സംസ്ഥാനത്ത് വീണ്ടും പനി മരണം; ഇന്ന് എട്ട് പേര് മരിച്ചു; ജാഗ്രത പാലിക്കാന് നിര്ദ്ദേശം
തിരുവനന്തപുരം: സംസ്ഥാനത്ത് പനി മരണം ഉയരുന്നു. ശനിയാഴ്ച മാത്രം എട്ട് പേര് പനി ബാധിച്ച് മരിച്ചു. രണ്ട് പേരുടെ മരണം ഡെങ്കിപ്പനിയെ തുടര്ന്നാണെന്നും ഒരാളുടെ മരണം എലിപ്പനിയെ തുടര്ന്നാണെന്നും സംശയമുണ്ട്. ഒരാള്ക്ക് എച്ച് 1 എന് 1 ആണെന്നും സംശയിക്കുന്നു. പനി മരണവും കേസുകളും ഉയരുന്ന സാഹചര്യത്തില് ജാഗ്രത പാലിക്കണമെന്ന് ആരോഗ്യ വകുപ്പ് ഉദ്യോഗസ്ഥര് മുന്നറിയിപ്പ് നല്കി.
12,728 പേരാണ് സംസ്ഥാനത്ത് പനി ബാധിതരായി തുടരുന്നത്. മലപ്പുറം ജില്ലയിലാണ് ഏറ്റവും കൂടുതല് പനി ബാധിതരുള്ളത്. എലിപ്പനിയും ഡെങ്കിപ്പനിയുമാണ് ഏറ്റവും വലിയ അപകടകാരികള്. ശനിയാഴ്ച മാത്രം 55 പേര്ക്കാണ് ഡെങ്കിപ്പനി സ്ഥിരീകരിച്ചത്. സംസ്ഥാനത്ത് പക്ഷാഘാതമുണ്ടാക്കുന്ന ഫൈവ് ത്രീ ഡെങ്കിപ്പനി ഉള്പ്പടെ സംസ്ഥാനത്ത് റിപ്പോര്ട്ട് ചെയ്യപ്പെടുന്നുണ്ടെന്നാണ് ആരോഗ്യ വകുപ്പിന്റെ കണക്കുകള് സൂചിപ്പിക്കുന്നത്. ഒരു തവണ ഡെങ്കിപ്പനി വന്നവര്ക്ക് വീണ്ടും വന്നാല് കൂടുതല് ബുദ്ധിമുട്ടുണ്ടാക്കും.
അതേസമയം, സംസ്ഥാനത്ത് പനി കേസുകള് ഉയരുന്ന പശ്ചാത്തലത്തില് ആരോഗ്യ വകുപ്പ് മുന്നൊരുക്കങ്ങള് ശക്തമാക്കുന്നുണ്ട്. കഴിഞ്ഞ ദിവസം ആരോഗ്യ വകുപ്പ് മന്ത്രി വീണാ ജോര്ജ്, റവന്യു വകുപ്പ് മന്ത്രി കെ. രാജന് എന്നിവരുടെ നേതൃത്വത്തില് ജില്ലാ കളക്ടര്മാരുടെ യോഗം ചേര്ന്നിരുന്നു. 2023ല് ഡെങ്കിപ്പനി വ്യാപനത്തിന് സാധ്യത മുന്നില്ക്കണ്ട് വലിയ പ്രവര്ത്തനങ്ങള് നടത്തി വരുന്നു. അതില് ജില്ലാ കളക്ടര്മാരുടെ പങ്കാളിത്തം കൂടുതല് ശക്തമാക്കാന് കൂടിയാണ് യോഗം വിളിച്ചത്.
എല്ലാ വാര്ഡുകളിലേയും ജാഗ്രതാ സമിതികള് കൃത്യമായി പ്രവര്ത്തിക്കണം. കളക്ടര്മാര് അടിയന്തരമായി യോഗം ചേര്ന്ന് യോഗത്തിലെ നിര്ദേശങ്ങള് നടപ്പിലാക്കണം. സ്വകാര്യ ആശുപത്രികളുടെ യോഗം കളക്ടര്മാര് വിളിച്ചു ചേര്ക്കണം. ദുരിതാശ്വാസ ക്യാമ്പുകളില് പനിബാധിതര്ക്ക് പ്രത്യേക സ്ഥലം കണ്ടെത്തണമെന്ന നിര്ദ്ദേശവും യോഗത്തില് മുന്നോട്ടുവച്ചു.
വരുന്ന ആഴ്ചകളില് വെള്ളി, ശനി, ഞായര് ദിവസങ്ങളില് ശുചീകരണ പ്രവര്ത്തനങ്ങള് നടത്തണം. കൊതുക് നശീകരണത്തിനുള്ള ഫോഗിംഗ് ശാസ്ത്രീയമായി നടത്തണം. തദ്ദേശ സ്ഥാപനതലത്തില് രണ്ടാഴ്ചയിലൊരിക്കല് യോഗം ചേരാന് തദ്ദേശ വകുപ്പ് മന്ത്രിയുമായുള്ള യോഗത്തില് തീരുമാനമെടുത്തിരുന്നു.
തൊഴിലുറപ്പ് തൊഴിലാളികള്, ക്ഷീര കര്ഷകര് എന്നിവര് ശ്രദ്ധിക്കണം. മണ്ണിലോ മലിന ജലത്തിലോ ഇറങ്ങിയാല് നിര്ബന്ധമായും എലിപ്പനി പ്രതിരോധ ഗുളികയായ ഡോക്സിസൈക്ലിന് കഴിക്കേണ്ടതാണ്. കൈയ്യുറയും കാലുറയും ഇല്ലാതെ മണ്ണിലോ വെള്ളത്തിലോ ജോലിക്കിറങ്ങരുത്. തദ്ദേശ സ്ഥാപനങ്ങള് അതുറപ്പാക്കണം. സ്വകാര്യ ആശുപത്രികള് അമിത ഫീസ് ഈടാക്കരുത്. ജില്ലാ കളക്ടര്മാര് അവരുടെ യോഗം വിളിക്കുമ്പോള് ചികിത്സാ പ്രോട്ടോകോള് ഉറപ്പാക്കാനും നിര്ദേശം നല്കേണ്ടതാണെന്ന് ആരോഗ്യമന്ത്രി അറിയിച്ചു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google