വീണ്ടും കോളറ പിടിമുറുക്കുന്നു, നിലമ്പൂരില് രണ്ടു പേര്ക്കുകൂടി, ഒരു ഭക്ഷണശാല അടപ്പിച്ചു, ലോഡ്ജക്കം ആറു സ്ഥാപനങ്ങള്ക്ക് നോട്ടീസ്
മലപ്പുറം: നിലമ്പൂര് നഗരസഭ പരിധിയില് രണ്ടുപേര്ക്കുകൂടി കോളറ ബാധിച്ചതായി സംശയം. ആരോഗ്യവകുപ്പ് അധികൃതര് ഇന്നലെ ഒരു ഭക്ഷണശാല അടപ്പിക്കുകയും അഞ്ച് സ്ഥാപനങ്ങള്ക്ക് നോട്ടീസ് നല്കുകയും ചെയ്തു. ഇതര സംസ്ഥാന തൊഴിലാളികളുടെ ലോഡ്ജും അടപ്പിക്കാന് നോട്ടീസ് നല്കി.
കോളറ സ്ഥിരീകരിച്ച 65കാരനും രോഗം സംശയിക്കുന്ന മമ്പാട് സ്വദേശിയും കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലുണ്ട്. നഗരത്തില് വ്യാപാരിയായ പട്ടാമ്പി സ്വദേശി മുപ്പതുകാരനും നാല്പ്പതു വയസുള്ള വീട്ടിച്ചാല് സ്വദേശിക്കുമാണ് പുതിയതായി രോഗലക്ഷണങ്ങള് പ്രകടമായത്.
നിലമ്പൂര് ജില്ലാ ആശുപത്രിയില് പ്രഥമ ചികിത്സ നല്കിയശേഷം വ്യാപാരിയെ തൃശൂര് മെഡിക്കല് കോളജ് ആശുപത്രിയില് പ്രവേശിപ്പിച്ചു. വീട്ടിച്ചാല് സ്വദേശി സ്വകാര്യ ക്ലിനിക്കില് ചികിത്സ തേടി. അദ്ദേഹം ആരോഗ്യപ്രവര്ത്തകരുടെ നിരീക്ഷണത്തിലാണ്.
വ്യാപാരി പതിവായി ഭക്ഷണം കഴിക്കുന്ന ചെറുകിട ഹോട്ടലില് ചുങ്കത്തറ സാമൂഹികാരോഗ്യ കേന്ദ്രം മെഡിക്കല് ഓഫീസര് ഡോ അബ്ദുല് ജലീല് വല്ലാഞ്ചിറ, എച്ച്ഐ പി ശബരീശന് എന്നിവര് പരിശോധന നടത്തി. തുടര്ന്ന് അടച്ചിടാന് നിര്ദ്ദേശിച്ചു.
ആരോഗ്യവകുപ്പ് ഉദ്യോഗസ്ഥര് ഹോട്ടലുകള് പരിശോധന നടത്തുന്നു
. വെള്ളത്തിന്റെ സാമ്പിള് ശേഖരിച്ച് മഞ്ചേരി മെഡിക്കല് കോളജ് മൈക്രോ ബയോളജി വിഭാഗത്തില് പരിശോധനക്കയച്ചു. കോളറ ബാധയെതുടര്ന്ന് നഗരത്തില് പൂട്ടിയ ഭക്ഷണശാലകളുടെ എണ്ണം ഇതോടെ രണ്ടായി. കോഴിക്കോട് ചികിത്സയിലുള്ളവര് ഭക്ഷണം കഴിച്ച ഹോട്ടലാണ് നേരത്തെ പൂട്ടിച്ചത്. ഇന്നലെ രോഗലക്ഷണങ്ങള് കണ്ട വീട്ടിച്ചാല് സ്വദേശി നാലു ദിവസം മുമ്പ് അവിടെ നിന്ന് ഭക്ഷണം കഴിച്ചതായി പറയുന്നു. സമീപത്തെ കടകളിലെ ചിലര്ക്കും വയറിളക്കം ഉണ്ടായിട്ടുണ്ടെന്ന് ആരോഗ്യപ്രവര്ത്തകര് പറഞ്ഞു. എല്ലാവരും ഹോട്ടലില് നിന്ന് ഭക്ഷണം കഴിച്ചവരാണ്.
നഗരസഭ മത്സ്യ മാംസ മാര്ക്കറ്റിനോട് ചേര്ന്ന് ഇതരസംസ്ഥാന തൊഴിലാളികള് താമസിക്കുന്ന ലോഡ്ജ് അടച്ചിടാനാണ് നഗരസഭയും ആരോഗ്യവകുപ്പും നോട്ടീസ് നല്കി.വൃത്തിഹീനമായ അന്തരീക്ഷത്തിലാണ് പ്രവര്ത്തിക്കുന്നത്. 35 തൊഴിലാളികള് താമസിക്കുന്നുണ്ട്. അവരുടെ രേഖകള് സൂക്ഷിച്ചിട്ടില്ല. ശുചിമുറി മാലിന്യം ഉള്പ്പെടെ പൊതുഓടയിലേക്ക് ഒഴുക്കുന്നതായും കണ്ടെത്തിയിരുന്നു.
ഡെപ്യൂട്ടി ഡിഎംഒ ഡോ കെവി പ്രകാശ്, ജൂണിയര് അഡ്മിനിസ്ട്രേറ്റീവ് മെഡിക്കല് ഓഫീസര് ഡോ കെപി അഹമ്മദ് അഫ്സല് എന്നിവരുടെ നേതൃത്വത്തില് നഗരത്തിലെ ഹോട്ടലുകള്, ശീതള പാനീയകടകള്, മത്സ്യമാംസ മാര്ക്കറ്റ്, സ്വകാര്യ ആശുപത്രി എന്നിവിടങ്ങളില് പരിശോധന നടത്തി. സ്വകാര്യ ആശുപത്രിയില് നിന്ന് ഉള്പ്പെടെ കിണര് വെള്ളം സാമ്പിള് ശേഖരിച്ച് പരിശോധനക്കയച്ചു. ക്രമക്കേട് കണ്ടെത്തിയ സ്ഥാപനങ്ങള്ക്ക് നോട്ടീസ് നല്കി.
നഗരസഭ പ്രദേശത്ത് പരിശോധനയ്ക്കും നിയമനടപടിക്കും ചുങ്കത്തറ സിഎച്ച്സി മെഡിക്കല് ഓഫീസറെ അധികാരപ്പെടുത്തി ഡിഎംഒ ഉത്തരവിറക്കി. സിഎച്ച്സിക്ക് കീഴിലെ മുഴുവന് ആരോഗ്യപ്രവര്ത്തകരെയും നിലമ്പൂരിലേക്ക് നിയോഗിച്ച് പ്രവര്ത്തനങ്ങള് ഊര്ജ്ജിതമാക്കി. സ്ഥാപനങ്ങളിലും വീടുകളിലും പരിശോധന തുടരും.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google