സാഹസിക മാസം രണ്ടാം ഞായര്; ചരിത്രസ്മാരകങ്ങളെ കോര്ത്തിണക്കി തലശ്ശേരി പൈതൃക മാരത്തോണ് ശ്രദ്ധേയമായി
തലശ്ശേരി: സമൂഹത്തില് കായിക സംസ്ക്കാരം വളര്ത്തിയെടുക്കുകയെന്ന ലക്ഷ്യത്തോടെ ജില്ലാ ഭരണകൂടം നടപ്പിലാക്കുന്ന സാഹസിക മാസം പദ്ധതിയിലെ രണ്ടാമത്തെ ഞായറാഴ്ച തലശ്ശേരിയില് നടന്ന ഹെറിറ്റേജ് മാരത്തോണില് വനിതകള് ഉള്പ്പെടെ 400ലേറെ പേര് പങ്കെടുത്തു.
ചരിത്രസ്മാരകങ്ങളിലൂടെ കൂട്ടയോട്ടം
തലശ്ശേരിയിലെ വിവിധ പൈതൃക സ്മാരകങ്ങളെ കോര്ത്തിണക്കിയായിരുന്നു പൈതൃക മാരത്തോണ് സംഘടിപ്പിച്ചത്. തലശ്ശേരി മുനിസിപ്പല് സ്റ്റേഡിയത്തില് നിന്നാരംഭിച്ച് തലശ്ശേരി കോട്ട, കടല്പ്പാലം, ചാലില് പള്ളി, തിരുവങ്ങാട് ശ്രീരാമസ്വാമി ക്ഷേത്രം, ഓടത്തില് പള്ളി തുടങ്ങിയ പൈതൃകകേന്ദ്രങ്ങള് ചുറ്റി 10.5 കിലോമീറ്റര് ദൂരം പിന്നിട്ട് മാരത്തോണ് സ്റ്റേഡിയത്തില് തന്നെ സമാപിച്ചു.
ചരിത്രത്തോടൊപ്പം സെല്ഫി
തലശേരി കോട്ട, തിരുവങ്ങാട്, കടല്പ്പാലം എന്നിവിടങ്ങളില് സെല്ഫി പോയിന്റുകള് ഒരുക്കിയിരുന്നു. പുരുഷവിഭാഗത്തില് ഷൈജു സി.പി (33 മിനിറ്റ് 42 സെക്കന്റ്), ഷൈജു എ.വി (35 മിനിറ്റ് 10 സെക്കന്റ്), വിജേഷ് വി (35 മിനിറ്റ് 11 സെക്കന്റ്) എന്നിവരും വനിതകളില് സ്റ്റെല്ല മേരി (48 മിനിറ്റ് 24 സെക്കന്റ്), സായന (52 മിനിറ്റ് 14 സെക്കന്റ്), അനശ്വര (52 മിനിറ്റ് 33 സെക്കന്റ്) എന്നിവരും ആദ്യ മൂന്ന് സ്ഥാനങ്ങള് നേടി. ജില്ലാ ടൂറിസം പ്രമോഷന് കൗണ്സിലിന്റെ ആഭിമുഖ്യത്തില് സംഘടിപ്പിച്ച മാരത്തോണില് പത്തര കിലോമീറ്റര് പൂര്ത്തിയാക്കിയ മുഴുവന് പേര്ക്കും അവാര്ഡ് സമ്മാനിച്ചു.
മെയ് 20നും 27നും പരിപാടികള്
സാഹസിക മാസം പദ്ധതിയുടെ മൂന്നാമത്തെ ഞായറാഴ്ചയായ മെയ് 20ന് വളപട്ടണം പുഴയില് പറശ്ശിനി ക്രോസ് എന്ന പേരില് നീന്തല് മല്സരം, 27ന് കവ്വായി പുഴയില് കയാക്കിംഗ് എന്നീ പരിപാടികളും നടക്കും. ആദ്യ ഞായറാഴ്ച കണ്ണൂരില് നിന്ന് മുഴപ്പിലങ്ങാട് ബീച്ചിലേക്ക് സൈക്ലത്തോണും ബീച്ചില് സൈക്കിളോട്ട മല്സരവും സംഘടിപ്പിച്ചിരുന്നു.
മുണ്ടുടുത്തും കൂട്ടയോട്ടം
ജീവിത ശൈലീ രോഗങ്ങള് വര്ധിച്ചുവരുന്ന ഇക്കാലത്ത് ആരോഗ്യ സംരക്ഷണത്തില് കായിക വിനോദത്തിന്റെ പ്രധാന്യം ജനങ്ങളെ ബോധ്യപ്പെടുത്തുകയും പുതുതലമുറയിലുള്പ്പെടെ കായിക സംസ്ക്കാരം ശക്തിപ്പെടുത്തുകയും ചെയ്യുകയെന്ന ലക്ഷ്യത്തോടെയാണ് മെയ് മാസത്തിലെ നാല് ഞായറാഴ്ചകളില് വിവിധ കായിക പരിപാടികള് സംഘചിപ്പിച്ചിരിക്കുന്നത്. പാലയാട് യൂനിവേഴ്സിറ്റി കാംപസിലെ സ്കൂള് ഓഫ് മാനേജ്മെന്റ് സ്റ്റഡീസിലെ 15 വിദ്യാര്ഥികള് മുണ്ടുടുത്ത് മാരത്തോണ് വിജയകരമായി പൂര്ത്തിയാക്കിയത് പുതിയ അനുഭവമായി.
ജില്ലാകലക്ടറും ഓടിയെത്തി
മാരത്തോണില് ജില്ലാ കലക്ടര് മീര് മുഹമ്മദലി, സബ് കലക്ടര് എസ് ചന്ദ്രശേഖര്, അസിസ്റ്റന്റ് കലക്ടര് അര്ജുന പാണ്ഡ്യന് തുടങ്ങിയവരും 10.5 കിലോമീറ്റര് പൂര്ത്തിയാക്കി. മാരത്തോണിന് ശേഷം നടന്ന സമാപന സമ്മേളനത്തില് നഗരസഭാ ചെയര്മാന് സി.കെ രമേശന്, ഡി.ടി.പി.സി സെക്രട്ടറി ജിതീഷ് ജോസ്, ജോ.യിന്റ് ആര്.ടി.ഒ സുഭാഷ്, കേണല് അജയ് ശര്മ, നാരായണന് കുട്ടി മാസ്റ്റര്, ബെന്നി ജോണ് തുടങ്ങിയവര് സംസാരിച്ചു.
-
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ -
'കവലച്ചട്ടമ്പികൾക്ക്’ സഭയുടെ മറുപടി; ‘കലിപ്പ് തീരാതെ’ ഫാരിസ് അബൂബക്കറിന്റെ വാപ്പാക്ക് വിളിച്ച് പിസി ജോർജ് -
50 ഉറപ്പ്, 22 കൂടി നേടി തുടർ ഭരണമെന്ന് കണക്കുകൂട്ടൽ- സിറ്റിങ് സീറ്റുകൾ പോകുമെന്ന് പ്രാഥമിക വിലയിരുത്തലും -
എത്ര വില കൂടിയാലും ഇന്ത്യക്കാര് സ്വര്ണം വാങ്ങും? കാരണമെന്താണെന്നറിയാമോ? -
വിജയ്ക്ക് വീണ്ടും തിരിച്ചടി; മുസ്ലിം മക്കള് കഴകം പിന്തുണ പിന്വലിച്ചു, ആരും വോട്ട് ചെയ്യരുത് എന്ന് ആവശ്യം -
യുഎഇ നിവാസികൾ ജാഗ്രത പാലിക്കണം; അബുദാബിയിലും ദുബായിലും കനത്ത മഴയ്ക്ക് സാധ്യത, യെല്ലോ അലർട്ട് -
യുദ്ധം വീണ്ടും തുടങ്ങുമോ? പാകിസ്ഥാനിലെ ചര്ച്ചകള് പരാജയമെന്ന് വാന്സ്
Click it and Unblock the Notifications
Sign in with Google