മാസ്കും ശാരീരിക അകലവും; ദുരിതാശ്വാസ ക്യാമ്പില് കൊവിഡ് മാനദണ്ഡങ്ങള് പാലിക്കണമെന്ന് മുഖ്യമന്ത്രി
തിരുവനന്തപുരം: സംസ്ഥാനത്ത് മഴ കനക്കുകയാണ്. വിവിധ ജില്ലകളില് പ്രളയ ഭീതി ഉടലെടുത്തിരിക്കുകയാണ്. ഉരുള്പ്പൊട്ടലില് നിരവധി പേരെ കാണാതായിട്ടുണ്ട്. ചില ജില്ലകളില് ഇന്നും മഴ ശക്തമാകുമെന്നാണ് കാലാവസ്ഥ നിരീക്ഷണ കേന്ദ്രം നല്കുന്ന മുന്നറിയിപ്പ്. കേരളത്തില് പലയിടങ്ങളിലും മഴ ശക്തമാവുകയും നാശം വിതക്കുകയും ചെയ്യുന്ന സാഹചര്യമാണ് നിലവിലുള്ളത്.
അതിതീവ്ര മഴ തുടരുന്ന എല്ലാ മേഖലളിലും രക്ഷാപ്രവര്ത്തനം തുടര്ന്നുകൊണ്ടിരിക്കുകയാണ്. മഴക്കെടുതിയുടെ സഹചര്യത്തില് പ്രശ്നബാധിത പ്രദേശങ്ങളില് ദുരിതാശ്വാസക്യാമ്പുകള് ആരംഭിച്ചിട്ടുണ്ടെന്ന് മുഖ്യമന്ത്രി പിണറായി വിജയന് അറിയിച്ചു.
ദൃശ്യ ഇത് എന്തൊരു ഭംഗിയാണ് കാണാന്; താരത്തിന്റെ ഏറ്റവും പുതിയ ചിത്രം വൈറല്
ക്യാമ്പുകള് കോവിഡ് മാനദണ്ഡമനുസരിച്ച് പ്രവര്ത്തിക്കാന് ബന്ധപ്പെട്ടവര് ശ്രദ്ധിക്കണം. ആവശ്യമായ ശാരീരിക അകലം പാലിക്കാനും മാസ്ക് ധരിക്കാനും ക്യാമ്പുകളില് കഴിയുന്നവര് തയ്യാറാകണം. ക്യാമ്പുകളില് ആളുകള് കൂട്ടംകൂടി ഇടപഴകാന് പാടുള്ളതല്ല. ഒരു ക്യാമ്പില് എത്ര ആളുകളെ ഉള്ക്കൊള്ളാന് കഴിയുമെന്ന് തിട്ടപ്പെടുത്തണം. കൂടുതല് ആളുകളെ താമസിപ്പിക്കേണ്ടി വന്നാല് ക്യാമ്പുകളുടെ എണ്ണം വര്ദ്ധിപ്പിക്കാം എന്നും കലക്ടര്മാര്ക്ക് നിര്ദേശം നല്കിയിട്ടുണ്ടെന്നും മുഖ്യമന്ത്രി വ്യക്തമാക്കി.
അതേസമയം, സംസ്ഥാന അടിയന്തരഘട്ട കാര്യനിർവഹണ കേന്ദ്രം കൂടുതൽ സജീവമാക്കി. ഡാമുകളിലെ സ്ഥിതിഗതികൾ വിലയിരുത്തുവാൻ കെ എസ് ഇ ബി , ജലസേചന വകുപ്പ്, മോട്ടോർ വാഹന വകുപ്പ് തുടങ്ങിയ വകുപ്പുകളുടെ പ്രതിനിധികളെ അടിയന്തരഘട്ട കാര്യനിർവഹണ കേന്ദ്രത്തിൽ 24 മണിക്കൂറും വിന്യസിച്ചു. പോലീസ്, ഫയർ ഫോഴ്സ്, ലാൻഡ് റെവന്യു കണ്ട്രോൾ റൂമുകളുമായും സംസ്ഥാന അടിയന്തരഘട്ട കാര്യനിർവഹണ കേന്ദ്രം ആശയവിനിമയം നടത്തി വരുന്നു. ബന്ധപ്പെട്ട എല്ലാ വകുപ്പ് മേധാവികളോടും ഏതു വിധത്തിലുള്ള അടിയന്തര സാഹചര്യങ്ങളെയും നേരിടാൻ സുസജ്ജമായിരിക്കാൻ നിർദ്ദേശം നൽകിയിട്ടുണ്ട്.
കേന്ദ്ര കാലാവസ്ഥാ വകുപ്പിന്റെ ഏറ്റവും ഒടുവിൽ ലഭിച്ച മുന്നറിയിപ്പ് പ്രകാരം കേരള-കർണാടക-ലക്ഷദ്വീപ് മേഖലകളിൽ മത്സ്യബന്ധനം ഇന്ന് വരെ പൂർണ്ണമായും നിരോധിച്ചിട്ടുണ്ട്.
Recommended Video
വൈദ്യുതി ബോർഡിന്റെ കീഴിലുള്ള അണക്കെട്ടുകളിൽ പത്തനംതിട്ട ജില്ലയിലെ കക്കി, തൃശ്ശൂർ ജില്ലയിലെ ഷോളയാർ , പെരിങ്ങൽകുത്തു, ഇടുക്കി ജില്ലയിലെ കുണ്ടള, കല്ലാർകുട്ടി, മാട്ടുപ്പെട്ടി, കല്ലാർ എന്നീ അണക്കെട്ടുകളിൽ രാവിലെ 7 മണിക്കുള്ള അണക്കെട്ടുകളുടെ നിരീക്ഷണപട്ടികയിൽ ചുവന്ന അലെർട് പ്രഖ്യാപിച്ചിട്ടുണ്ട്. ഇടുക്കി ജില്ലയിലെ പൊന്മുടി, ഇടുക്കി ഡാം, പത്തനംതിട്ടയിലെ പമ്പ എന്നിവിടങ്ങളിൽ നീല അലെർട് പ്രഖ്യപിച്ചിട്ടുണ്ട്.
Click it and Unblock the Notifications
Sign in with Google