപ്പെട്ടില്ലെന്നാണ് സൂചന. പാര്‍ട്ടിയിലെ പ്രശ്നം പരിഹരിക്കാന്‍ വേണ്ടിയാണ് ഇടപെട്ടതെന്നായിരുന്നു ശശീന്ദ്രന്‍ നല്‍കിയ വിശദീകരണം. ഇത് കണക്കിലെടുത്താണ് മുഖ്യമന്ത്രി രാജി ആവശ്യപ്പെടാത്തത് എന്നാണ് സൂചന. അതേസമയം, 2017ലെ ഫോണ്‍വിളി വിവാദത്തില്‍ ശശീന്ദ്രനോട് രാജിവയ്ക്കാന്‍ ആവശ്യപ്പെട്ടത് മുഖ്യമന്ത്രിയായിരുന്നു.
എല്ലാ കാര്യങ്ങളും മുഖ്യമന്ത്രിയോട് പറഞ്ഞിട്ടുണ്ടെന്നും അത് ബോധ്യപ്പെട്ടോ എന്ന് വ്യക്തമാക്കേണ്ടത് മുഖ്യമന്ത്രിയാണെന്നും ശശീന്ദ്രന്‍ മാധ്യമങ്ങളോട് രാവിലെ പറഞ്ഞിരുന്നു. രണ്ട് പാര്‍ട്ടിയുടെ നേതാക്കള്‍ തമ്മിലുള്ള വിഷയമായത് കൊണ്ട് മാത്രമാണ് ഇടപെട്ടതെന്നുമാണ് മുഖ്യമന്ത്രിയെ അദ്ദേഹം അറിയിച്ചത്.
അതേസമയം, എ കെ ശശീന്ദ്രന്റെ നടപടിയെ ന്യായീകരിച്ച് എന്‍സിപി സംസ്ഥാന അധ്യക്ഷന്‍ പിസി ചാക്കോ രംഗത്തെത്തിയിരുന്നു പെണ്‍കുട്ടിയുടെ അച്ഛനെ മന്ത്രി ഫോണ്‍ ചെയ്തത് പാര്‍ട്ടിയിലെ പ്രശ്നം പരിഹരിക്കാനാണെന്ന് പി സി ചാക്കോ പറഞ്ഞത്. പാര്‍ട്ടി നേതാക്കള്‍ ആവശ്യപ്പെട്ടത് കൊണ്ടാണ് മന്ത്രി ഈ പ്രശ്നത്തില്‍ ഇടപെട്ടതെന്നും ശശീന്ദ്രന്‍ ഇടപെട്ടാല്‍ പ്രശ്നം തീരുമെന്നായിരുന്നു നേതാക്കള്‍ പറഞ്ഞതെന്നും ചാക്കോ വ്യക്തമാക്കി.
Recommended Video
മകളെ പീഡിപ്പിക്കാന്‍ ശ്രമിച്ച കേസ് ഒതുക്കിത്തീര്‍ക്കാന്‍ ഇടപെടല്‍ നടത്തിയ മന്ത്രി എകെ ശശീന്ദ്രനെതിരെ നടപടി സ്വീകരിക്കണമെന്ന ആവശ്യത്തില്‍ ഉറച്ച് നില്‍ക്കുകയാണ് പെണ്‍കുട്ടിയുടെ അച്ഛന്. കേസില്‍ ഒത്തുതീര്‍പ്പിനില്ലെന്നും ഒത്തുതീര്‍ക്കാന്‍ ഇത് പാര്‍ട്ടി വിഷയമല്ലെന്നും യുവതിയുടെ പിതാവ് അറിയിച്ചിരുന്നു.
സാരിയില്‍ ഗ്ലാമറസ് ലുക്കുമായി ബ്ലെസി കുര്യന്‍; വൈറല്‍ ഫോട്ടോഷൂട്ട് കാണാം
