മോദി സർക്കാരിന്റെ അടയാളമായി ബുൾഡോസർ മാറി; രൂക്ഷ വിമർശനവുമായി ബൃന്ദ കാരാട്ട്
പത്തനംതിട്ട: രാജ്യത്ത് ന്യൂനപക്ഷങ്ങള്ക്ക് നേരെ നടക്കുന്ന അക്രമങ്ങളില് കേന്ദ്ര സർക്കാറിനെതിരെ രൂക്ഷ വിമർശനവുമായി സി പി എം പി ബി അംഗം ബൃന്ദ കാരാട്ട്.
മോദി സർക്കാരിന്റെ അടയാളമായി ബുൾഡോസർ മാറിയെന്ന് അവർ വിമർശിച്ചു. പത്തനംതിട്ടയിൽ ഡിവൈഎഫ്ഐ സംസ്ഥാന സമ്മേളനം സമാപന സമ്മേളനം ഉദ്ഘാടനം ചെയ്യുകയായിരുന്നു ബൃന്ദ. ഭരണഘടന, മൗലീകാവകാശങ്ങൾ, വ്യക്തിസ്വാതന്ത്ര്യം എന്നിവ ബുൾഡോസർകൊണ്ട് തകർക്കുകയാണ് ബി ജെ പി സർക്കാർ. ന്യൂനപക്ഷങ്ങളോടുള്ള ബി ജെ പി സർക്കാരിന്റെ സമീപനമാണ് തലസ്ഥാനത്ത് കഴിഞ്ഞ ദിവസം കണ്ടതെന്നും സി പി എം നേതാവ് ആരോപിച്ചു.
സാധാരണ ജനങ്ങളുടെ കെട്ടിടങ്ങളാണ് ബുൾഡോസൾ ഉപയോഗിച്ച് തകർക്കുന്നത്. അംബാനിയുടെയോ അദാനിയുടെയോ അല്ല. മത ആഘോഷങ്ങൾ സമത്വവും സമാധാനവും ഉൾപ്പെടെയുള്ള സന്ദേശമാണ് ഉയർത്തേണ്ടത്. എന്നാൽ രാമനവമി ആഘോഷങ്ങളുടെ മറവിൽ എട്ട് സംസ്ഥാനങ്ങളിൽ മുസ്ലിം ജനവിഭാഗങ്ങളെ ആക്രമിക്കുകയാണ് സംഘ്പരിവാർ ആൾക്കൂട്ടം ചെയ്തത്. സ്ത്രീകളും വിധവകളും ഉൾപ്പെടെയുള്ളവർ രാവും പകലും അധ്വാനിച്ച് ഉണ്ടാക്കിയ വീടുകൾ ആണ് ജഹാംഗീർപുരിയിൽ തകർത്തത്.
സ്വാതന്ത്ര്യം ലഭിച്ച് 75 വർഷങ്ങൾ പിന്നിട്ട രാജ്യത്താണ് ഇതെല്ലാം നടക്കുന്നത്.
മനുവാദ, ഹിന്ദുത്വ ആശയങ്ങളാണ് ബി ജെ പി നടപ്പാക്കുന്നത്. കേരളത്തിൽ ബിജെപി ക്രിസ്ത്യൻ വിഭാഗങ്ങളുടെ നേതൃത്വത്തെ കാണുകയും പിന്തുണ നൽകുകയും ചെയ്യുന്നുണ്ട്. ഇതര സംസ്ഥാനങ്ങളിൽ ക്രിസ്ത്യൻ സമൂഹം ആക്രമിക്കപ്പെടുകയാണ്. മധ്യപ്രദേശിലും കർണാടകയിലും ബി ജെ പി മതപരിവർത്തന നിരോധന നിയമം കൊണ്ടുവരുന്നു. കോൺഗ്രസും ഇതിനെല്ലാം അനുവാദം നൽകുകയാണ്.
മെയ്ക്ക് ഇൻ ഇന്ത്യയല്ല, സെൽ ഇന്ത്യയാണ് മോദി രാജ്യത്ത് നടപ്പാക്കുന്നത്. പൊതുമേഖലാസ്ഥാപനങ്ങളെ സ്വകാര്യമേഖലയ്ക്ക് വിറ്റുതുലക്കുകയാണ്. നിർമാണമല്ല, വിൽപ്പനയാണ് ഇന്ത്യയിൽ നടക്കുന്നത്. റെയിൽവേ, എയർ ഇന്ത്യ എന്നിവ ഉദാഹരണങ്ങളാണ്. ഡി വൈ എഫ് ഐ പോലുള്ള സംഘടനകൾ മാത്രമാണ് ഇതിനെതിരായി പ്രതികരിക്കുന്നത്. അംബാനിയും അദാനിയും ഈ രംഗത്തേക്ക് കടന്നുവന്നാൽ ബി ജെ പിക്കും കോൺഗ്രസിനും യാതൊരു ബുദ്ധിമുട്ടും ഉണ്ടാകില്ല.
10000 രൂപപോലും മാസവരുമാനം ഇല്ലാത്ത കുടുംബങ്ങളാണ് രാജ്യത്ത് അധികവും. അവിടെയാണ് ദിവസം പതിനായിരം കോടി ഈ കോർപ്പറേറ്റുകൾ ലാഭമുണ്ടാക്കുന്നത്. പുരോഗമന കേരളത്തെ മുന്നോട്ട് കൊണ്ടുപോകുന്നതിന് ആർഎസ്എസ് അടക്കമുള്ള സംഘടനകളുടെ ആക്രമണങ്ങളെ ശക്തമായി നേരിട്ടുകൊണ്ടാണ് ഡി വൈ എഫ് ഐ പ്രവർത്തിക്കുന്നത്. മഹാമാരിയുടെ കാലത്ത് മോദി ഉയർത്തിവിട്ട ജനവിരുദ്ധ സാഹചര്യങ്ങളെ നേരിടുന്നതിന് ഇടതുപക്ഷ സർക്കാരാണ് വ്യത്യസ്തമായ നയപരിപാടിയുമായി നിലയുറപ്പിച്ചത്. ഇത്തരം ബദൽ നയങ്ങൾ നടപ്പാക്കുന്നതിനാൽ കേന്ദ്രം കേരളത്തെ ആക്രമിക്കുകയാണെന്നും ബൃന്ദ കാരാട്ട് കൂട്ടിച്ചേർത്തു.
-
പിണറായി ലക്ഷണമൊത്ത ആർഎസ്എസ് ഏജന്റെന്ന് വിഡി സതീശൻ, 'ആർഎസ്എസ് പിന്തുണയിൽ എംഎൽഎയായി' -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന്
Click it and Unblock the Notifications
Sign in with Google