പ്രാണവായുവിന് മാത്രമാണ് നികുതിഭാരമില്ലാത്തത്; ബജറ്റിനെതിരെ വന് പ്രക്ഷോഭമെന്ന് കെ സുധാകരന്
ഓരോ കുഞ്ഞും പിറന്നുവീഴുന്നത് ഒരുലക്ഷം രൂപയുടെ കടത്തിലാണെന്നത് കേരള സര്ക്കാര് മറക്കരുത്. സര്ക്കാരിന്റെ ധൂര്ത്തും അഴിമതിയും സ്വജനപക്ഷപാതവും അഭംഗരും തുടരുന്നതിന് വേണ്ടിയാണ് സാധാരണ ജനങ്ങളെ ബലിയാടാക്കിയത്.
തിരുവനന്തപുരം: സംസ്ഥാന സര്ക്കാരിന്റെ ബജറ്റിനെതിരെ കേരളത്തില് പ്രക്ഷോഭം സംഘടിപ്പിക്കുമെന്ന് കെ പി സി സി അധ്യക്ഷന് കെ സുധാകരന് പറഞ്ഞു. ജനങ്ങളുടെ മുഴുവന് ജീവിതച്ചെലവ് കുത്തനെ കൂട്ടുന്ന ബജറ്റിനെതിരെ തീപാറുന്ന പ്രക്ഷോഭമാണ് കേരളം കാണാന് പോകുന്നതെന്നും കെ സുധാകരന് വാര്ത്താസമ്മേളനത്തില് പറഞ്ഞു. സഹസ്ര കോടികള് നികുതി ഇനത്തില് പിരിച്ചെടുക്കാതെയാണ് സര്ക്കാര് 4000 കോടി രൂപയുടെ അധിക നികുതി ഇപ്പോള് ഒറ്റയടിക്ക് ചുമത്തിയത്. പ്രാണവായുവിന് മാത്രമാണ് ഇപ്പോള് നികുതി ഭാരമില്ലാത്തതെന്ന് സുധാകരന് വ്യക്തമാക്കി.
നികുതി കൊള്ളയ്ക്കെതിരെ ജനങ്ങളെ അണിനിരത്തി കോണ്ഗ്രസ് ശക്തമായ പ്രതിഷേധ പരിപാടികള് സംഘടിപ്പിക്കും. നികുതി ബഹിഷ്ക്കരിക്കേണ്ട നിലയിലേക്ക് സര്ക്കാര് ജനങ്ങളെ തള്ളിവിടുകയാണെന്നും സുധാകരന് പറഞ്ഞു. അതേസമയം, കേരള സര്ക്കാര് ബജറ്റിലൂടെ നടത്തിയ ജനദ്രോഹ നടപടികള്ക്കും നികുതി കൊള്ളയ്ക്കും എതിരെ ഫെബ്രുവരി 4ന് (ശനി) സംസ്ഥാന വ്യാപകമായി കരിദിനം ആചരിക്കാന് കെപിസിസി പ്രസിഡന്റ് കെ.സുധാകരന് എംപിയുടെ അധ്യക്ഷതയില് ചേര്ന്ന ഭാരവാഹിയോഗം തീരുമാനിച്ചു. ഡിസിസികളുടെ നേതൃത്വത്തില് ജില്ലാ കേന്ദ്രങ്ങളില് രാവിലെ പ്രതിഷേധ പരിപാടികളും വൈകുന്നേരം മണ്ഡലം കോണ്ഗ്രസ് കമ്മിറ്റികളുടെ നേതൃത്വത്തില് പന്തം കൊളുത്തി പ്രകടനങ്ങളും നടത്തുന്നതാണ്.
ജനത്തിന്റെ നടുവൊടിക്കുന്ന നികുതി നിര്ദ്ദേശങ്ങള് പിന്വലിക്കുന്നത് വരെ അതിശക്തമായ സമരപരിപാടികളാണ് കെപിസിസി ആസൂത്രണം ചെയ്യുന്നത്. കേരളത്തിന്റെ ചരിത്രത്തില് ഇതുപോലൊരു നികുതി വര്ധനവ് ഉണ്ടായിട്ടില്ല. അതുകൊണ്ട് തന്നെ കേരളം ഇതുവരെ കാണാത്തതിലും വലിയ പ്രക്ഷോഭമായിരിക്കും ഉണ്ടാകാന് പോകുന്നത്. ആയിരക്കണക്കിന് കോടികള് നികുതി കുടിശ്ശിക പിരിച്ചെടുക്കാന് മടിക്കുന്ന സര്ക്കാരാണ് 4000 കോടി രൂപയുടെ നികുതിഭാരം ജനങ്ങളുടെ തലയില്ക്കെട്ടിവെച്ചത്.അധിക വിഭവ സമാഹരണത്തിന് ബദല് ധനാഗമന മാര്ഗങ്ങള്ക്കായി ക്രിയാത്മക നിര്ദ്ദേശങ്ങള് കണ്ടെത്താത്ത ഭരണകൂടം കടുത്ത സാമ്പത്തിക പ്രതിസന്ധിയിലൂടെ കടന്ന് പോകുന്ന കേരളത്തിലെ സാധാരണക്കാരുടെ മേല് അധിക നികുതി അടിച്ചേല്പ്പിച്ച് പെരുവഴിയിലേക്ക് തള്ളിവിടുന്ന നടപടിയാണ് സ്വീകരിച്ചത്. ഇത് ഒരു കാരണവശാലും കേരള ജനത അംഗീകരിക്കില്ലെന്ന് കെപിസിസി വിലയിരുത്തി.
ഓരോ കുഞ്ഞും പിറന്നുവീഴുന്നത് ഒരുലക്ഷം രൂപയുടെ കടത്തിലാണെന്നത് കേരള സര്ക്കാര് മറക്കരുത്. സര്ക്കാരിന്റെ ധൂര്ത്തും അഴിമതിയും സ്വജനപക്ഷപാതവും അഭംഗരും തുടരുന്നതിന് വേണ്ടിയാണ് സാധാരണ ജനങ്ങളെ ബലിയാടാക്കിയത്. ആഢംബര കാറുകളും വിദേശയാത്രകളും അനധികൃത നിയമനങ്ങള് നടത്താനും മറ്റുമാണ് സാധാരണക്കാരെ പിഴിയുന്നത്. മാര്ക്സിസ്റ്റ് ഭരണത്തില് ഉപ്പുതൊട്ട് കര്പ്പൂരം വരെയുള്ള സര്വ്വസാധനങ്ങള്ക്കും അഭൂതപൂര്വ്വമായ വിലവര്ധനവാണ് ഉണ്ടായിരിക്കുന്നത്. ഇതോടൊപ്പമാണ് ഇരുട്ടടിപോലെയുള്ള നികുതി വര്ധനവ്. ജനങ്ങളെ ദുരിതക്കയത്തിലേക്ക് തള്ളിവിടുന്ന ലോകത്തിന്റെ പല ഭാഗങ്ങളിലുമുള്ള ഏകാധിപതികളും ഭരണകൂടങ്ങളും ജനരോഷത്തിനു മുന്നില് മുട്ടുമടക്കിയിട്ടുണ്ടെന്ന കാര്യം മുഖ്യമന്ത്രിയും ഇടതുമുന്നണിയും വിസ്മരിക്കരുതെന്നും കെപിസിസി ഓര്മ്മിപ്പിച്ചു. യോഗത്തില് പ്രതിപക്ഷനേതാവ് വിഡി സതീശന്, മുന് പ്രതിപക്ഷനേതാവ് രമേശ് ചെന്നിത്തല,കെപിസിസി ഭാരവാഹികള്,ഡിസിസി പ്രസിഡന്റുമാര് തുടങ്ങിയവര് പങ്കെടുത്തു.
-
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്'
Click it and Unblock the Notifications
Sign in with Google