ഒമിക്രോണ് കേസുകള് ഉയരുന്നു; 50 പേര്ക്ക് കൂടി രോഗം സ്ഥിരീകരിച്ചു, ആകെ 280 കേസുകള്
തിരുവനന്തപുരം: സംസ്ഥാനത്ത് ഒമൈക്രോണ് രോഗദികളുടെ എണ്ണം വര്ദ്ധിക്കുന്നു. ഏറ്റവും പുതിയ റിപ്പോര്ട്ട് പ്രകാരം സംസ്ഥാനത്ത് 50 പേര്ക്ക് കൂടി ഒമിക്രോണ് സ്ഥിരീകരിച്ചു. എറണാകുളം 18, തിരുവനന്തപുരം 8, പത്തനംതിട്ട 7, കോട്ടയം, മലപ്പുറം 5 വീതം, കൊല്ലം 3, ആലപ്പുഴ, തൃശൂര്, പാലക്കാട് ഒന്ന് വീതം എന്നിങ്ങനെയാണ് ഒമിക്രോണ് സ്ഥിരീകരിച്ചതെന്ന് ആരോഗ്യമന്ത്രി വീണ ജോര്ജ് വ്യക്തമാക്കി.
ഇതുകൂടാതെ കോയമ്പത്തൂര് സ്വദേശിക്കും ഒമിക്രോണ് സ്ഥീരികരിച്ചു. ഇതില് 45 പേര് ലോ റിസ്ക് രാജ്യങ്ങളില് നിന്നും 5 പേര് ഹൈ റിസ്ക് രാജ്യങ്ങളില് നിന്നും വന്നതാണ്. ആര്ക്കും തന്നെ സമ്പര്ക്കത്തിലൂടെ ഒമിക്രോണ് ബാധിച്ചിട്ടില്ല. എറണാകുളം യുഎഇ 13, ഖത്തര് 4, സ്വീഡന് 1, തിരുവനന്തപുരം യുഎഇ 4, സൗദി അറേബ്യ, മാലിദ്വീപ്, യുകെ, ഇറ്റലി 1 വീതം, പത്തനംതിട്ട യുഎഇ 4, യുഎസ്എ 2, ഖത്തര് 1, കോട്ടയം യുഎസ്എ 2, യുകെ, യുഎഇ, ഉക്രൈന് 1 വീതം, മലപ്പുറം യുഎഇ 5, കൊല്ലം യുഎഇ 3, ആലപ്പുഴ സിങ്കപ്പര് 1, തൃശൂര് യുഎഇ 1, പാലക്കാട് യുഎഇ 1 എന്നിങ്ങനെ രാജ്യങ്ങളില് നിന്നും വന്നതാണ്. കോയമ്പത്തൂര് സ്വദേശി ഈജിപ്റ്റില് നിന്നും വന്നതാണ്.
ഇതോടെ സംസ്ഥാനത്ത് ആകെ 280 പേര്ക്കാണ് ഒമിക്രോണ് സ്ഥിരീകരിച്ചത്. ലോ റിസ്ക് രാജ്യങ്ങളില് നിന്നും 186 പേരും ഹൈ റിസ്ക് രാജ്യങ്ങളില് നിന്നും ആകെ 64 പേരും എത്തിയിട്ടുണ്ട്. 30 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്.
ആശുപത്രികളുടെ സുരക്ഷ വര്ധിപ്പിക്കാന് മന്ത്രി വീണാ ജോര്ജ് നിര്ദേശം നല്കി
Recommended Video
തിരുവനന്തപുരം: കോട്ടയം മെഡിക്കല് കോളേജ് ആശുപത്രിയില് നവജാത ശിശുവിനെ തട്ടിയെടുത്ത സംഭവത്തെ തുടര്ന്ന് മെഡിക്കല് കോളേജ് ആശുപത്രികളിലെ സുരക്ഷ വര്ധിപ്പിക്കാന് ആരോഗ്യ വകുപ്പ് മന്ത്രി വീണാ ജോര്ജ് ആരോഗ്യ വിദ്യാഭ്യാസ ഡയറക്ടര്ക്ക് നിര്ദേശം നല്കി. ആശുപത്രി ജീവനക്കാരെല്ലാവരും തന്നെ നിര്ബന്ധമായും ഐഡി കാര്ഡുകള് ധരിക്കണം. മെഡിക്കല് കോളേജുകളില് നിലവിലുള്ള സുരക്ഷാ സംവിധാനങ്ങളുടെ പരിശോധന നടത്തണം. ആവശ്യമായ സ്ഥലങ്ങളില് സിസിടിവി ക്യാമറകള് വച്ച് സുരക്ഷാ സംവിധാനം ശക്തമാക്കുന്നതിന് വേണ്ടിയുള്ള നടപടികള് സ്വീകരിക്കണമെന്നും മന്ത്രി നിര്ദേശം നല്കി.
നവജാത ശിശുവിന്റെ അമ്മയെ മന്ത്രി ഫോണില് വിളിച്ച് കാര്യങ്ങള് നേരിട്ടറിഞ്ഞു. പോലീസിന്റെ സമയോചിതമായ ഇടപെടലിലൂടെയാണ് കുട്ടിയെ രക്ഷിതാക്കള്ക്ക് സുരക്ഷിതമായി തിരിച്ചുകിട്ടിയത്.
Click it and Unblock the Notifications
Sign in with Google