ഇനി കുത്തിപ്പൊളിക്കലില്ല; സംസ്ഥാനത്ത് കെട്ടിട നിർമ്മാണത്തിന് കോമ്പോസിറ്റ് ടെൻഡർ നടപ്പാക്കുന്നു
തിരുവനന്തപുരം: സർക്കാർ കെട്ടിടങ്ങളുടെ നിർമ്മാണത്തിന് ഇനി മുതൽ കോമ്പോസിറ്റ് ടെൻഡർ നടപ്പാക്കുമെന്ന് പ്രഖ്യാപിച്ച് പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസ്. കെട്ടിടനിർമ്മാണത്തിനും ഇലക്ട്രിക്കൽ ജോലികൾക്കും വെവ്വേറെ ടെൻഡറുകൾ എന്ന രീതി ഒഴിവാക്കി ഒരുമിച്ച് കൊടുക്കുന്ന രീതിയാണ് പുതുതായി നടപ്പിലാക്കുന്നത്.
രണ്ട് ടെന്ഡർ ആയതിനാല് ഇലക്ട്രിക്കല് വർക്കിന് വേണ്ടി വീണ്ടും കുത്തിപ്പൊളിക്കേണ്ടി വരും. ഇതിനൊരു പരിഹാരമാണ് പുതിയ സംവിധാനത്തിലൂടെ നടപ്പിലൂടെ നടപ്പിലാവുന്നതെന്ന് മന്ത്രി ഫേസ്ബുക്ക് കുറിപ്പിലൂടെ വ്യക്തമാക്കുന്നു. അദ്ദേഹത്തിന്റെ കുറിപ്പിന്റെ പൂർണ്ണ രൂപം ഇങ്ങനെ..
ചിലത് പറഞ്ഞോട്ടെ ...
സ്വന്തം വീട് നിര്മ്മാണത്തില് കെട്ടിടം പണി പൂര്ത്തിയാക്കിയ ഉടന് നമ്മള് തന്നെ അത് കുത്തിപൊളിക്കുമോ? ഇലക്ട്രിക്കല് ജോലികള്ക്ക് വേണ്ടി നിര്മ്മിച്ച നിങ്ങളുടെ വീടോ കെട്ടിടമോ ഉടനെ കുത്തിപൊളിക്കുന്നതിനെ പറ്റി നിങ്ങള് ഒന്ന് സങ്കല്പിച്ച് നോക്കൂ!
എന്നാല് നമ്മുടെ സംസ്ഥാനത്ത് സര്ക്കാര് കെട്ടിടങ്ങളുടെ നിര്മ്മാണത്തില് കാലങ്ങളായി നടന്നുവരുന്ന വല്ലാത്തൊരു ഏര്പ്പാടാണ് ഇത്തരത്തിലുള്ള കുത്തിപൊളിക്കല്.
സിവിൽ&ഇലക്ട്രികൽ 2 വിത്യസ്ത ടെണ്ടർ വിളിക്കുന്നതാണ് വിചിത്രവും,വിനാശകരവുമായ ഈ പ്രശ്നത്തിന് കാരണം. ഇലക്ട്രിക്കല് ജോലികള്ക്കായി ഭംഗിയായി നിര്മ്മിച്ച കെട്ടിടം വീണ്ടും കുത്തി പൊളിക്കുക, വീണ്ടും അറ്റകുറ്റപണി നടത്തുക എന്നിവ നമ്മുടെ നാട്ടിൽ സർവ്വ സാധാരണമാണ്. നമ്മുടെ സംസ്ഥാനത്തും ആയിരക്കണക്കിന് സര്ക്കാര് കെട്ടിടങ്ങള് നിര്മ്മാണത്തിന് ശേഷം കുത്തിപൊളിച്ചിട്ടുണ്ട്.
സാരിയില് അനുശ്രി എത്തിയാലെന്റെ സാറേ... പിന്നെ ഒരു രക്ഷയുമില്ല; വൈറലായി ചിത്രങ്ങള്
"ഉണരുവിൻ
അഖിലേശനെ സ്മരിപ്പിൻ
ക്ഷണമേഴുന്നേൽപ്പിൻ
അനീതിയോടെതിർക്കിൻ"
വാഗ്ഭടാനന്ദഗുരുദേവന്റെ വാക്കുകൾ അന്വർത്ഥമാക്കും വിധം അനീതി കണ്ടാൽ
സടകുടഞ്ഞ് എഴുന്നേറ്റ് പ്രതികരിക്കുന്ന നമ്മുടെ നാട് പക്ഷേ ഈ വിഷയത്തിൽ വേണ്ടത്ര പ്രതികരിക്കാതെ പോയിട്ടുണ്ട്. വിഷയത്തിന്റെ ഗൗരവം വേണ്ടത്ര തിരിച്ചറിയാതെ പോയതാകാം കാരണം. 2016ലെ ldf സർക്കാർ ഈ പ്രശ്നത്തിനു പരിഹാരം കാണുവാൻ നിരന്തരം ഇടപെട്ടിരുന്നു. ചില കരാറുകാർ വിഷയം കോടതിക്ക് മുൻപാകെ എത്തിച്ചതു കൊണ്ട് പ്രശ്ന പരിഹാര ശ്രമം ഫലപ്രാപ്തിയിൽ എത്തിയില്ല.
ഇത് ബാംഗ്ലൂരിലെ അലസമായ ഒരു ശനിയാഴ്ച.. കൂട്ടിന് ആ വൈബും; പുത്തന് ചിത്രങ്ങളില് കിടുക്കി എസ്തർ അനില്
കെട്ടിടനിര്മ്മാണത്തിനും ഇലക്ട്രിക്കല് ജോലികള്ക്കും വെവ്വേറെ ടെന്ഡറുകള് എന്ന രീതിയാണ് നാളിതുവരെയായി സംസ്ഥാനത്ത് നടപ്പിലാക്കിരുന്നത്. അതായത് കെട്ടിടം നിര്മ്മിക്കാന് ഒരു കരാർ, ഇലക്ട്രിക്കല് ജോലികള് പൂര്ത്തിയാക്കാന് മറ്റൊരു കരാര്. ഇതുകാരണം നിര്മ്മാണത്തിന് ശേഷം കെട്ടിടം വീണ്ടും കുത്തിപൊളിക്കേണ്ടവരും എന്ന് മാത്രമല്ല കെട്ടിടത്തിന്റെ നിര്മ്മാണം പൂര്ത്തിയാവാന് വലിയ കാലതാമസവും ഉണ്ടാക്കും. ഇലക്ട്രിക്കല് ജോലികള് പൂര്ത്തിയാകാതെ കെട്ടിടങ്ങള് കാലങ്ങളായി വെറുതെ കിടക്കുന്ന അവസ്ഥയുമുണ്ട്. ഇതിന്റെ കണക്കെടുത്തപ്പോൾ എത്രയോ കെട്ടിടങ്ങൾ അങ്ങനെ വെറുതെ കിടക്കുന്നുണ്ട് എന്ന് മനസിലായി. ഇത് പരിഹരിക്കേണ്ട പ്രധാന പ്രശ്നമാണ്.
എന്താണ് കോമ്പോസിറ്റ്ടെൻഡർ
(Composite Tender) ?
വീട് നിര്മ്മിക്കുന്നത് പോലെ തന്നെ തലമുറകള്ക്കായി ദീര്ഘവീക്ഷണത്തോടെ ചെയ്യേണ്ട പ്രവര്ത്തിയാണലോ സര്ക്കാര് കെട്ടിടങ്ങളുടെ നിര്മ്മാണവും. കെട്ടിടനിര്മ്മാണത്തിനും ഇലക്ട്രിക്കല് ജോലികള്ക്കും വെവ്വേറെ ടെന്ഡറുകള് വിളിക്കുന്നത് കെട്ടിടനിര്മ്മാണം അനന്തമായി നീണ്ടുപോവാനും വഴിവെക്കും. ഇതിന് ഒരു പരിഹാരമായാണ് കോമ്പോസിറ്റ് ടെന്ഡര് (സംയുക്ത കരാര്) സംവിധാനം സംസ്ഥാനത്ത് നടപ്പിലാക്കുന്നത്. ഒരു കെട്ടിടനിര്മ്മാണത്തിന്റെ മുഴുവന് ജോലികളും ഒരു കരാറില് ഉള്പ്പെടുത്തി ഒരു കരാറുകാരനെ ഏല്പ്പിക്കുന്നതാണ് സംയുക്ത കരാര് സംവിധാനം. സംയുക്ത കരാര് സംവിധാനം നടപ്പിലാക്കുന്നതിലൂടെ ഇലക്ട്രിക്കല് ജോലികള് കെട്ടിടനിര്മ്മാണത്തിന്റെ ആദ്യഘട്ടത്തില് തന്നെ ആരംഭിക്കാനും അനാവശ്യ കുത്തിപൊളിക്കലും അനുബന്ധ അറ്റകുറ്റപണികളും ഒഴിവാക്കാന് സാധിക്കും. ഇത് ഗുണമേന്മ വര്ധിപ്പിക്കാനും നിര്മ്മാണ ചെലവ് കുറയ്ക്കാനും സഹായിക്കും.
വര്ഷങ്ങളായി സംയുക്ത കരാര് സംവിധാനം ഏര്പ്പെടുത്താന് ഇടതുപക്ഷ സര്ക്കാരുകള് ശ്രമിച്ചിരുന്നെങ്കിലും പദ്ധതി യാഥാര്ത്ഥ്യമാക്കാന് സാധിച്ചില്ല. പല കാരണങ്ങളും എതിര്പ്പുകളും കാരണം പഴയ രീതി തുടര്ന്നു. ബഹുമാനപ്പെട്ട കേരള ഹൈക്കോടതിയും സംയുക്ത കരാര് ശരിവെച്ചിട്ടുണ്ട്. ഇതിനായി പൊതുമരാമത്ത് ചട്ടങ്ങളില് മാറ്റം വരുത്തി. ഇനി പൊതുമരാമത്ത് കെട്ടിടനിര്മ്മാണത്തിനായി കോമ്പോസിറ്റ് ടെന്ഡറുകളാണ് ക്ഷണിക്കുക. നിലവിലെ സിവില്, ഇലക്ടിക്കല് കരാറുകാർക്ക് കോമ്പോസിറ്റ് കരാറുകരായി ഭാവിയിൽ രജിസ്ട്രര് ചെയ്യാന് സാധിക്കും.
നിലവില് കണ്ണൂര് ജില്ലയിലെ സി.എച്ച്.സി നിര്മ്മാണം, പിണറായിലെ സ്ക്കൂള് നിര്മ്മാണം എന്നിവ സംയുക്ത കരാറായാണ് ക്ഷണിച്ചിരിക്കുന്നത്. നിയമസഭാ മന്ദിരത്തിലെ അനുബന്ധ കെട്ടിടങ്ങളുടെ നിര്മ്മാണത്തിനും സംയുക്ത കരാറാണ് ആലോചികുന്നത്. ചില എതിർപ്പുകൾ ഇപ്പോഴും ഉയർന്നു വരുന്നുണ്ട്. പക്ഷേ അവയെ തട്ടി മാറ്റി മുന്നോട്ട് പോവാൻ തന്നെയാണ് തീരുമാനിച്ചിട്ടുള്ളത്. നമ്മുടെ നാട് നേരിട്ട് കൊണ്ടിരുന്ന ഒരു പ്രശ്നത്തിന് കോമ്പോസിറ്റ് ടെൻഡർ വഴി പരിഹാരം കാണാൻ ഇനി മുതൽ സാധ്യമാകും.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google