അമീയൂരിനെ കുടുക്കിയത് കൂട്ടുകാരന്... നിര്ണായക വിവരങ്ങള് നല്കിയത് ജിഞ്ചല് !!!
പെരുമ്പാവൂര്: ജിഷ വധ കേസില് പ്രതിയായ അസം സ്വദേശി അമിയൂര് ഇസ്ലാമിനെ കുടുക്കാന് പോലീസിനെ സഹായിച്ചത് സുഹൃത്ത്. അമിയൂരാണ് കൊലപാതകിയെന്ന് ആദ്യം സംശയിച്ചത് അമിയൂരിന്റെ സുഹൃത്തായ ബംഗാളി സ്വദേശി ജിഞ്ചല് ആണെന്നാണ് പോലീസ് പറയുന്നത്.
നാടിനെ നടുക്കിയ കൊലപാതകത്തിന്റെ അന്വേഷണം അന്യ സംസ്ഥാന തൊഴിലാളികളിലെത്തിയപ്പോള് അമിയൂരിന്റെ നാടു വിടലും പെരുമാറ്റത്തിലെ അസ്വഭാവികതയും ജിഞ്ചല് പോലീസിനോട് സൂചിപ്പിച്ചിരുന്നുവെന്നാണ് വിവരം.
അമിയൂരിനെ തേടി പോലീസ് ആസാമിലെത്തിയപ്പോഴും കാഞ്ചീപുരത്തിന് സമീപത്ത് വച്ച് പിടികൂടുമ്പോഴും ജിഞ്ചല് പോലീസിനൊപ്പമുണ്ടായിരുന്നു. ജിഞ്ചലിനെ കണ്ട് സംസാരിക്കാനെത്തിയ അമിയൂരിനെ പോലീസ് ബലം പ്രയോഗിച്ച് പിടികൂടുകയായിരുന്നു. അമിയൂരിനെ തിരിച്ചറിയാനും നിര്ണായക വിവരങ്ങള് ലഭിക്കാനും ജിഞ്ചലിന്റെ സഹായം പോലീസിന് ലഭിച്ചിട്ടുണ്ടെന്ന് വേണം കരുതാന്.
കാഞ്ചീപുരത്ത് അമിയൂര് ജോലി ചെയ്യുന്നിടത്ത് അന്വേഷിക്കുന്നതിനും പ്രതിയെ പുറത്തേക്കെത്തിക്കുന്നതിനും ജിഞ്ചല് പോലീസിനെ സഹായിച്ചു. കൊലപാതകവാര്ത്ത പുറത്തറിയുന്നതിന് മുമ്പ് തന്നെ അമിയൂര് നാട്ടിലേക്കെന്ന് പറഞ്ഞ് റൂം വിട്ടിരുന്നു. കൊലപാതകം വലിയ വിവാദമായതോടെ നാട്ടിലേക്ക് പോയ അമീര് അന്വേഷണം ആസാമിലെക്കെത്തുമെന്ന് മനസിലാക്കി അവിടം വിടുകയായിരുന്നു.
സ്രീകളോട് വളരെ മോശമായാണ് അമിയൂര് പെരുമാറിയിരുന്നതെന്നാണ് ലോഡ്ജില് കൂടെ താമസിച്ചിരുന്ന മറ്റ് അന്യസംസ്ഥാന തൊഴിലാളികള് പറയുന്നത്.