'എല്ലാവരോടും എന്തൊരു സ്നേഹമാണ് ഗവര്ണര്ക്ക്.. മാതൃകാപരം'; ഗവര്ണറെ പുകഴ്ത്തി പ്രതിഭ എംഎല്എ
ആലപ്പുഴ: സംസ്ഥാന സര്ക്കാര് ഗവര്ണര് ഏറ്റുമുട്ടലിനിടെ ഗവര്ണര് ആരിഫ് മുഹമ്മദ് ഖാനെ പുകഴ്ത്തി സി പി ഐ എമ്മിന്റെ കായംകുളം എം എല് എ യു പ്രതിഭ. എല്ലാവരോടും ഗവര്ണര് വളരെ സ്നേഹത്തോടെ ആണ് പെരുമാറുന്നത് എന്നായിരുന്നു പ്രതിഭയുടെ പ്രകീര്ത്തനം. എല്ലാവരുടേയും കാര്യത്തില് പ്രത്യേക ശ്രദ്ധയാണ് ഗവര്ണര്ക്ക് എന്നും അവര് കൂട്ടിച്ചേര്ത്തു.
രാഷ്ട്രീയ അഭിപ്രായങ്ങള് വ്യത്യസ്തമാണെങ്കിലും ആരിഫ് മുഹമ്മദ് ഖാന്റെ പെരുമാറ്റം മാതൃകാപരമാണ് എന്നും യു പ്രതിഭ പറഞ്ഞു. ചെട്ടിക്കുളങ്ങര ഹയര് സെക്കന്ഡറി സ്കൂള് നവതി ആഘോഷച്ചടങ്ങില് ഗവര്ണര് ആരിഫ് മുഹമ്മദ് ഖാന് വേദിയിലിരിക്കവെയാണ് എം എല് എയുടെ പുകഴ്ത്തല്.
മലയാളം പഠിക്കാന് ഗവര്ണര് കാണിക്കുന്ന ഉത്സാഹവും കേരളീയ വേഷത്തോടുളള അദ്ദേഹത്തിന്റെ ഇഷ്ടവും പ്രശംസനീയമാണ് എന്ന് പ്രതിഭ പറഞ്ഞു. ശേഷം വേദിയിലിരുന്ന ഗവര്ണറെ നോക്കി വേഷം നന്നായിട്ടുണ്ടെന്നും പ്രതിഭ ആശംസിച്ചു. ഒരു ചിരിയോടെ ആയിരുന്നു ഗവര്ണര് ഇതിന് നന്ദി പ്രകടിപ്പിച്ചത്.
ചെട്ടിക്കുളങ്ങര കുംഭഭരണിക്കു വരണമെന്ന ആഗ്രഹം പ്രസംഗത്തിനിടെ ഗവര്ണര് ആരിഫ് മുഹമ്മദ് ഖാന് പ്രകടിപ്പിക്കുകയും ചെയ്തു. കണ്ണൂര് സര്വകലാശാല വി സി നിയമനത്തിലും മറ്റും സംസ്ഥാന സര്ക്കാരുമായി ഗവര്ണര് ഇടഞ്ഞുനില്ക്കുകയാണ്. സര്ക്കാര് ഓര്ഡിനന്സുകള് ഗവര്ണര് തിരിച്ച് അയക്കുന്ന സാഹചര്യവുമുണ്ടായിരുന്നു.
ഈ പശ്ചാത്തലത്തിലാണ് പ്രതിഭ എം എല് എയുടെ ഈ പുകഴ്ത്തലെന്നതും ശ്രദ്ധേയമാണ്. ഗവര്ണര് ആരിഫ് മുഹമ്മദ് ഖാന് ഉദ്ഘാടകനായി എത്തിയ ചടങ്ങില് വിദ്യാഭ്യാസ മന്ത്രി വി ശിവന്കുട്ടിയേയും ക്ഷണിച്ചിരുന്നു. എന്നാല് യോഗത്തിനെത്താന് സാധിക്കില്ല എന്നും അസൗകര്യമുണ്ടെന്നും വി ശിവന്കുട്ടി അറിയിച്ചു.
മന്ത്രി എത്താതിരുന്നത് തിരുവനന്തപുരത്ത് രാഷ്ട്രീയ പ്രശ്നങ്ങളുള്ളതിനാലാണ് എന്ന് പ്രതിഭയും സംസാരത്തിനിടെ വ്യക്തമാക്കി. മുന് പ്രതിപക്ഷ നേതാവ് രമേശ് ചെന്നിത്തല എം എല് എയും ചടങ്ങില് പങ്കെടുത്തിരുന്നു. കണ്ണൂര് സര്വകലാശാല നിയമനങ്ങളില് ഭൂരിഭാഗവും ബന്ധുനിയമനങ്ങളാണ് എന്ന് പറഞ്ഞ് ഗവര്ണര് രംഗത്തെത്തിയിരുന്നു.
ഇതോടെയാണ് ഇടവേളക്ക് ശേഷം വീണ്ടും ഗവര്ണര്-സര്ക്കാര് പോര് രൂക്ഷമായത്. ഗവര്ണറോട് ഏറ്റുമുട്ടലിന് പോകേണ്ട എന്ന സി പി ഐ എം നിര്ദേശത്തിന്റെ അടിസ്ഥാനത്തില് സര്ക്കാര് ഇതുവരെ രൂക്ഷമായി പ്രതികരിച്ചിരുന്നില്ല. എന്നാല് കണ്ണൂര് ചരിത്രകോണ്ഗ്രസില് തനിക്കെതിരെ കൈയേറ്റം നടത്താന് ശ്രമമുണ്ടായി എന്നും ചരിത്രകാരന് ഇര്ഫാന് ഹബിബ് തെരുവ് ഗുണ്ടയാണ് എന്നും ഗവര്ണര് പറഞ്ഞതോടെ സ്ഥിതി വഷളായി. ഇതിനിടെ ഓര്ഡിനന്സ് ഒപ്പിടാതിരിക്കുകയും ചെയ്തു.
ആരാധകരെ ശാന്തരാകുവിന്...; എന്നാലും ആ ക്യാമറ ഏതാ..? പാര്വതിയുടെ കിടിലന് ചിത്രങ്ങള് കണ്ടോ
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google