കേരള സ്റ്റോറിക്ക് 'എ' സര്ട്ടിഫിക്കറ്റ്; പ്രദര്ശനാനുമതി ലഭിച്ചു; ഈ രംഗങ്ങള് ഒഴിവാക്കാന് നിര്ദ്ദേശം
ദില്ലി: വിവാദ ചിത്രം കേരള സ്റ്റോറിക്ക് എ സര്ട്ടിഫിക്കറ്റോട് കൂടി പ്രദര്ശനാനുമതി ലഭിച്ചു. ചിത്രത്തിലെ പത്ത് രംഗങ്ങള് ഒഴിവാക്കാന് നിര്ദ്ദേശിച്ചിട്ടുണ്ട്. നിര്മ്മാതാവ് വിപുല് അമൃത്ലാല് ഷായാണ് ഇക്കാര്യം പുറത്തുവിട്ടത്. തീവ്രവാദികള്ക്കുള്ള ധനസഹായം പാകിസ്ഥാന് വഴി അമേരിക്കയും നല്കുന്നു. ഹിന്ദുക്കളുടെ അവരുടെ ആചാരങ്ങള് ചെയ്യാന് കമ്യൂണിസ്റ്റ് പാര്ട്ടി സമ്മതിക്കുന്നില്ല തുടങ്ങിയ സംഭാഷണങ്ങളാണ് നീക്കം ചെയ്യാന് നിര്ദ്ദേശിച്ചിട്ടുണ്ട്.
ഇന്ത്യന് കമ്മ്യൂണിസ്റ്റ് പാര്ട്ടിയില് നിന്ന് ഇന്ത്യന് നീക്കം ചെയ്യാനും പറയുന്നു. തീവ്രവാദത്തെ കുറിച്ച് പരാമര്ശിക്കുന്ന മുന് മുഖ്യമന്ത്രിയുടെ അഭിമുഖം ഒഴിവാക്കണമെന്നാണ് സെന്സര് ബോര്ഡ് നിര്ദ്ദേശിക്കുന്നത്. ഈ സിനിമയില് നിന്ന് നീക്കം ചെയ്യാന് ആവശ്യപ്പെട്ട ഏറ്റവും നീളമേറിയ ഭാഗമിതാണ്.
കേരളത്തില് നിന്ന് കാണാതായ സ്ത്രീകളെ മതപരിവര്ത്തനം നടത്തി രാജ്യത്തിനകത്തും പുറത്തും തീവ്രവാദ പ്രവർത്തനത്തിന് ഉപയോഗിക്കുന്നതാണ് ചിത്രത്തിന്റെ ഇതിവൃത്തം. ചിത്രത്തിനെതിരെ കേരളത്തില് നിന്നടക്കം വലിയ വിമര്ശനങ്ങളാണ് ഉയരുന്നത്. കേരളത്തെ മോശമാക്കി ചിത്രീകരിക്കാനുള്ള സംഘപരിവാറിന്റെ ഭാഗമാണീ ചിത്രമെന്നാണ് പൊതുവെ ഉയരുന്ന പ്രധാന വിമര്ശനം.
ചിത്രത്തിന് കേരളത്തില് പ്രദര്ശനാനുമതി നല്കരുതെന്ന അഭിപ്രായവും ഉയരുന്നുണ്ട്. മുഖ്യമന്ത്രിയുടെ പ്രതിപക്ഷ നേതാവ് അടക്കമുള്ളവര് ഇതിനെതിരെ രംഗത്തെത്തിയിരുന്നു. കേരളത്തിനെതിരെ വിദ്വേഷപ്രചാരണം നടത്തുന്നുവെന്ന് ആരോപിച്ച് സിനിമയ്ക്കെതിരെ ചെന്നൈയിലെ തമിഴ് മാധ്യമപ്രവര്ത്തകന് മുഖ്യമന്ത്രിക്കടക്കം പരാതി നല്കിയിരുന്നു.
കേരളത്തില് തെരഞ്ഞെടുപ്പ് രാഷ്ട്രീയത്തില് നേട്ടമുണ്ടാക്കാന് സംഘപരിവാര് നടത്തുന്ന വിവിധ ശ്രമങ്ങളുടെ പശ്ചാത്തലത്തില് വേണം പ്രൊപഗണ്ട സിനിമകളെയും അതിലെ മുസ്ലിം അപരവല്ക്കരണത്തേയും കാണാനെന്ന് മുഖ്യമന്ത്രി പിണറായി വിജയന് കഴിഞ്ഞ ദിവസം പറഞ്ഞിരുന്നു. അന്വേഷണ ഏജന്സികളും കോടതിയും കേന്ദ്ര ആഭ്യന്തര മന്ത്രാലയവും വരെ തള്ളിക്കളഞ്ഞ 'ലവ് ജിഹാദ്' ആരോപണങ്ങളെ പ്രമേയമാക്കിയത് ആസൂത്രിത നീക്കത്തിന്റെ ഭാഗമാണിതെന്നും അദ്ദേഹം കൂട്ടിച്ചേര്ത്തു.
ലവ് ജിഹാദ് എന്ന ഒന്നില്ല എന്നാണ് അന്നത്തെ കേന്ദ്ര ആഭ്യന്തര സഹമന്ത്രിയും ഇപ്പോഴും കേന്ദ്ര മന്ത്രിയുമായ ജി കിഷന് റെഡ്ഢി പാര്ലമെന്റില് മറുപടി നല്കിയത്. എന്നിട്ടും സിനിമയില് ഈ വ്യാജ ആരോപണത്തെ മുഖ്യകഥാപരിസരമാക്കി മാറ്റുന്നത് കേരളത്തെ ലോകത്തിന് മുന്നില് അവഹേളിച്ചു കാണിക്കാനുള്ള വ്യഗ്രത കൊണ്ടുമാത്രമാണ്.
കേരളത്തിലെ മത സൗഹാര്ദ്ദ അന്തരീക്ഷം തകര്ക്കാനും വര്ഗ്ഗീയതയുടെ വിഷവിത്തുകള് വിതയ്ക്കാനുമാണ് സംഘപരിവാര് ശ്രമിക്കുന്നത്.
മറ്റിടങ്ങളിലെ പരിവാര് രാഷ്ട്രീയം കേരളത്തില് ഫലിക്കുന്നില്ല എന്നുകണ്ടാണ് വ്യാജകഥകളിലൂന്നിയ സിനിമ വഴി വിഭജനരാഷ്ട്രീയം പയറ്റാന് ശ്രമിക്കുന്നത്. ഒരു വസ്തുതയുടെയും തെളിവിന്റെയും പിന്ബലത്തിലല്ല സംഘപരിവാര് ഇത്തരം കെട്ടുകഥകള് ചമയ്ക്കുന്നത്.
കേരളത്തിലെ 32,000 സ്ത്രീകളെ മതം മാറ്റി ഇസ്ലാമിക് സ്റ്റേറ്റില് അംഗങ്ങളാക്കിയെന്ന പച്ചക്കള്ളമാണ് സിനിമയുടെ ട്രെയിലറില് കാണാന് കഴിഞ്ഞത്. സംഘത്തിന്റെ നുണ ഫാക്ടറിയുടെ ഉല്പന്നമാണ് ഈ വ്യാജ കഥ. നാട്ടില് വിഭാഗീയതയും ഭിന്നിപ്പുമുണ്ടാക്കാന് മാത്രം സിനിമയെ ഉപയോഗിക്കുന്നവരെ ആവിഷ്കാര സ്വാതന്ത്ര്യത്തിന്റെ കള്ളിയില് പെടുത്തി ന്യായീകരിക്കുന്നതും ശരിയല്ല.
ആവിഷ്കാര സ്വാതന്ത്ര്യം എന്നത് ഈ നാടിനെ വര്ഗ്ഗീയവല്ക്കരിക്കാനും നുണകള് പടച്ചുവിടാനും ജനങ്ങളെ ഭിന്നിപ്പിക്കാനുമുള്ള ലൈസന്സല്ല. വര്ഗീയ - വിഭാഗീയ നീക്കങ്ങളെ മലയാളികള് ഒന്നടങ്കം തള്ളിക്കളണമെന്നഭ്യര്ത്ഥിക്കുന്നു. വ്യാജ പ്രചാരണങ്ങളിലൂടെ സമൂഹത്തില് അശാന്തി പരത്താനുള്ള വര്ഗീയ ശ്രമങ്ങള്ക്കെതിരെ എല്ലാവരുടെയും ജാഗ്രത ഉണ്ടാകണം. സമൂഹവിരുദ്ധ നീക്കങ്ങള്ക്കെതിരെ നിയമപരമായ നടപടികള് സ്വീകരിക്കുമെന്നും മുഖ്യമന്ത്രി വ്യക്തമാക്കി.
Click it and Unblock the Notifications
Sign in with Google