Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
കടകംപള്ളി അമ്പലത്തിലെങ്കിൽ പിണറായി പോയത് ഉറൂസിന്! കടകംപള്ളിയെ വെറുതെ വിട്ടത് ചുമ്മാതല്ല...
വേങ്ങാട് ത്വരീഖത്ത് എന്നറിയപ്പെടുന്ന കണ്ണൂർ കൂത്തുപ്പറമ്പിനടുത്ത വേങ്ങാട് ഹുവൽ ഖദീർ സിൽസിലത്തുൽ ഖാദിരിയ്യ ത്വരീഖത്ത് ആസ്ഥാനത്തെ ഉറൂസെ ഉപ്പാവെയിലാണ് മുഖ്യമന്ത്രി പിണറായി വിജയൻ പങ്കെടുത്തത്.
കോഴിക്കോട്: മന്ത്രി കടകംപള്ളി സുരേന്ദ്രന്റെ ഗുരുവായൂർ ക്ഷേത്രദർശന വിവാദം നടപടിയൊന്നുമില്ലാതെ ഒതുക്കിയതിന് പിന്നാലെ സിപിഎമ്മിൽ മറ്റൊരു വിവാദവും. മുഖ്യമന്ത്രി പിണറായി വിജയൻ ഉറൂസ് ചടങ്ങിൽ പങ്കെടുത്തതാണ് സോഷ്യൽ മീഡിയയിലടക്കം ചർച്ചയായിരിക്കുന്നത്.
വേങ്ങാട് ത്വരീഖത്ത് എന്നറിയപ്പെടുന്ന കണ്ണൂർ കൂത്തുപ്പറമ്പിനടുത്ത വേങ്ങാട് ഹുവൽ ഖദീർ സിൽസിലത്തുൽ ഖാദിരിയ്യ ത്വരീഖത്ത് ആസ്ഥാനത്തെ ഉറൂസെ ഉപ്പാവെയിലാണ് മുഖ്യമന്ത്രി പിണറായി വിജയൻ പങ്കെടുത്തത്. ഉറൂസിന്റെ ഭാഗമായി സെപ്റ്റംബർ 11ന് നടന്ന മതസൗഹാർദ്ദ സമ്മേളനം ഉദ്ഘാടനം ചെയ്യാനാണ് മുഖ്യമന്ത്രി ത്വരീഖത്ത് ആസ്ഥാനത്തെത്തിയത്. വിവാദ പുരോഹിതന്മാർ, പൂജ, ഉറൂസ്, പോലെയുള്ള ചടങ്ങുകളിൽ നിന്ന് അകലം പാലിക്കണമെന്ന പാർട്ടി നയത്തിനെതിരാണ് മുഖ്യമന്ത്രിയുടെ സന്ദർശനമെന്നാണ് വിമർശനം. മുഖ്യമന്ത്രി ഉറൂസിൽ പങ്കെടുത്തതിനെതിരെ ജില്ലയിലെ പാർട്ടിക്കുള്ളിൽ അഭിപ്രായവ്യത്യാസമുണ്ടെന്നും റിപ്പോർട്ടുകളുണ്ട്.
ആൾദൈവത്തിന്റെ മറ്റൊരു പതിപ്പ്...
വേങ്ങാട് ത്വരീഖത്ത് എന്നറിയപ്പെടുന്ന കണ്ണൂർ കൂത്തുപ്പറമ്പിനടുത്ത വേങ്ങാട് ഹുവൽ ഖദീർ സിൽസിലത്തുൽ ഖാദിരിയ്യ ത്വരീഖത്തിലെ ഉറൂസെ ഉപ്പാവ ആൾദൈവ സങ്കൽപ്പത്തിന്റെ മറ്റൊരു പതിപ്പാണെന്ന് മാധ്യമമാണ് റിപ്പോർട്ട് ചെയ്തിരിക്കുന്നത്.
ദുരൂഹതകൾ...
സുന്നി മതവിഭാഗങ്ങളും, മുജാഹിദുകളും, ജമാഅത്തെ ഇസ്ലാമിയും ചില ത്വരീഖത്ത് സംഘടനകളും തള്ളിപ്പറഞ്ഞ വേങ്ങാട് ത്വരീഖത്തിന്റെ ചടങ്ങുകൾക്ക് മുഖ്യമന്ത്രി പിണറായി വിജയനെത്തിയതാണ് പുതിയ വിവാദങ്ങൾക്ക് തിരികൊളുത്തിയിരിക്കുന്നത്.
കേന്ദ്ര കഥാപാത്രം...
കിണറ്റിൽ ഇറങ്ങി ഇരിക്കൽ ഉൾപ്പെടെയുള്ള വിചിത്ര സ്വഭാവങ്ങളുടെ പേരിൽ അറിയപ്പെട്ട വ്യാജ സിദ്ധനാണ് ഉറൂസെ ഉപ്പാവയുടെ കേന്ദ്ര കഥാപാത്രമെന്നും മാധ്യമം നൽകിയ വാർത്തയിലുണ്ട്.
പ്രാദേശിക നേതൃത്വം...
വിവിധ മുസ്ലീം മതവിഭാഗങ്ങളും മഹല്ല് കമ്മിറ്റിയും എതിർക്കുന്ന ത്വരീഖത്ത് സ്ഥാപനത്തിന് പ്രാദേശിക സിപിഎം നേതൃത്വവുമായുള്ള അടുപ്പമാണ് മുഖ്യമന്ത്രിയുടെ സന്ദർശനത്തിന് വഴിവെച്ചതെന്നും മാധ്യമത്തിന്റെ റിപ്പോർട്ടിലുണ്ട്.
മുഖ്യമന്ത്രിയും എംപിയും...
ഉപ്പാവെ ഉറൂസുമായി ബന്ധപ്പെട്ട് സെപ്റ്റംബർ 11ന് സംഘടിപ്പിച്ച മതസൗഹാർദ്ദ സമ്മേളനം മുഖ്യമന്ത്രി പിണറായി വിജയനാണ് ഉദ്ഘാടനം ചെയ്തത്. സിപിഎമ്മിന്റെ കെകെ രാഗേഷ് എംപിയും ചടങ്ങിനെത്തിയിരുന്നു.
വിവാദം...
കടകംപള്ളിയുടെ ഗുരുവായൂർ ക്ഷേത്രദർശനവുമായി ബന്ധപ്പെട്ട വിവാദത്തിന് താത്ക്കാലിക വിരാമമായപ്പോളാണ് മുഖ്യമന്ത്രിയുടെ ഉറൂസ് സന്ദർശനവുമായി ബന്ധപ്പെട്ട വിവാദം ഉടലെടുത്തിരിക്കുന്നത്.
നടപടിയുണ്ടായില്ല...
ദേവസ്വം വകുപ്പ് മന്ത്രി കടകംപള്ളി സുരേന്ദ്രന്റെ ക്ഷേത്രദർശനം വിവാദമാക്കേണ്ടെന്നും, മന്ത്രിക്കെതിരെ നടപടികളൊന്നും സ്വീകരിക്കേണ്ടതില്ലെന്നുമാണ് കഴിഞ്ഞ ദിവസം സിപിഎം തീരുമാനമെടുത്തത്.
