ആള്കൂട്ടം കുറക്കുക സ്വയം സുരക്ഷ പരാമവധി ഉറപ്പാക്കുക; മുന്നറിയിപ്പുമായി മന്ത്രി
തിരുവനന്തപുരം: സംസ്ഥാനത്ത് ഒമൈക്രോണ് വര്ധിക്കുന്ന സാഹചര്യത്തില് എല്ലാവരും ജാഗ്രത പാലിക്കണമെന്ന് ആരോഗ്യമന്ത്രി വീണാ ജോര്ജ്ജ് പറഞ്ഞു. ആള്ക്കൂട്ടങ്ങള് പരമാവധി കുറയ്ക്കണമെന്നും സ്വയം സുരക്ഷയാണ് ഏറ്റവും പ്രധാനമെന്നും. പൊതുസ്ഥലങ്ങളില് ഇറങ്ങുന്നവര് എന് 95 മാസ്കോ, ഡബിള് മാസ്കോ ധരിക്കേണ്ടതാണെന്നും മന്ത്രി കൂട്ടിചേര്ത്തു. പനിയും രോഗലക്ഷണങ്ങളുള്ളവരും മറച്ചുവച്ച് പൊതുയിടങ്ങളില് ഇറങ്ങരുതെന്നും രോഗമുണ്ടെന്നാരും മറച്ച് വയ്ക്കരുത്. ആരോഗ്യ പ്രവര്ത്തകരുടെ നിര്ദേശമനുസരിച്ച് കൊവിഡ് പരിശോധന നടത്തേണ്ടതാണെന്നും മന്ത്രി വ്യക്തമാക്കി.കേരളത്തില് ഒമൈക്രോണ് കേസുകളുടെ എണ്ണം വര്ധിക്കുന്നുവെന്ന് ആരോഗ്യമന്ത്രി വീണാ ജോര്ജ്ജ് പറഞ്ഞു. ഈ സാഹചര്യത്തില് എല്ലാവരും അതീവ ജാഗ്രത പാലിക്കണമെന്ന് ആരോഗ്യമന്ത്രി കൂട്ടിചേര്ത്തു. സംസ്ഥാനത്തെ ഒമൈക്രോണ് കേസുകള് 421 ആയിയെന്നും പ്രതിദിന കൊവിഡ് കേസുകള് പതിനായിരം കഴിഞ്ഞുവെന്നും ഈ സാഹചര്യത്തില് എല്ലാവരും ജാഗ്രത പാലിക്കണമെന്നും ആരോഗ്യമന്ത്രി പറഞ്ഞു.
ഒമൈക്രോണ് ചെറിയ ഇന്കുബേഷന് കാലയളവാണ് ഉള്ളതെങ്കിലും അതിവേഗം പടരുന്നതാണ്. ജലദോഷം, തൊണ്ടവേദന, ചുമ, ശ്വാസതടസം, പനി എന്നിവയാണ് ഒമൈക്രോണിന്റെ പ്രധാന ലക്ഷണങ്ങളെന്നും ഇതോടൊപ്പം ലക്ഷണങ്ങളില്ലാതെയും ഒമൈക്രോണ് വന്തോതില് പടരാന് സാധ്യതയുണ്ടെന്നും മന്ച്രി പറഞ്ഞു. അതിനാല് എല്ലാവരും കൊവിഡ് പ്രോട്ടോകോള് പാലിക്കണമെന്നും കുടുംബാംഗങ്ങളിലൂടെയും സുഹൃത്തുക്കളിലൂടെയും സ്ഥാപനങ്ങളിലൂടെയും ഒമിക്രോണ് വ്യാപിക്കാന് സാധ്യതയുണ്ടെന്നും നിശബ്ദ വ്യാപനത്തിനുള്ള ഒമൈക്രോണിന്റെ സാധ്യത കൂടി കണക്കിലെടുത്ത് എല്ലാവരും കൃത്യമായി മാസ്ക് ധരിക്കണമെന്നും മന്ത്രി പറഞ്ഞു.
കൊവിഡ് കേസുകള് കൂടുകയും ആശുപത്രിയില് ചികിത്സ തേടുന്നവരുടെ എണ്ണം കുറയുകയും ചെയ്യുന്ന അവസ്ഥയാണുള്ളതെന്നും അതിനാല് വാക്സിനെടുക്കാനുള്ളവര് എല്ലാവരും എത്രയും വേഗം വാക്സിന് സ്വീകരിക്കണമെന്നും മന്ത്രി കൂട്ടിചേര്ത്തു. ആരില് നിന്നും ആരിലേക്കും ഒമൈക്രോണ് ഉള്പ്പെടെയുള്ള കൊവിഡ് വരാന് സാധ്യതയുള്ളതിനാല് എല്ലാവരും സ്വയം സുരക്ഷ പാലിക്കണമെന്നും മന്ത്രി പറഞ്ഞു. ഒരുമിച്ച് ധാരാളം കേസുകള് ഉണ്ടായാല് ആശുപത്രിയില് ചികിത്സയിലുള്ളവരുടെ എണ്ണവും കൂടും. ആരോഗ്യ പ്രവര്ത്തകര്ക്കും ഒരുമിച്ച് രോഗം വരാതിരിക്കാന് കരുതല് വേണം. നമ്മുടെ ആരോഗ്യ സംവിധാത്തിനപ്പുറത്തേക്ക് കോവിഡ് കേസുകള് പോകാതിരിക്കാന് എല്ലാവരും പ്രതിരോധത്തില് കൂടുതല് ശ്രദ്ധിക്കണമെന്നും മന്ത്രി അറിയിച്ചു.
അനുബന്ധ രോഗങ്ങളുള്ളവര് സംസ്ഥാനത്ത് വളരെ കൂടുതലാണ്. പ്രമേഹം തുടങ്ങിയ അനുബന്ധ രോഗങ്ങളുള്ളവര് രോഗ നിയന്ത്രണം ഉറപ്പ് വരുത്തണം. പ്രായമായവര്ക്കും ഗുരുതര രോഗമുള്ളവര്ക്കും ശ്വാസകോശ സംബന്ധമായ അസുഖമുള്ളവര്ക്കും കോവിഡ് ബാധിച്ചാല് ഗുരുതരമാകും. അതിനാല് കഴിവതും യാത്രകളും ആള്ക്കൂട്ടവും ഒഴിവാക്കണം. ആശുപത്രി സന്ദര്ശനം പരമാവധി കുറച്ച് ഇ സഞ്ജീവനി സേവനങ്ങള് പ്രയോജനപ്പെടുത്തുക. ഒരിക്കല് കൊവിഡ് പോസിറ്റീവായെന്നു കരുതിയോ വാക്സിന് എടുത്തെന്നു കരുതിയോ ജാഗ്രത കുറവ് പാടില്ല. കോവിഡ് ഒരിക്കല് വന്നവര്ക്ക് വീണ്ടും പോസിറ്റീവാകുന്ന സാധ്യതയാണുള്ളത്. സ്ഥാപനങ്ങളിലും കടകളിലും ഷോപ്പിംഗ് മാളുകളിലും പോകുന്നവര് കൃത്യമായ കോവിഡ് മാര്ഗനിര്ദേശങ്ങള് പാലിക്കണം. സംസ്ഥാനത്ത് നിലനില്ക്കുന്ന ഗുരുതര സാഹചര്യം കണക്കിലെടുത്ത് എല്ലാവരും പ്രതിരോധത്തിന് പ്രാധാന്യം നല്കണമെന്നും മന്ത്രി അഭ്യര്ത്ഥിച്ചു.
അതേസമയം സംസ്ഥാനത്ത് ഇന്ന് 76 പേര്ക്ക് കൂടി ഒമൈക്രോണ് സ്ഥിരീകരിച്ചതായി ആരോഗ്യമന്ത്രി വീണാ ജോര്ജ് ഏറിയിച്ചു. തൃശ്ശൂര് 15, പത്തനംതിട്ട 13, ആലപ്പുഴ 8, കണ്ണൂര് 8, തിരുവനന്തപുരം 6, കോട്ടയം 6, മലപ്പുറം 6, കൊല്ലം 5, കോഴിക്കോട് 4, കാസര്ഗോഡ് 2, എറണാകുളം 1, വയനാട് 1 എന്നിങ്ങനെയാണ് ഒമൈക്രോണ് സ്ഥിരീകരിച്ചത്. തമിഴ്നാട് നിന്നും വന്ന ഒരാള്ക്കും ഒമൈക്രോണ് ബാധിച്ചു. 59 പേര് ലോ റിസ്ക് രാജ്യങ്ങളില് നിന്നും 7 പേര് ഹൈ റിസ്ക് രാജ്യങ്ങളില് നിന്നും വന്നതാണ്. 9 പേര്ക്ക് സമ്പര്ക്കത്തിലൂടെയാണ് ഒമൈക്രോണ് ബാധിച്ചത്. തൃശൂര് 3, പത്തനംതിട്ട, ആലപ്പുഴ, കോട്ടയം 2 വീതം എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
പത്തനംതിട്ടയിലെ സ്വകാര്യ നഴ്സിംഗ് കോളേജില് ഒമൈക്രോണ് ക്ലസ്റ്റര് രൂപപ്പെട്ടു. വിദേശത്ത് നിന്നും എത്തിയയാളുടെ സമ്പര്ക്കത്തിലുള്ള വിദ്യാര്ത്ഥിയില് നിന്നും പകര്ന്നതാണെന്ന് സംശയിക്കുന്നു. 30 പേര്ക്കാണ് നഴ്സിംഗ് കോളേജില് രോഗം സ്ഥിരീകരിച്ചത്. കൂടുതല് പേരുടെ സാമ്പിളുകള് പരിശോധനയ്ക്ക് അയക്കും. സംസ്ഥാനത്ത് ആകെ 421 പേര്ക്കാണ് ഒമിക്രോണ് സ്ഥിരീകരിച്ചത്. ലോ റിസ്ക് രാജ്യങ്ങളില് നിന്നും 290 പേരും ഹൈ റിസ്ക് രാജ്യങ്ങളില് നിന്നും ആകെ 85 പേരും എത്തിയിട്ടുണ്ട്. 43 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. മറ്റ് സംസ്ഥാനങ്ങളില് നിന്നും വന്ന 3 പേരാണുള്ളത്.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google