കൊവിഡ് വാക്സിനെടുക്കാൻ വിമുഖത, 9 ലക്ഷം പേര് വാക്സിന് എടുക്കാന് തയ്യാറായില്ലെന്ന് മുഖ്യമന്ത്രി
തിരുവനന്തപുരം: സംസ്ഥാനത്ത് കൊവിഡ് വ്യാപനം ശക്തമായിക്കൊണ്ടിരിക്കുമ്പോഴും ഒരു കൂട്ടം ആളുകൾ വാക്സിനെടുക്കാൻ തയ്യാറാകുന്നില്ലെന്ന് മുഖ്യമന്ത്രി പിണറായി വിജയൻ. 60 വയസ്സിനു മുകളിലുള്ളവരും അനുബന്ധരോഗമുള്ളവരും ഉള്പ്പെടെ ഏകദേശം 9 ലക്ഷം പേര് വാക്സിന് എടുക്കാന് തയ്യാറായില്ലെന്നാണ് വിവരമെന്ന് മുഖ്യമന്ത്രി വാർത്താ സമ്മേളനത്തിൽ പറഞ്ഞു. അവര്ക്കിടയില് വാക്സിന് എടുക്കാന് ആവശ്യമായ സന്നദ്ധതയുണ്ടാക്കാനും എത്രയും പെട്ടെന്ന് വാക്സിന് നല്കി സുരക്ഷിതരാക്കാനുമുള്ള നടപടികൾ കൈക്കൊണ്ടു വരികയാണ്. എന്നിട്ടും പലരും വിമുഖത തുടരുന്നുണ്ട് എന്നത് ഗൗരവമായി പരിശോധിക്കുമെന്നും മുഖ്യമന്ത്രി പറഞ്ഞു.
വാക്സിന്റെ പാര്ശ്വഫലങ്ങളെക്കുറിച്ചോര്ത്തും ആശങ്കകളുള്ള കുറച്ചാളുകള് ഇപ്പോഴുമുണ്ട്. പ്രായമുള്ളവരും അനുബന്ധരോഗമുള്ളവരും വാക്സിന് എടുത്താല് അപകടമുണ്ടാകുമോ എന്ന ഭയം പലരിലുമുണ്ട്. അശാസ്ത്രീയവും വാസ്തവവിരുദ്ധവുമായ വാക്സിന് വിരുദ്ധ പ്രചരണങ്ങള് ആശങ്കകള്ക്ക് ആക്കം കൂട്ടുകയും ചെയ്യുന്നു. യഥാര്ഥത്തില് വാക്സിന് എടുത്താല് ചെറുപ്പക്കാരില് കാണുന്നതിനേക്കാള് കുറഞ്ഞ പാര്ശ്വഫലങ്ങളാണ് പ്രായമായവരില് കാണുന്നത്. അതോടൊപ്പം ചെറുപ്പക്കാരില് ഉണ്ടാകുന്നതിനേക്കാള് മികച്ച രോഗപ്രതിരോധം പ്രായമുള്ളവരില് വാക്സിന് എടുത്തതിനു ശേഷം ഉണ്ടാവുകയും ചെയ്യുന്നു.
കേരളമാണ് ദേശീയതലത്തില് ഏറ്റവും മികച്ച രീതിയില് വാക്സിന് വിതരണം ചെയ്യുന്നത് എന്നും മുഖ്യമന്ത്രി വാർത്താ സമ്മേളനത്തിൽ ചൂണ്ടിക്കാട്ടി. സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്ത്ത് ആകെ 2,77,99,126 പേര്ക്കാണ് വാക്സിന് നല്കിയത്. അതില് 2,03,90,751 പേര്ക്ക് ഒന്നാം ഡോസ് വാക്സിനും 74,08,375 പേര്ക്ക് രണ്ടാം ഡോസ് വാക്സിനുമാണ് നല്കിയത്. 57.60 ശതമാനം പേര്ക്ക് ഒന്നാം ഡോസും 20.93 ശതമാനം പേര്ക്ക് രണ്ടാം ഡോസും നല്കി. 18 വയസിന് മുകളിലുള്ള ജനസംഖ്യയനുസരിച്ച് 71.05 ശതമാനം പേര്ക്ക് ഒന്നാം ഡോസും 25.81 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. ഇത് ദേശീയ ശരാശരിയേക്കാളും വളരെ കൂടുതലാണ്. ഇന്ത്യയിലെ വാക്സിനേഷന് ഒന്നാം ഡോസ് 37.09 ശതമാനവും (48,21,24,952) രണ്ടാം ഡോസ് 10.89 ശതമാനവുമാണ് (14,15,06,099)
സംസ്ഥാനത്ത് കൊവിഡ് ബാധിച്ച് മരണമടയുന്നവരില് ബഹുഭൂരിഭാഗവും വാക്സിന് എടുക്കാത്തവരാണ് എന്ന് മുഖ്യമന്ത്രി ചൂണ്ടിക്കാട്ടി. വാക്സിന് എടുത്തിട്ടും മരണമടഞ്ഞവരില് മിക്കവാറും എല്ലാവരും രണ്ടോ അതിലധികമോ അനുബന്ധ രോഗമുള്ളവരാണ്. അതില് നിന്നും രോഗത്തെ പ്രതിരോധിക്കാനുള്ള ഏറ്റവും മികച്ച മാര്ഗം വാക്സിന് സ്വീകരിക്കുന്നതാണെന്ന് മനസ്സിലാക്കാം. പ്രായാധിക്യമുള്ളവരും അനുബന്ധരോഗമുള്ളവരും എത്രയും പെട്ടെന്ന് വാക്സിന് സ്വീകരിക്കാന് തയ്യാറാകണം. അക്കാര്യത്തില് അവരെ പ്രേരിപ്പിക്കാന് ബന്ധുക്കളും സുഹൃത്തുക്കളും തയ്യാറാകണം. വാക്സിന് എടുക്കാത്തവരുടെ പട്ടിക തയാറാക്കും. ബന്ധുക്കളും സുഹൃത്തുക്കളും മുഖേന ഇവരില് സമ്മര്ദം ചെലുത്താനുള്ള നടപടികളും ഉണ്ടാകും. ആ വിഭാഗത്തില് പെട്ട എല്ലാവര്ക്കും വാക്സിന് നല്കാന് സാധിച്ചാല് മരണങ്ങളുടെ എണ്ണം കുറയ്ക്കാം എന്നും മുഖ്യമന്ത്രി പറഞ്ഞു.
Recommended Video
സംസ്ഥാനത്തെ 2 കോടിയിലധികം ജനങ്ങള്ക്ക് (2,77,99,126) ആദ്യ ഡോസ് വാക്സിന് നല്കാനായി. കോവിഡിനെതിരായി വലിയ പോരാട്ടം നടത്തുമ്പോള് പരമാവധി പേര്ക്ക് ഒരു ഡോസെങ്കിലും വാക്സിന് നല്കി സുരക്ഷിതമാക്കാനാണ് സര്ക്കാര് ശ്രമിക്കുന്നത്. സെപ്റ്റംബര് മാസത്തില് തന്നെ 18 വയസിന് മുകളില് പ്രായമുള്ള എല്ലാവര്ക്കും ആദ്യ ഡോസ് നല്കാന് സാധിക്കുമെന്നാണ് സർക്കാർ പ്രതീക്ഷിക്കുന്നതെന്നും മുഖ്യമന്ത്രി പറഞ്ഞു. സംസ്ഥാനത്ത് ആഗസ്റ്റ് 9 മുതലാരംഭിച്ച വാക്സിനേഷന് യജ്ഞം വന് വിജയമാണ്. ഇന്നലെവരെ അരക്കോടിയിലധികം പേര്ക്ക് (54,11,773) വാക്സിന് നല്കാന് വാക്സിനേഷന് യജ്ഞത്തിലൂടെ സാധിച്ചു. രണ്ട് തവണ 5 ലക്ഷത്തിലധികം പേര്ക്കും മൂന്ന് തവണ 4 ലക്ഷത്തിലധികം പേര്ക്കും യജ്ഞത്തിന്റെ ഭാഗമായി പ്രതിദിനം വാക്സിന് നല്കാനായി. ഓണാവധി പോലും കാര്യമാക്കാതെ ആരോഗ്യപ്രവര്ത്തകര് നടത്തിയ സ്തുത്യര്ഹമായ പ്രവര്ത്തനത്തിന്റെ ഫലമാണിതെന്നും മുഖ്യമന്ത്രി ചൂണ്ടിക്കാട്ടി.
Click it and Unblock the Notifications
Sign in with Google