ഭാര്യയേയും കാമുകനേയും കോടതിയ്ക്ക് മുന്നില് വച്ച് കൊല്ലാന് ഭര്ത്താവിന്റെ ശ്രമം
കോഴിക്കോട്: വിവാഹവും വിവാഹ മോചനവും പ്രണയവും എല്ലാം നമ്മുടെ നാട്ടില് പതിവാണ്. ഈ സംഭവങ്ങളെല്ലാം പലപ്പോഴും കോടിയ്ക്ക് മുന്നിലാണ് അവസാനിയ്ക്കാറും ഉള്ളത്. ചിലപ്പോഴെല്ലാം കോടതിയ്ക്ക് മുന്നില് ഈ പ്രശ്നങ്ങള് കൈയ്യാങ്കളിയില് പോലും അവസാനിക്കാറുണ്ട്.
എന്നാല് കോഴിക്കോട് നിന്നുള്ള വാര്ത്ത അല്പം ഞെട്ടിയ്ക്കുന്നതാണ്. ഭാര്യയേയും കാമുകനേയും കോടതിയുടെ മുന്നിലിട്ട് ഭര്ത്താവ് കുത്തിക്കൊല്ലാന് ശ്രമിച്ചു. കാമുകന്റെ നില ഗുരുതരമാണ്.
കോഴിക്കോട് കുടുംബ കോടതിയ്ക്ക് മുന്നിലായിരുന്നു സംഭവം. കോടഞ്ചേരി സ്വദേശി സുനിലും ഭാര്യ ബിന്ദുവും വര്ഷങ്ങളായി പിരിഞ്ഞ് കഴിയുകയാണ്. കുട്ടിയുടെ അവകാശം സംബന്ധിച്ചാണ് ഇവര് കോടതിയില് എത്തിയത്. എന്നാല് കുഞ്ഞിനെ വിട്ടു നല്കാന് ബിന്ദു തയ്യാറായിരുന്നില്ലത്രെ.
ഇതോടെ കുപിതനായ സുനില് ബിന്ദുവിനേയും ജിന്റോയേയും കത്തികൊണ്ട് കുത്തിക്കൊല്ലാന് നോക്കുകയായിരുന്നു. രണ്ട് പേരേയും കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചിരിയ്ക്കുകയാണ്. ആക്രമണത്തില് ജിന്റോയുടെ കുടല്മാല പുറത്ത് വന്നിരുന്നു എന്നാണ് റിപ്പോര്ട്ട്. സ്വകാര്യ ബസ്സിലെ ജീവനക്കാരനാണ് ഇയാള്.