തൃശൂര് സുരേഷ് ഗോപി എടുക്കുമെന്നുറപ്പിച്ച് ബിജെപി, തിരുവനന്തപുരത്തും പ്രതീക്ഷ; സാധ്യത ഇങ്ങനെ
തൃശൂര്: ലോക്സഭാ തിരഞ്ഞെടുപ്പില് സംസ്ഥാനത്ത് അക്കൗണ്ട് തുറക്കുമെന്നുറപ്പിച്ച് ബി ജെ പി. തൃശൂരിലും തിരുവനന്തപുരത്തും അക്കൗണ്ട് തുറക്കാനാകും എന്ന പ്രതീക്ഷയില് തന്നെയാണ് ബി ജെ പി. ഇതില് തൃശൂരില് എല്ലാ ഘടകങ്ങളും അനുകൂലമാണ് എന്നാണ് വിശ്വാസം. ഇവിടെ 20000 വോട്ടിന്റെ ഭൂരിപക്ഷമാണ് ബി ജെ പി പ്രതീക്ഷിക്കുന്നത്. തൃശൂരില് സ്ത്രീ വോട്ടര്മാര് സുരേഷ് ഗോപിക്കൊപ്പം നിന്നു എന്നാണ് ബി ജെ പിയുടെ വിശ്വാസം.
ഈഴവ, നായര് വോട്ടുകളില് നല്ലൊരു ശതമാനവും സുരേഷ് ഗോപിക്കൊപ്പമാണ് എന്ന് ബി ജെ പി പ്രതീക്ഷിക്കുന്നത്. ഇതിനൊപ്പം ക്രിസ്ത്യന് വോട്ടില് ഒരു പങ്ക് ലഭിക്കുകയും മുസ്ലിം ന്യൂനപക്ഷ വോട്ടുകള് ഭിന്നിക്കുകയും ചെയ്തിട്ടുണ്ടെങ്കില് സീറ്റ് ഉറപ്പിക്കാം എന്നാണ് ബി ജെ പി പറയുന്നത്. എന്നാല് മറിച്ചാണെങ്കില് സ്ഥിതി മാറും. തിരുവനന്തപുരത്തും ബി ജെ പിക്ക് നല്ല പ്രതീക്ഷ തന്നെയാണ് ഉള്ളത്.
കോവളം ഉള്പ്പടെയുള്ള സ്ഥലങ്ങളില് കോണ്ഗ്രസ് വോട്ടുകള് പൂര്ണമായും പോള് ചെയ്യപ്പെട്ടിട്ടില്ല. എന്നാല് തിരുവനന്തപുരം, വട്ടിയൂര്ക്കാവ്, നേമം, കഴക്കൂട്ടം എന്നീ മണ്ഡലങ്ങളില് പോളിംഗ് കുറഞ്ഞത് തങ്ങള്ക്ക് പ്രതികൂലമായേക്കും എന്ന ആശങ്കയും ബി ജെ പിക്കുണ്ട്. ആറ്റിങ്ങലില് വോട്ടുവിഹിതം ഉയര്ത്താനാകും എന്നാണ് പ്രതീക്ഷ. കേന്ദ്രമന്ത്രി വി മുരളീധരനാണ് ആറ്റിങ്ങലില് മത്സരിച്ചത്.
2019 ല് ഇവിടെ മത്സരിച്ച ശോഭ സുരേന്ദ്രന് രണ്ടര ലക്ഷം വോട്ടുകള് പിടിച്ചിരുന്നു. ഇതിലേറെ പിടിക്കാനായില്ലെങ്കില് ശോഭയുടെ മറുപക്ഷത്തുള്ള മുരളീധരന് നാണക്കേടാകും. ഈ ലോക്സഭാ തിരഞ്ഞെടുപ്പില് ശോഭ സുരേന്ദ്രന് ആലപ്പുഴയില് ആണ് മത്സരിച്ചത്. ഇവിടെ രണ്ടാം സ്ഥാനത്ത് വരെ എത്തിയേക്കും എന്നാണ് ബി ജെ പിയുടെ പ്രതീക്ഷ. പാലക്കാടും പത്തനംതിട്ടയിലും കഴിഞ്ഞ തവണത്തേക്കാള് മുന്നേറ്റമുണ്ടാകും എന്നാണ് കണക്കുകൂട്ടല്.
സംസ്ഥാനത്താകെ 18 മുതല് 20 വരെ വോട്ടു വിഹിതം വര്ധിക്കുമെന്നാണ് ബിജെപിയുടെ കണക്ക് കൂട്ടല്. 2019 ല് എന് ഡി എയുടെ സംസ്ഥാനത്തെ വോട്ടുവിഹിതം 15 ശതമാനമായിരുന്നു. ആ വര്ഷം ഏഴ് നിയമസഭാ മണ്ഡലങ്ങളില് ബി ജെ പി രണ്ടാം സ്ഥാനത്തും നേമത്ത് ഒന്നാം സ്ഥാനത്തുമായിരുന്നു. എന്നാല് 2021 ല് നടന്ന നിയമസഭാ തിരഞ്ഞെടുപ്പില് ബി ജെ പിയുടെ വോട്ടുവിഹിതം ഇടിഞ്ഞ് 14 ശതമാനത്തില് എത്തിയിരുന്നു.
-
കാത്തിരിപ്പ് വിഫലം; ചിക്കമംഗളൂരിൽ കാണാതായ ശ്രീനന്ദയുടെ മൃതദേഹം കണ്ടെത്തി -
2013 ന് ശേഷമുള്ള ഏറ്റവും വലിയ ഇടിവില് സ്വര്ണം... ഒറ്റയടിക്ക് 13% ഇടിഞ്ഞെന്ന് ഗോള്ഡ് കൗണ്സില് -
കേരളത്തിൽ രണ്ടിടത്ത് താമര വിരിഞ്ഞുവെന്ന് ബിജെപി; 10 ഇടത്ത് അട്ടിമറി സാധ്യത? നൂറിൽ ഉറച്ച് യുഡിഎഫും -
കേരളത്തില് യുഡിഎഫ് തരംഗം; 102 സീറ്റ് വരെ കിട്ടിയേക്കും, ബിജെപിക്ക് എസ്ഐആര് പാര, റാഷിദ് പറയുന്നു -
'സഭ എന്ത് വൃത്തികേടാണ് കാണിക്കുന്നത്? ബോധവും വിവരവും ഇല്ലാത്തവർ, ഞാൻ 20,000 വോട്ടിന് ജയിക്കും'; പിസി ജോർജ് -
സ്വര്ണവില വീണ്ടും കയറി; ഇനി ഈ ആഭരണം മാത്രമാകും ശരണം, ഇന്നത്തെ പവന് വില -
'ഇല്ലെങ്കിൽ ട്വന്റി-20 സ്ഥാനാർത്ഥി 25000 വോട്ടിന് ജയിച്ചേനെ', സാബു എം ജേക്കബിനെ പരിഹസിച്ച് സോഹൻ സീനുലാൽ -
ഗജകേസരി യോഗം ചെറിയ കാര്യമല്ല; ഈ രാശിക്കാരുടെ പ്രണയം പൂത്തുലയും, സമ്പത്തിൽ ആറാടും..! -
ഒരു യുദ്ധം കൂടി അവസാനിക്കുന്നു? താല്ക്കാലിക വെടിനിര്ത്തല് പ്രഖ്യാപിച്ച് റഷ്യയും ഉക്രെയ്നും -
കാത്തിരിപ്പ് അവസാനിക്കുന്നു.. ഡിഎ വര്ധനവ് അടുത്ത ആഴ്ച തന്നെയുണ്ടാകും!? ശമ്പളം കൂടും -
പോളിംഗ് കൂടിയാല് യുഡിഎഫ്... കുറഞ്ഞാല് എല്ഡിഎഫ്; ഇതില് എന്തെങ്കിലും സത്യമുണ്ടോ? -
'എനിക്കെന്താ ദേഷ്യപ്പെട്ടൂടെ, മനപ്പൂർവ്വം അങ്ങനെ ചെയ്താൽ ദേഷ്യം വരില്ലേ', മമ്മൂട്ടി പറഞ്ഞത്
Click it and Unblock the Notifications
Sign in with Google