ഇന്ത്യയിലെ കൊവിഡ് കേസുകളിൽ 68 ശതമാനവും കേരളത്തിൽ: രോഗവ്യാപനത്തിൽ ആശങ്ക രേഖപ്പെടുത്തി കേന്ദ്രം

തിരുവനന്തപുരം: കേരളത്തിൽ ഓണം കഴിഞ്ഞതിന് പിന്നാലെ കൊവിഡ് കേസുകളുടെ എണ്ണത്തിൽ കുതിച്ചുചാട്ടമാണുണ്ടായിട്ടുള്ളത്. കഴിഞ്ഞ 24 മണിക്കൂറിനുള്ളിൽ 46,164 കേസുകളാണ് സംസ്ഥാനത്തിനകത്ത് റിപ്പോർട്ട് ചെയ്തിട്ടുള്ളതെന്നാണ് കേന്ദ്ര ആരോഗ്യമന്ത്രാലയത്തിന്റെ കണക്കുകൾ വ്യക്തമാക്കുന്നത്. ഇതോടെ രാജ്യത്തെ കൊവിഡ് ബാധിതരുടെ എണ്ണം 3,25,58,530 ആയി ഉയർന്നിട്ടുണ്ട്. ദിവസേന 20000ലധികം കേസുകളുടെ വർധനവാണ് ഉണ്ടായിട്ടുള്ളത്. പ്രത്യേകിച്ചും കേരളത്തിലാണ് വർധനവുണ്ടായിട്ടുള്ളത്.

ആരോഗ്യമന്ത്രാലയത്തിന്റെ കണക്ക് അനുസരിച്ച് രാജ്യത്തെ 68 ശതമാനത്തോളം കേസുകളും കേരളത്തിൽ നിന്നാണ് റിപ്പോർട്ട് ചെയ്തിട്ടുള്ളത്. ബുധനാഴ്ച മാത്രം 31,445 കേസുകളാണ് സംസ്ഥാനത്ത് റിപ്പോർട്ട് ചെയ്തിട്ടുള്ളത്. ഇക്കഴിഞ്ഞ മൂന്ന് മാസത്തിനുള്ളിൽ ഏറ്റവും കൂടുതൽ കേസുകളാണ് ബുധനാഴ്ച റിപ്പോർട്ട് ചെയ്തിട്ടുള്ളത്. എറണാകുളം ജില്ലയിൽ 4048 കേസുകളും തൃശ്ശൂർ ജില്ലയിൽ 3865 കേസുകളുമാണ് കഴിഞ്ഞ 24 മണിക്കൂറിനുള്ളിൽ രജിസ്റ്റർ ചെയ്തിട്ടുള്ളത്. സംസ്ഥാനത്തെ ടെസ്റ്റ് പോസിറ്റിവിറ്റി റേറ്റ് 19.03 ശതമാനമാണ്. കഴിഞ്ഞ മൂന്ന് മാസത്തിനിടെയുള്ള ഉയർന്ന ടെസ്റ്റ് പോസിറ്റിവിറ്റിയാണ് ഇപ്പോൾ റിപ്പോർട്ട് ചെയ്തിട്ടുള്ളത്.

കഴിഞ്ഞയാഴ്ചത്തെ ഓണാഘോഷമാണ് സംസ്ഥാനത്തെ കൊവിഡ് വർദ്ധനവിന് കാരണമായതെന്നാണ് കേന്ദ്ര സർക്കാർ പറഞ്ഞത്. ഓണത്തിന് ശേഷം കൊവിഡ് കേസുകളിൽ വർദ്ധനവ് പ്രതീക്ഷിച്ചിരുന്നു. ഈ സാഹചര്യത്തി. പരിശോധനയും വാക്സിനേഷനും വർദ്ധിപ്പിക്കുന്നതിനുള്ള ശ്രമം നടത്തുന്നത്. കേരളത്തിൽ സീറോ വ്യാപനം വളരെ കുറവായതിനാൽ, രോഗബാധിതരെ കണ്ടെത്തി എത്രയും വേഗം അവരെ ക്വാറന്റൈനിലാക്കാനുള്ള നീക്കമാണ്. നടക്കുന്നതെന്നാണ്. "കേരള ആരോഗ്യ മന്ത്രി വീണാ ജോർജ് കഴിഞ്ഞ ദിവസം വ്യക്തമാക്കിയത്. ഉത്സവത്തിന് മുന്നോടിയായി വിപണികൾ നിറഞ്ഞതിനാൽ കഴിഞ്ഞ വർഷവും ഓണത്തിന് ശേഷം സംസ്ഥാനത്ത് കൊവിഡ് കേസുകളിൽ വർധനവുണ്ടായിരുന്നു.

ജൂലൈയിൽ ഇന്ത്യൻ കൗൺസിൽ ഓഫ് മെഡിക്കൽ റിസർച്ച് നടത്തിയ സെറോ സർവേയുടെ നാലാം റൗണ്ട് ദേശീയതലത്തിൽ 67. 7% ആന്റിബോഡി വ്യാപനം കാണിച്ചുവെങ്കിലും കേരളത്തിൽ ഇത് 42.7% മാത്രമാണ്, അതായത് ജനസംഖ്യയുടെ വലിയൊരു ഭാഗം ഇപ്പോഴും വൈറസിന് വിധേയമാണ്. എന്നിരുന്നാലും, ഈ സിദ്ധാന്തം ഇതുവരെ തെളിയിക്കപ്പെട്ടിട്ടില്ല. ബുധനാഴ്ച നടന്ന ഉന്നതതല യോഗത്തിൽ, കേന്ദ്ര ആരോഗ്യ സെക്രട്ടറി രാജേഷ് ഭൂഷൺ വരാനിരിക്കുന്ന ഉത്സവ സീസണിൽ കോവിഡ് കേസുകളുടെ വർദ്ധനവ് / വർദ്ധനവ് സംബന്ധിച്ച് സംസ്ഥാനങ്ങൾക്ക് മുന്നറിയിപ്പ് നൽകുകയും ചെയ്തിരുന്നു. ഇത് തടയാൻ സാധ്യമായ എല്ലാ പൊതുജനാരോഗ്യ നടപടികളും സ്വീകരിക്കണമെന്നും നിർദേശം നൽകിയിരുന്നു.

സെപ്തംബർ അവസാനത്തോടെ കേരളത്തിലെ പ്രതിദിന രോഗികളുടെ എണ്ണം മുപ്പതിനായിരത്തിനും നാൽപ്പതിനായിരത്തിനും ഇടയിലേക്ക് ഉയരുമെന്നാണ് കണക്കുകൂട്ടൽ. എന്നാൽ ഓണത്തിന് പിന്നാലെ ആഗസ്റ്റ് മാസത്തിൽ തന്നെ മുപ്പതിനായിരത്തിലേക്ക് എത്തിക്കഴിഞ്ഞിട്ടുണ്ട്. ആഗസ്റ്റ് ഒമ്പത് മുതൽ തന്നെ രോഗികളുടെ എണ്ണത്തിൽ ക്രമാതീതമായ വർധനവ് പ്രകടമായിത്തുടങ്ങിയിട്ടുണ്ട്. അതേ സമയം തന്നെ ഓണദിവസങ്ങളിലെ രോഗവ്യാപനത്തിന്റെ കണക്കുകൾ പുറത്തുവരാൻ ഇനിയും സമയമെടുക്കും.

അതിന് മുമ്പുള്ള കണക്കുകളാണ് ഇപ്പോൾ പുറത്തുവന്നുകൊണ്ടിരിക്കുന്നത്. ഈ കണക്കുകൾ കൂടുതൽ പുറത്തുവരുന്നതോടെ രോഗികളുടെ എണ്ണത്തിൽ വർധനവുണ്ടാകുമെന്നുമാണ് വിലയിരുത്തൽ. ഇന്നലെ മാത്രം 215 കൊവിഡ് മരണങ്ങളാണ് സംസ്ഥാനത്ത് റിപ്പോർട്ട് ചെയ്തിട്ടുള്ളത്. ഇതോടെ ഇതുവരെ റിപ്പോർട്ട് ചെയ്ത മരണങ്ങൾ 19972ലേക്ക് ഉയർന്നിട്ടുണ്ട്. ഇന്നത്തെ കണക്കുകൾ കൂടി പുറത്തുവരുന്നതോടെ ഇരുപതിനായിരം കൂടി കവിയും. കൊവിഡ് പരിശോധനയ്ക്ക് ഊർജ്ജിത കർമപദ്ധതി തയ്യാറാക്കിയെന്നാണ് ആരോഗ്യമന്ത്രി വിശദീകരിക്കുന്നതെങ്കിൽ രോഗവ്യാപനം നിയന്ത്രിക്കാൻ കഴിഞ്ഞിട്ടില്ല. ദിവസേന ശരാശരി മൂന്ന് ലക്ഷം ഡോസ് വാക്സിൻ എന്നതിനപ്പുറത്തേക്ക് എത്തിയിട്ടില്ലെന്നാണ് വാക്സിനേഷന്റെ കണക്ക് എത്തിയിട്ടില്ല.

English summary

Kerala alone contributes 68 percent of India's new Covid caseload, Health ministry shows concern