പണത്തിനായി നെട്ടോട്ടം തുടരുന്നു,എ ടി എമ്മുകള്ക്ക് മുന്നില് നീണ്ട ക്യൂ
സ്വകാര്യ ബാങ്കുകളുടെ എ ടി എം കൗണ്ടറുകള് പ്രവര്ത്തിക്കുന്നില്ല.പല എ ടി എമ്മുകളിലും മണിക്കൂറുകള്ക്കകം പണം തീര്ന്നു.
തിരുവനന്തപുരം: രണ്ടു ദിവസത്തിന് ശേഷം എ ടി എമ്മുകള് പ്രവര്ത്തനം ആരംഭിച്ചപ്പോള് കൗണ്ടറുകള്ക്ക് മുന്നില് ജനങ്ങളുടെ നീണ്ട ക്യൂ.എസ് ബി ടി,എസ് ബി ഐ,ഫെഡറല്,ഐ ഒ ബി തുടങ്ങിയ ബാങ്കുകളുടെ എ ടി എമ്മുകള് മാത്രമേ തലസ്ഥാന നഗരിയില് പ്രവര്ത്തിക്കുന്നുള്ളു.
രാവിലെ എ ടി എമ്മുകള് പ്രവര്ത്തനസജ്ജമാകുന്നതിനു മുന്പ് തന്നെ ആളുകള് എ ടി എം കൗണ്ടറുകള്ക്ക് മുന്നില് സ്ഥാനം പിടിച്ചിരുന്നു.
പല സ്വകാര്യ ബാങ്കുകളുടെയും എ ടി എമ്മുകള് തലസ്ഥാന നഗരിയില് പ്രവര്ത്തിക്കുന്നില്ല.ഇതിനാല് എസ് ബി ടിയുടെയും എസ് ബി ഐയുടെയും എ ടി എമ്മുകളില് വന്തിരക്കാണ് അനുഭവപ്പെട്ടത്.
ചില എ ടി എം കൗണ്ടറുകളില് മണിക്കൂറുകള്ക്കം തന്നെ പണം തീര്ന്നതും ജനങ്ങളെ വലച്ചു.ക്യൂ നില്ക്കുന്നതിനിടെ പൂവാറില് രണ്ടുപേര് കുഴഞ്ഞുവീണു.ഒരു ദിവസം 2000 രൂപ മാത്രമേ എ ടി എമ്മില് നിന്ന് പിന്വലിക്കാനാകുകയുള്ളു.എ ടി എമ്മുകളുടെ പ്രവര്ത്തനം സാധാരണ നിലയിലാവാന് 10 ദിവസമെങ്കിലും കാത്തിരിക്കേണ്ടി വരുമെന്നാണ് ബാങ്കുകാര് പറയുന്നത്.
Click it and Unblock the Notifications
Sign in with Google