കൊവിഡ് പ്രതിരോധത്തിന് പുതിയ കാമ്പയിന്; 'ബി ദ വാരിയര്', സ്വയം പ്രതിരോധിക്കാം മഹാമാരിയെ
തിരുവനന്തപുരം: സംസ്ഥാനത്ത് ഇന്നും 30000ന് അടുത്ത് കൊവിഡ് കേസുകളാണ് റിപ്പോര്ട്ട് ചെയ്തിരിക്കുന്നത്. രോഗവ്യാപനം കുറയ്ക്കാനുള്ള കര്ശന നടപടികളിലേക്ക് സര്ക്കാര് കടക്കുകയാണ്. ഞാറാഴ്ച സമ്പൂര്ണ ലോക്ക് ഡൗണ് ഉള്പ്പടെയുള്ള നിയന്ത്രണങ്ങള് തുടരാനാണ് സര്ക്കാര് നീക്കം. ഇതിനിടെ കോവിഡ് പ്രതിരോധത്തിന് ആരോഗ്യ വകുപ്പ് പുതുതായി ആരംഭിച്ച 'ബി ദ വാരിയര്' മുഖ്യമന്ത്രി പിണറായി വിജയന് ഔദ്യോഗികമായി പ്രഖ്യാപിച്ചു.
സ്വയം പ്രതിരോധമാണ് ഏറ്റവും പ്രധാനപ്പെട്ടതെന്ന് മുഖ്യമന്ത്രി പറഞ്ഞു. ഓരോരുത്തരും കോവിഡില് നിന്നും സ്വയം രക്ഷനേടുകയും മറ്റുള്ളവരില് ആ സന്ദേശങ്ങള് എത്തിക്കുകയും വേണം. ശരിയായി മാസ്ക് ധരിച്ചും, സോപ്പും വെള്ളമോ അല്ലെങ്കില് സാനിറ്റൈസറോ ഉപയോഗിച്ച് കൈകള് ഇടയ്ക്കിടെ വൃത്തിയാക്കിയും, ശാരീരിക അകലം പാലിച്ചും, രണ്ട് ഡോസ് വാക്സിനെടുത്തും കോവിഡിനെതിരെയുള്ള പോരാട്ടത്തില് ഓരോരുത്തരും പങ്കാളിയാകുക എന്നതാണ് ഈ കാമ്പയിന് കൊണ്ട് ഉദ്ദേശിക്കുന്നതെന്നും മുഖ്യമന്ത്രി വ്യക്തമാക്കി.
ആരില് നിന്നും രോഗം വരാവുന്ന അവസ്ഥയാണുള്ളത്. അതിനാല് എല്ലാവരും ജാഗ്രത പുലര്ത്തണം. എല്ലാ കാലവും നമുക്ക് ലോക് ഡൗണിലേക്ക് പോകാന് സാധിക്കില്ല. ജീവനും ജീവിതോപാധിയും ഒരുപോലെ സംരക്ഷിക്കേണ്ടതാണ്. മൂന്നാം തരംഗത്തിന്റെ തീവ്രത കുറയ്ക്കുകയും വാക്സിനേഷന് ഊര്ജ്ജിതമാക്കുകയുമാണ് ഈ ക്യാമ്പയിനിന്റെ പ്രധാന ലക്ഷ്യങ്ങള്. കേരളം ഇതുവരെ നടത്തിയ പ്രതിരോധ പ്രവര്ത്തനങ്ങളുടെ ഫലമായി രോഗബാധ വരാതെ വളരെയേറെ പേരെ സംരക്ഷിക്കാനായിട്ടുണ്ട്. വാക്സിന് ലഭിക്കുന്ന മുറയ്ക്ക് അതിവേഗം വാക്സിനേഷന് നല്കി എല്ലാവരേയും സുരക്ഷിതമാക്കാനാണ് ശ്രമിക്കുന്നത്.
സോപ്പ്, മാസ്ക്, സാമൂഹിക അകലം എന്ന എസ്.എം.എസ്. കൃത്യമായി പാലിക്കുക, ആരോഗ്യ വകുപ്പിന്റെ മാര്ഗനിര്ദേശങ്ങള്ക്കനുസരിച്ചുള്ള ആധികാരിക സന്ദേശങ്ങള് മാത്രം കൈമാറുക, റിവേഴ്സ് ക്വാറന്റൈന് പാലിക്കുക, വയോജനങ്ങള്, കുട്ടികള്, കിടപ്പു രോഗികള് എന്നിവരിലേക്ക് രോഗം എത്തുന്നത് തടയുക തുടങ്ങിയ കാര്യങ്ങളെക്കുറിച്ച് വിവിധ ജനവിഭാഗങ്ങള്ക്ക് ശരിയായ അവബോധം നല്കുക എന്നിവയ്ക്കും ഈ ക്യാമ്പയിന് ലക്ഷ്യമിടുന്നു.
ഇതിന്റെ ഭാഗമായി സംസ്ഥാനത്തുടനീളം പത്ര , ദൃശ്യ , ശ്രാവ്യ , സാമൂഹ്യ മാധ്യമങ്ങള് വഴിയും മറ്റ് മാര്ഗങ്ങളിലൂടെയും കോവിഡിനെതിരായ പോരാട്ടത്തില് ഓരോ പൗരന്റെയും പ്രാധാന്യത്തെയും ചുമതലയെയും കുറിച്ച് ബോധവല്ക്കരിക്കുന്നതിനുള്ള ഊര്ജ്ജിത ശ്രമം നടത്തും. കോവിഡ് മഹാമാരിക്കെതിരായ പോരാട്ടത്തില് നമുക്കോരോരുത്തര്ക്കും നിസ്വാര്ത്ഥരായ പോരാളികളാകാം.
അതേസമയം, ഓണത്തിനു ശേഷം കോവിഡ് രോഗികളുടെ എണ്ണത്തില് ഭയപ്പെട്ടതു പോലെയുള്ള വലിയ വര്ദ്ധന ഉണ്ടായിട്ടില്ലെന്ന് മുഖ്യമന്ത്രി വാര്ത്താ സമ്മേളനത്തില് വ്യക്തമാക്കി. ആശുപത്രികളില് പ്രവേശിപ്പിക്കപ്പെട്ട കോവിഡ് രോഗികളുടെ എണ്ണത്തിലും കാര്യമായ വര്ദ്ധന ഉണ്ടായിട്ടില്ലെന്നും ഒരാഴ്ചയായിട്ട് ആശുപത്രിയില് ചികിത്സയില് ഉള്ളവരുടെ എണ്ണം കൂടുതല് ഉയരാതെ 30000ത്തിനും 33000ത്തിനും ഇടയില് തന്നെ നില്ക്കുകയാണെന്നും മുഖ്യമന്ത്രി പറയുന്നു.
പെര്ഫെക്ട് ഓകെ; മോഹന്ലാലിനൊപ്പമുള്ള വര്ക്കൗട്ട് ചിത്രങ്ങള് പങ്കുവച്ച് കല്യാണി പ്രിയദര്ശന്
ഇതിനിടെ സംസ്ഥാനത്ത് രാത്രി കാല കര്ഫ്യുവും ഞായറാഴ്ചത്തെ സമ്പൂര്ണ ലോക്ക് ഡൗണും തുടുമെന്ന് മുഖ്യമന്ത്രി അറിയിച്ചു. രോഗ വ്യാപനം നിയന്ത്രക്കുന്നതിന്റെ നടപടികളുടെ ഭാഗമായിട്ടാണിത്. ഞായറാഴ്ച ദിവസങ്ങളിൽ ലോക്ഡൗണും, എല്ലാ ദിവസവും രാത്രികാല നിയന്ത്രണവും ( രാത്രി 10 മുതൽ രാവിലെ 6 വരെ ) നിലവിലുണ്ട്. ഇത് തുടരും. തുടർന്നുള്ള കാര്യങ്ങൾ സംബന്ധിച്ച് അടുത്ത ചൊവ്വാഴ്ച പരിശോധന നടത്തി ഉചിതമായ തീരുമാനമെടുക്കുമെന്ന് മുഖ്യമന്ത്രി അറിയിച്ചു.
ഇപ്പോൾ ഡബ്ല്യൂ ഐ പിആർ ഏഴിന് മുകളിലുള്ള 81 നഗര വാർഡുകളിലും 215 ഗ്രാമപഞ്ചായത്തു വാർഡുകളിലും ലോക് ഡൗൺ ഏർപ്പെടുത്തിയിരിക്കുകയാണ്.
ദ്രുത പ്രതികരണസേന (ആർ ആർ ടി) മുഖേന കോവിഡ് രോഗികളുടെ ക്വാറന്റീൻ ഉറപ്പുവരുത്തുകയാണ്.
Click it and Unblock the Notifications
Sign in with Google